Nnojotsü süküjain tü Bibliakat eeinjatüin tü atkawaa kanüliakalü Armagedón suluʼu wanee mma, eeinjatü shia sainküin mmakat süpüshuaʼa, peʼipaainjachin Maleiwa namaa napüshuaʼa na sülaülashiikana mma.

•   «Tia pütchikat sümaʼanajeejatü Yolujaa [...], eesü kasa pülasü sutuma tia pütchikat süpüla noutkajeʼennüinjanain na sülaülashiikana mma sünain tü atkawaa eejeetkat soʼu tü nükaliakat chi Maleiwa Pülashikai maʼin [...]. Noutkajeʼennaka na aluwataashiikana suluʼu tü mma kanüliakalü Armagedón suluʼu hebreo» (Apocalipsis 16:14, 16).

 Tü pütchikat «Armagedón» shia Har Maguedṓn suluʼu hebreo, «uuchi Meguidó» maluʼulu shia. Meguidó shia wanee pueulo eepuʼuka suluʼu Israel sümaiwa. Müsüjeseʼe nanoujain na wayuukana eeinjatüin tü atkawaa kanüliakalü Armagedón chaa Israel. Nnojotsü süpüla watiraain napüshuaʼa na sülaülashiikana mma jee na nasurulaatsekana suluʼu tü mmakat Meguidó jee suluʼu waneirua mma chakat Oriente Medio.

 Kayaawasesü atumawaa tü kasa aashajaanakalü achiki suluʼu tü karaloʼutakat Apocalipsis (Apocalipsis 1:1). Tü kanüliakalü Armagedón nnojotsü shiain wanee mma, shia tü alatüinjatkat sainküin mmakat eere paaʼinwainjanain napüshuaʼa na sülaülashiikana mma süpüla natkaain nümaa Maleiwa (Apocalipsis 19:11-16, 19-21).