Wainma na wayuu nnojoliikana eküin shiʼiruku mürüt sainküin tü mmakat.

•   «Wanee wayuu nnojoikai eküin shiʼiruku mürüt nüchajaain maʼin sukuwaʼipa süpüla nnojoluin suʼutunüin saaʼin mürüt süpüla shikünüin, saainjünüin kuluulu süka tü sütakat jee saainjünüin waneirua kasa süka» (The Vegan Society).

 Wainma na wayuu nnojoliikana eküin shiʼiruku mürüt süka naaʼinmajeein tü mmakat, nnojoishii ayuuleein naya, nnojotsü neküin tia saaʼujee tü nanoujakalü anain jee saaʼujee alin namüin sümüliala tü mürütkalüirua.

•   «Na nnojoliikana eküin shiʼiruku mürüt nnojoishii müin aka naaʼin na wayuu aainjakana dieta. Nnojotsü neküin tü shiʼirukukat mürüt sutuma tü nanoujakalü anain, sutuma mojuin shia noʼuluʼu otta süka eein süpüla nanouteʼerüin tü mmakat» (Britannica Academic).

 ¿Aneetche sukuwaʼipa tü mmakat sutuma nnojoliin neküin na wayuukana shiʼiruku mürüt? ¿Jamüsüche sünüiki tü Bibliakat süchiki tia?

 Süküjain tü Bibliakat nnojotsü wanaawain noʼuluʼu Jehová a nakuwaʼipa na wayuukana sümaa tü mürütkalüirua. Jamüsüjaʼa nukumajapa chi palajachikai wayuu, nüküjain nümüin laülaainjachin nia saaʼu tü mürütkalüirua (Génesis 1:27, 28). Shiasaʼa mapa, nüküjain namüin na wayuukana anain neküle shiʼiruku mürüt (Génesis 9:3). Nnojotpejeʼe maluʼuluin tia müliainjatüin tü mürütkalüirua natuma (Proverbios 12:10).

 Saashin tü Bibliakat nayainjana aneekaka waneʼewai nakua na wayuukana neküinjanale jee nnojoluinjatüle neküin shiʼiruku mürüt. b Sutuma tü kasa waneekakat, nnojoleerü anain maʼin wakuwaʼipa noʼuluʼu Jehová (1 Corinto 8:8). Nnojoishi wayoujainjachin wanee wayuu saaʼu tü kasa nüneekakat süpüla niküin (Roma 14:3).

 Süküjain tü Bibliakat nnojoleerüin sunoutaain tü mmakat sutuma tü naainjakat na wayuukana. Tü eekalü atuma wainma kasa mojusü shia tü políticakat, tü nakuwaʼipakat na wayuukana jee tü sukuwaʼipakat oikawaa jee aʼyalajaa kasa, nnojotsü jaralin ountuin anoutuin tia. Anuu sünüiki tü Bibliakat:

•   «Wanee kasa eekai shokotuin, nnojotsü süpüla süloʼinnüin» (Eclesiastés 1:15).

 Nieechi chi Kakumajalakai waya anouteʼereechika tü kasa mojusü eekat maaʼulu yaa. Anuu wanee shiyaawase suluʼu tü Bibliakat wayaawataka anainjee tü naainjainjatkat.

•   «Jeketü tü sirumatuʼu teʼrakat otta jeketü tü mmakat, jama nnojoluitpain tü sirumatuʼukat otta tü mma eejatkat paala jee nnojoluitpa tü palaakat» (Apocalipsis 21:1).

 Najaʼttireerü Maleiwa sukuwaʼipa aluwatawaa natuma na wayuukana, meerü nnojotkai saaʼin nutuma tü sirumatuʼu «eejatkat paala» süpüla niʼitaain wanee «jeketü», tia shiyaawase tü sukuwaʼipakalü Aluwatawaa nutuma Maleiwa. Najaʼttireerü Maleiwa sükajee tia «tü mma eejatkat paala», nayaawase tia na mojulaashiikana. Nieechi Maleiwa aluwataaka saaʼu tü jeketükat mma: nayaawase tia na wayuu anakana amüin niain Maleiwa aluwataain naaʼu.

 Nuluwataapa Maleiwa waaʼu, aneerü wakuwaʼipa sümaa tü mürütkalüirua otta aneerü sukuwaʼipa tü mmapaʼakat (Isaías 11:6-9).