Soʼunnaa juyakat 2024 wainma na wayuu awotaajüinjanakana sainküin mmakat. Wainmapejeʼe wayuu maaʼulu nnojoliikana anoujain nanüiki na políticokana.

•   Asakinnüshii waneinnua wayuu chaa Estados Unidos jee naküjain shiain neʼe kapülain naaʼin na políticokana anainjatüin nakuwaʼipa suulia wayuu (centro de investigación Pew Research Center, settienpüroʼu 19 soʼu 2023). a

 Shiaʼaya neʼe naküjaka tia na jimaʼaliikana jee na majayünnüükana, nnojoluitpa nanoujain nanüiki na políticokana.

•   «Keeʼireesü naaʼin na jimaʼaliikana jee na majayünnüükana nanoutuin sukuwaʼipa kasa, naküjapejeʼe nnojoluin nakaalinjünüin natuma na políticokana süpüla nountuin tia» (The New York Times, eneeroʼu 29 soʼu 2024).

•   «Naküjain waneinnua jimaʼalii jee majayünnüü nanoujain maʼin nanüiki na aainjakana video suluʼupünaa internet suulialeʼeya nanüiki na políticokana» (The Korea Times, eneeroʼu 22 soʼu 2024).

 ¿Nounteetche na políticokana nanoutuin sukuwaʼipa tü kasa alatakat maaʼulu? ¿Jaraiche chi eekai süpüla wanoujain anüiki?

 Jülüjeesü waaʼin jaralin wanoujain anüiki. Müsü sünüiki tü Bibliakat: «Chi wayuu nnojoikai kasain nütüjaain aaʼu, nunoujain süpüshuaʼa tü münakat nümüin. Akaisaʼa chi wayuu eekai kekiin maʼin, jülüjasü naaʼin tü naaʼinrajatkat» (Proverbios 14:15).

•   Pütüjaweere saaʼu tü paainjainjatkat süpüla piyaawatüin saaʼu shiimainre wanee pütchi jee alawaale shia, paashajeʼera tü pütchikat «Cómo protegerse de la información falsa».

 Mayaainjeʼe eein na político aaʼinreekana kasa anasü süpüleerua wayuu isasü nachiki tia. Müsüjeseʼe sümüin wamüin tü Bibliakat:

•   «Nnojo punoujain tü namakat na aluwataaliikana otta nnojo punoujain sünain tü sümakat wayuu süka isain nachiki oʼtteʼeraa wayuu» (Salmo 146:3).

 Ashajünüsü suluʼu tü Bibliakat nüneeküin Maleiwa wanee aluwataai eekai süpüla nuuntuin tü nüchekakalü achiki otta anakai süpüla wanoujain anüiki, nia Jesucristo (Lucas 1:32, 33). Nia Jesús aluwataainjachika nutuma Maleiwa otta chainjachi nia aluwataain iipünaajee (Mateo 6:10).

•   Pütüjaweere saaʼu tü paaʼinrajatkat süpüla punoujain sünain nünüiki Jesús jee sünain tü naaʼinrajatkat süpüla nunouteerüin tü alatakat maaʼulu, paashajeʼera tü pütchikat «¿Jarai chi aneekünakai süpüla aluwatawaa?» otta «¿Jameerü sukuwaʼipa wayuu nuluwataapeena Maleiwa saaʼu tü Mmakat?».