Eneeroʼu 27 soʼu 2023, aainjünüsü tü kanüliakat Día Internacional en Memoria del Holocausto. Alatüsü 75 juya süchikijee müliain maʼin wayuu soʼu tia. Eesüjaʼa püsakirüle paaʼin jamüin nuuʼulaaka Maleiwa müliain maʼin wayuu soʼu tü kanüliakat Holocausto.

•   Pütüjeere süchiki tü sümakat tü Bibliakat, paashajeʼera tü pütchi kanüliakat «¿Jamüshii noʼutunaka aaʼin wainma Judío? ¿Jamüsü nuuʼulaaka Maleiwa sülatüin tia?».

 Müliashii maʼin na judíokana soʼunnaa tü kanüliakat Holocausto. Keemasü maʼin tü aainjünakat namüin otta wainma na oʼutunakana aaʼin. Nnojoishi nayain neʼe müliain atumawaa na judíokana soʼunnaa tü kanüliakat Holocausto, müliashii maʼin waneinnua wayuu jee oʼutuna aaʼinchii naya. Maʼaka naaʼin na aküjaliikana pütchi nüchiki Jehová, müliashii maʼin naya atumawaa sünainjee nanoujain sünain tü sümakat tü Bibliakat.

•   Pütüjeere sooʼomüin paashajeʼera tü pütchikat «¿Qué les ocurrió a los testigos de Jehová durante el Holocausto?».

 Nnojotsü keeʼireein naaʼin na wayuukana sülatüin wanee kasa makalü aka saaʼin tü Holocaustokot, wainmajüsü naaʼin sutuma. Anapejeʼe waaʼin sutuma tü sümakat tü Bibliakat, aküjünüsü suluʼu nnojoleerüin sülatüin wanee makalü aka saaʼin tia.

•   «Anuu tü pütchi niweetirakat Jehová: ‹Tatüjaa aaʼu tü taainjainjatkat jüpüleerua, nnojoleena jia müliain aaʼin. Taapeerü wanee anaa jümüin otta aneerü jukuwaʼipa tatuma watta kaʼi›» (Jeremías 29:11). a

 Ekeraajeerü tia pütchikat najaʼlajeʼerapa Maleiwa tü kasa mojusükat otta nunoutapa tü kasa amojujaakat yaa mmapaʼa. Anuu tü naaʼinrajatka Maleiwa soʼu palit kaʼi:

•   Najaʼttireena na mojulaashiikana (Proverbios 2:22).

•   Aneena nutuma na müliakana aaʼin (Alateetkat Mapeena 21:4).

•   Nüsoʼireʼereerü naaʼin na wayuu outuinnapakana süpüla kepiain naya mmapaʼa (Juan 5:28, 29).

 Eesü süpüla punoujain sünain tü kasa anasü aküjünakat sünain tü Bibliakat. Süpüla pütüjain saaʼu sooʼomüin süchiki tia, pikirajaa sünain tü Bibliakat namaa na aküjaliikana pütchi nüchiki Jehová.