Suluʼu waneirua mma nnojoishii paaʼinwaain maʼin na poliitikokana. Anuu tü namakat na suluʼukana Pew Research Center süchikijee nasakirüin waneinnua wayuu soʼu 2022: «Maʼaka 65% na wayuu asakiijünakana suluʼujee 19 mma, naküjain nnojoluin paaʼinwaain na wayuu kepiakana noumain süka naatawalin na poliitiko kamaakana naya».

 ¿Müsüche sukuwaʼipa puumainpaʼa sünain nnojoluin paaʼinwaain wayuu sutuma tü poliitikakat? ¿Jamüsüche maʼaka sukuwaʼipa tia? ¿Anoutaajeetche shia? Anuu tü sümakat tü Bibliakat süchiki tia.

 Süküjatüjülia tü Bibliakat jamüinjatüin sukuwaʼipa wayuu «sülüʼütpa sükalia süpüla sajaʼttüin kasa mojusü», süküjain naatainjatüin maʼin nakuwaʼipa na wayuukana kapüleejeetka atuma paaʼinwaain naya.

•   «Pütüjaainjatpejeʼe saaʼu kapüleejeerüin maʼin tü kasa alatakat jee keemeerüin maʼin tü mmapaʼakat sülüʼütpa sükalia süpüla sajaʼttüin kasa mojusü. Jamüshiijaʼa na wayuukana, kapüleerü neʼe naaʼin nakuwaʼipa namüiwaʼa [...], nnojoleerü anashiin namüin anajiraain naya» (2 Timoteo 3:1-3, TNM).

 Kapüleeshaatasü maʼin namüin na sülaülashiikana mma anainjatüin sukuwaʼipa naluwataaya mayaainjeʼe süchajaain sukuwaʼipa wayuu süpüla nountuinjatüin shia. Sutuma nnojoluin wanaawain tü jülüjakat naaʼin, nnojotsü nountuin paaʼinwaain naya sünain aʼyatawaa jee nnojotsü nanoutuin tü kasa alatakat. Pansaasü tü süküjatüjütkalia tü Bibliakat süchiki tia.

•   ‹Nülaülajaale wanee wayuu naaʼu na waneinnua shia süpüla numojujain nakuwaʼipa› (Eclesiastés 8:9).

 Süküjapejeʼe tü Bibliakat tü anouteʼerüinjatkat tia: eeinjatü wanee sukuwaʼipa aluwatawaa ajaʼlajeʼereetka tü müliakalü atuma saaʼin wayuu.

 Süküjain tü Bibliakat nüchiki wanee wayuu aluwataainjachikai otta ounteechikai najaʼlajeʼerüin tü kasa mojusükat. Chia nia Jesucristo. Pülashi nia, aapünüsü nümüin laülawaa otta paaʼinweeshii nutuma napüshuaʼa na wayuukana sümaa anajiraain naya.

•   «Soʼu tü nükaliakat, wainmeena na lotokana akuwaʼipaa otta eejeerü jimataa aaʼin waneepia» (Salmo 72:11).

•   «Aʼyataajeena nümüin napüshuaʼa na wayuukana» (Salmo 72:11).

 Anashi maʼin Jesús süpüla niainjachin aluwataain. Kapülasü naaʼin nakuwaʼipa na wayuukana otta nükaalinjeein maʼin naya, nayaleekajaʼa na müliakana atumawaa.

•   «Nükaalinjeechi chi wayuu müliashi achuntakai kaalinwaa, chi wayuu mojukai aaʼin jee chi nnojoikai jaralin akaalinjain. Amülialaajeerü naaʼin naalin chi nnojoikai yaletüin aaʼin jee naalin chi maʼletsekai, nükaalinjeena naya. Nükaalinjeena naya suulia müliain naya atumawaa jee noulia na mojulaashiikana» (Salmo 72:12-14).

 Eesü süpüla pütüjaain saaʼu sooʼomüin süchiki sukuwaʼipa aluwatawaa nutuma Maleiwa, eere nuluwataainjachin Jesús, piyaawatüinjatü aaʼu jameerüin pukuwaʼipa sutuma otta tü paaʼinrüinjatkat süpüla kojutuin pümüin tia aluwataayakat.

•   Pünaja tü videokot ¿Kasa wayu tü Nuluwataayakat Maleiwa?

•   Paashajeʼera tü pütchikat «Anashaatasü maʼin tü Nuluwataayakat Maleiwa».