Saashin Organización Mundial de la Salud (OMS), süpüla maayoʼu 23 soʼu tü juyakat 2022, eejana maʼaka 6.27 miyoone wayuu outakana sutuma COVID-19. Aküjünapejeʼe soʼu maayoʼu 5 soʼu juyakat 2022, wainmaleeinya wayuu outakana sutuma tia ayuuliikat jee shiale sutuma ayuuitüjülin naya süpülapünaa, sülaka sümüshiijaʼa naya. Saashin OMS, eetaashii maʼaka 14.9 miyoone napüshuaʼa na wayuu oʼutakana sutuma COVID-19 soʼu juyakat 2020 sünainmüin 2021. ¿Jamüsüche sünüiki tü Bibliakat süchiki müliaa eekai müin aka saaʼin tia?

•   Nüküjatüjülia Jesús mülieerüin maʼin saaʼin wayuu sutuma ayuulii sülüʼütpa sükalia süpüla sajaʼttüin kasa mojusü (Lucas 21:11; 2 Timoteo 3:1).

 Ekeraajüsü maaʼulu süpüshuaʼa tü nüküjatüjütkalia achiki Jesús. Pütüjeere sooʼomüin paashajeʼera tü pütchi kanüliakat «¿Cúal es la señal de los últimos días» o de «los tiempos finales?»

•   «Chi Maleiwa amüliajüikai [...] waya suʼunnaa müliaa» (2 Corinto 1:3, 4).

 Wainma na wayuu anaajaakana apüshi amülialaakana aaʼin sutuma tü sümakat tü Bibliakat. Pütüjeere sooʼomüin paashajeʼera tü pütchikat «Tü anakat süpüla paaʼinrüin nünaajaale wanee püpüshi» otta «Tü amülialeetkat maʼin naaʼin na anaajaakana apüshi».

•   «Wachuntuin pümüin puluwataainjachin chaa iipünaajee. Kasataalejeseʼe saainjünüin tü keeʼireekat paaʼin yaa mmapaʼa maʼaka sukuwaʼipa putuma chaa iipünaa» (Mateo 6:10, TNM).

 Soʼu palit kaʼi, nuluwataapeena Maleiwa saaʼu tü mmakat, «nnojoleechi eein wanee wayuu eekai ‹ayuuishi taya› nümeechin» (Marcos 1:14, 15; Isaías 33:24). Pütüjeere sooʼomüin süchiki tü naaʼinrajatkat Maleiwa nuluwataapeena, pünaja tü videokot ¿Kasa wayu tü Nuluwataayakat Maleiwa?

 Anashi pikirajaale sooʼomüin sünain tü sümakat tü Bibliakat süpüla anain pukuwaʼipa sümaa püpüshi sutuma tü pütchi anakat maʼin aküjünakat suluʼu otta süpüla pütüjaain saaʼu tü kasa alatajatkat mapeena saashin tü Bibliakat.