Asoʼiraainjatü naaʼin na outushiikana
Nnojoishi jaralin isajüin suulia tü outaakat. ¿Müichimaʼaleeinjaiche wanee wayuu outapa nia? ¿Müinnache nnojoluin sotuin waaʼin mapeena na outushiikana? ¿Kateetche noʼu nachikuaʼa soʼu wanee kaʼi?
JÜLÜJA PAAʼIN TÜ SÜMAKAT TÜ WIWÜLIAKAT
NNOJOISHII MOTUIN NAAʼIN MALEIWA NA OUTUSHIIKANA
«Saapeerü tanüiki süpüshua tü wayuu ouktüsükalüirua sümaa sujuitteerüin mmaapüjee» (Juan 5:28, 29).
Sotushii naaʼin Maleiwa na wayuu outuinapakana. Na wayuu sotokana naaʼin Maleiwa asoʼiraweena aaʼin nachikuaʼa.
ASOʼIRAWEENA AAʼIN SAAʼU TÜ MMAKAT
«Sünain süsoʼiraajeerüin aaʼin tü wayuu ouktüsükalüirua, makat aka wayuu eekai saaʼinrüin tü anasükat otta türa eekai saaʼinrüin tü mojusükat» (Aluwataaushikana [Hechos] 24:15).
Asoʼiraweena aaʼin watta maʼin naalii wayuu, eeshii süpüla katüin noʼu waneepia saaʼu tü Mmakat sümaa jimatüin naaʼin.
SHIIMAIN SÜSOʼIRAAINJATÜIN SAAʼIN WAYUU
«Niyaawajüin [Maleiwa] tü shüliwaikalüirua jee kanüliayaa müsü nutuma waneʼewai sukua» (Salmo 147:4).
Kanüliayaa müsü nutuma Maleiwa tü shüliwaikalüirua waneʼewai sukua, nayaleekajaʼa moteematüin naaʼin na wayuu outushiikana nüsoʼireʼerapa naaʼin.
