JAYEECHI 4
Paʼanneetse taya Jeʼwaa
(Salmo 23)
-
1. Anashi Maleiwa waneepia
jee naaʼinmajeein maʼin taya,
saaʼu müin naʼanneetsekai joo taaʼin
niʼraajüin takuwaʼipaya.
Talatüsü maʼin taaʼin sutuma
nuʼunirüin taya Jeʼwaa.
Jee miyoʼu maʼin taalin nüpüla nee
jimateeria taaʼin nümaa.
Miyoʼu maʼin taalin nüpüla nee
jimateeria taaʼin nümaa.
-
2. Lotusü tapüna putuma
wulesü maʼin takuwaʼipaya,
jee müsü süsanatkai taaʼin soʼukai
puʼunirapa maʼin taya.
Jaʼitasü teʼrüin maʼin müliaa,
pükaalinjain maʼin taya.
Jee aneerü waneepia takuwaʼipa saaʼu
Tashin jee Taʼaleewain pia.
Anasü waneepia takuwaʼipa saaʼu
Tashin jee Taʼaleewain pia.
-
3. Anamia maʼin pia Tashikai
waneepieesü maʼin taaʼin pümaa.
Akatchinraasia putuma taaʼin,
pümüliajüin maʼin taya.
Aishaatashi maʼin pia tapüla,
taʼwaajüin maʼin pia Jeʼwaa.
Nnojoleerü ajaʼttaleein taalinya
püpüla Tashi Jeʼwaa.
Matüjainsü ajaʼttaa taalinya
püpüla Tashi Jeʼwaa.
(Paashajeʼera Sal. 28:9; 80:1).