Ajaʼttüsü wainma kasa sutuma tü atkawaakat otta müliasü maʼin saaʼin wayuu sainküin mmakat sutuma. Anuu waneirua kasa aküjünaka süchiki tia:

•   «Soʼu juyaka tiainka wainmaleeshiʼiya maʼin na wayuu outakana sutuma tü atkawaakat, alatüsü maʼin tia chaa Etiopía otta Ucrania. Nnojotsü alatüin makalü aka saaʼin tia soʼujee tü juyakat 1994» (Instituto de Investigación para la Paz de Oslo, juunioʼu 7 soʼu 2023).

•   «Keemaleesia maʼin soʼu 2022 tü atkawaa eekat chaa Ucrania. Akooʼomüinraleesia maʼin maʼaka 27% tü atkawaakat sutuma política sainküin tü mmakat soʼu juyaka tiainka otta eeshii maʼaka 1.700 miyoone wayuu müliakana sutuma» (Proyecto de Datos de Localización otta Eventos de Conflictos Armados [ACLED], peʼureeroʼu 8 soʼu 2023).

 Anapejeʼe waaʼin sutuma tü aküjünakat suluʼu tü Bibliakat. Süküjain nüikaleʼerüinjatüin «chi Maleiwa sirumatuʼujeʼewaikai sukuwaʼipa wanee aluwatawaa eeinjatka süpüla kaʼikat süpüshuaʼa» (Daniel 2:44). Najaʼlajeʼereerü Maleiwa tü atkawaakat sainküin tü mmakat Nuluwataapa (Salmo 46:9).