«Kojutuipa süchikuaʼa tü kasakalüirua sainküin mma», müshi chi shikiipüʼükai Banco Mundial sünain wanee pütchi nümakat juunioʼu 2022. «Akooʼomüinraasü maʼin sülia tü kasakalüirua otta na wayuukana nnojotsü wainmain nneerü namaʼana süpüla nayaʼlajüin shia».

 «Akooʼomüinraasü maʼin sülia tü kosoliinakat jee tü eküütkat, na müliakana maʼin aaʼin naya na wayuu maʼletsekana kepiakana suluʼu waneirua mma eere alin maʼin shiiʼiree nneerü», müshii na aʼyataakana suluʼu Fondo Monetario Internacional.

 Süküjapejeʼe wamüin tü Bibliakat jamüin aika maʼin shiiʼiree nneerü maaʼulu, tü waaʼinrüinjatkat sülatapa tia otta süküjain sunoutaajeerüin sukuwaʼipa tia.

•   Süküjain tü Bibliakat kepiain waya soʼu tü kaʼi alüʼütkat süpüla sajaʼttajatüin kasa mojusü (2 Timoteo 3:1).

•   Nüküjain Jesús sülateerüin kasa keemaka maʼin maaʼulu yaa (Lucas 21:11). Ayoʼujaasü saaʼin wayuu shiʼrapa sükooʼomüinraain maʼin sülia waneirua kasa. Shapaasü naaʼin sünain jameerüin nakuwaʼipa wattaʼa kaʼi otta eere süpüla naapüin tü kasa choʼujaakat sümüin napüshi.

•   Süküjatüjülia tü Bibliakat suluʼu Apocalipsis kojutuinjatüin maʼin tü eküütkat maaʼulu yaa. «Taapüin wane pütchi müsü aka saaʼin sünüiki wayuu sünain maa: “Süka aliitpain jamü sainküin mma, eisalajüneesü tü seitakat je tü wiinokat. Kojutüitpa maʼi tü eküütkat süpüshua. Maa aka tü wanekat poote trigo, kettaʼalaasü sümaa niʼyataainjut wane wayuu süpüla wane kaʼi”» (Alateetkat Mapeena [Apocalipsis] 6:6).

 Pütüjeere sooʼomüin süchiki tü kaʼi sajaʼlajaainjatkalü oʼu kasa mojusü otta nachiki na pienchishii amaajuna aküjünakana achiki suluʼu Alateetkat Mapeena, pünaja tü videokot En 1914 el mundo cambio de rumbo otta paashajeʼera tü pütchikat «¿Jaralii na pienchishiikana amaajuna?».

•   «Shiimain nakumajeenain piichi süpüla kepiainjanain naya suluʼu; shiimain napünajeenain süpüla neküinjatüin süchon naʼttia. Nnojoleena akumajüin piichi süpüla kepiainjatüin wayuu naatajannuu suluʼu; nnojoleena apünajüin süpüla shiküinjatüin wayuu naatajannuu süchon naʼttia» (Isaías 65:21, 22).

•   «Jouleerü maʼin pünajüt saaʼu tü mmakat; otta wainmaleejeeria saaʼupünaa tü uuchikalüirua» (Salmo 72:16).

•   «‹Saaʼujee na wayuu müliakana aaʼin jee na wayuu maʼletsekana, atamaajeechi taya jee takaalinjeena naya› müshi Jehová» (Salmo 12:5). a

 Najaʼttireerü Maleiwa mapeena tü müliakalü atumaa saaʼin wayuu sainküin mma, maʼaka saaʼin tü maʼletseekat. Pütüjaweerü süchiki jameerüin sukuwaʼipa tia paashajeʼera tü pütchikat «¿Es realista esperar un sistema económico justo?».

 Süküjapejeʼe wamüin tü Bibliakat tü waaʼinrüinjatkat kojutule maʼin tü kasakalüirua. Süküjain pütchi anaka maʼin süpüla watüjain saaʼu jamüinjatüin sukuwaʼipa tü nneetkat watuma (Proverbios 23:4, 5; Eclesiastés 7:12). Pütüjeere sooʼomüin, paashajeʼera tü pütchikat «Piisalaja pünneetse» otta «Cómo vivir con menos».