JAYEECHI 89
Eʼreechi anaa chi oonookai waneepia
-
1. Nuʼunirüin waaʼin chi Nüchonkai Maleiwa.
Müsü joo nukuwaʼipa maʼaka saaʼin wopu
nünainmüinjatka Washikai Maleiwa,
weʼreerü anaa joo nünainjee Jesuu.
(CORO)
Paapa nünüiki Jeʼwaa,
poonoo waneepia nümaa.
Piʼreerü talataa, jimateerü maʼin paaʼin
soʼu wainmashaata juya.
-
2. Müsü aka saaʼin wanee piichi wakuwaʼipa,
nnojotsü ojuttüin, ichesü maʼin süsaʼa.
Woonoo nümaa chi Washikai Maleiwa,
weʼrai waneepia naʼanasia Jeʼwaa.
(CORO)
Paapa nünüiki Jeʼwaa,
poonoo waneepia nümaa.
Piʼreerü talataa, jimateerü maʼin paaʼin
soʼu wainmashaata juya.
-
3. Maʼaka wunuʼulia shikiinain tü wüinkat,
wüittuuisü waneepia, anapüisü maʼin shia.
Aneerü wakuwaʼipa, icheeria wanoula
süka woʼuneenain nüchiirua Jeʼwaa.
(CORO)
Paapa nünüiki Jeʼwaa,
poonoo waneepia nümaa.
Piʼreerü talataa, jimateerü maʼin paaʼin
soʼu wainmashaata juya.
(Paashajeʼera Deut. 28:2; Sal. 1:3; Prov. 10:22; Mat. 7:24-27; Luc. 6:47-49).
