EKIRAJAAYA 35
Kojutushii nümüin Jeʼwaa na aʼyataakana nümüin sümaa nnojoluin yaletüin naaʼin
«Mayaainjeʼe pülain maʼin Jeʼwaa, kamaneeshi nia nümüin chi wayuu nnojoikai yaletüin aaʼin» (SAL. 138:6).
JAYEECHI 48 Nümaa waya Jeʼwaa waneepia
SÜCHIKI TÜ WEKIRAJAAINJATKALÜ ANAIN *
1. Püküja jetsüin naalin nüpüla Jeʼwaa na wayuu nnojoliikana yaletüin aaʼin.
MIYOʼU naalin nüpüla Jeʼwaa na wayuu nnojoliikana yaletüin aaʼin jee aleewashi nia namaa. Akaajasaʼa «chi wayuu yaletakai aaʼin niʼraʼalüin neʼe noʼuka» (Sal. 138:6). Waaʼinreein tü anakat noʼuluʼu Jeʼwaa otta keeʼireesü waaʼin alin waya nüpüla, müsüjeseʼe nnojoluinjatüin yaletüin waaʼin.
2. ¿Jarat tü pütchi wasoutuinjatkalü eʼipajee sünain ekirajaayakat tüü?
2 Sünain ekirajaayakat tüü, wasouteerü eʼipajee apünüinsü pütchi. (1) ¿Kasa naaʼinraka chi wayuu nnojoikai yaletüin aaʼin? (2) ¿Jamüsü nnojoluinjatka yaletüin waaʼin? (3) ¿Jamüsü kapüleejeetka wamüin nnojoluin yaletüin waaʼin sülatüle wamüin wanee kasa? Wayaawateerü aaʼu talateerüin naaʼin Jeʼwaa watuma otta aneerüin wakuwaʼipa nnojorüle yaletüin waaʼin (Prov. 27:11; Is. 48:17).
¿KASA NAAʼINRAKA CHI WAYUU NNOJOIKAI YALETÜIN AAʼIN?
3. ¿Kasa naaʼinraka chi wayuu nnojoikai yaletüin aaʼin?
3 Nnojorüle yaletüin naaʼin wanee wayuu, kapüleerü naaʼin nakuwaʼipa na waneinnua suulialeʼeya nukuwaʼipa. Chi wayuu nnojoikai yaletüin aaʼin saashin tü Wiwüliakat, niyaawata aaʼu sülanaʼaleein nukuwaʼipa Jeʼwaa nuulialeʼeya niakai. Otta niyaawata aaʼu anaʼleein nakuwaʼipa na waneinnua nuulia (Filip. 2:3-5).
4, 5. ¿Jamüsü kapüleeka ayaawataa saaʼu yaletüle naaʼin wanee wayuu?
4 Kapüleesü ayaawataa saaʼu yaletüle naaʼin wanee wayuu, süka jamüin, eein na nnojoliikana jaʼyain naaʼu yaletüin naaʼin. Eeshii na wayuu japüleʼekana jee kojutukana amüin na waneinnua sünainjee nekirajünüin nutuma nashi jee nei. Eepejeʼe wayuule yaleta aaʼinchii naya, jaʼitasü nounjulajüin shia, nojuʼitireerü tia mapa (Luc. 6:45).
Juan 1:46, 47). Shiajaʼa neʼe eejüinjatüin naaʼin suulia naʼwaataain suluʼu nakuwaʼipa. Jaʼitashii japüleʼein jee nnojoluin japüleʼein waya, nnojoluinjatia yaletüin waaʼin.
5 Eeshii na nnojoliikana japüleʼein otta naküjain süchiki tü jülüjakat naaʼin. Nnojotpejeʼe shiawalain sutuma wayuuin yaleta aaʼinchii naya (Nnojotsü antüin suluʼumüin nikii Pablo niain alanaʼaleein akuwaʼipa noulia na nuwalayuukana. (Paashajeʼera tü pütchikat 6). *
6. ¿Kasa watüjaka süchiki nukuwaʼipa Pablo sünainjee tü sümakat 1 Corinto 15:10?
6 Wekirajaa süchiki nukuwaʼipa Pablo. Nüneeküin nia Jeʼwaa süpüla nüikaleʼerüin sukuwaʼipa tü anoujaakat suluʼu kojuyasü mma. Emetutsü maʼin niʼyataain Pablo nümüin Jeʼwaa noulialeʼeya napüshuaʼa na aluwataaushikana. Mayaainjeʼe müin tia, nnojotsü antüin suluʼumüin nikii Pablo niain alanaʼaleein akuwaʼipa noulia na nuwalayuukana. Anuu nünüiki: «Mayaashije aneekuushin taya nütüma Cristo süpüla tayainjachin wane Aluwataaushikai maa aka nayakana, nnojotsü sükajeejatüin aaʼinraa kasa anasü. Saaʼin tamüin, nnojotsü wanaain sümaa kojutüin taya sütüma wayuu maa aka nayakana, saaʼu teʼrapüʼüin wayumüin namüin na anoujashiikana» (1 Cor. 15:9). Nüküjain Pablo kamaneein Jeʼwaa nümüin, müshijeseʼe aleewain nia nümaa jee nuuntuin nikeraajüin tü niʼyataainkat. Nnojotsü shiain sünainjee anain maʼin nukuwaʼipa noulia na waneinnua jee sünainjee wainmain tü kasa nuuntakat sünain aʼyatawaa nümüin Jeʼwaa (paashajeʼera 1 Corinto 15:10). Anashaatasü maʼin nukuwaʼipa Pablo süka niain wanee wayuu nnojoikai yaletüin aaʼin. Jamüshijaʼa nia, nüshajüin tü karaloʼuta namüinjatkat na anoujashii kepiakana Corinto mayaainjeʼe eein na wayuu mojukana anüiki nümüin (2 Cor. 10:10).
Chi wawalakai Karl Klein nia wanee wayuu nnojoikai yaletüin aaʼin otta nia wanee Laülaashi Jülüjakai Aaʼin na Aküjaliikana Pütchi. (Paashajeʼera tü pütchikat 7).
7. ¿Jamüsü watüjaaka saaʼu nnojoluin yaletüin naaʼin chi wawalakai Karl Klein?
7 Wanee wayuu anakai maʼin akuwaʼipa süka nnojoluin yaletüin naaʼin, nia chi wawalakai Karl Klein. Nia wanee Laülaashi Jülüjakai Aaʼin na Aküjaliikana Pütchi. Anasü maʼin tü nüküjakat *
chia wawalakai, süka jamüin, nnojoluin nuunjulajüin süchiki tü kasa alatakat nümüin jee süchiki tü kasa kapüleekat nümüin. Kapüleesü maʼin nümüin aküjaa pütchi soʼu tü palajatkat nukua, müshijeseʼe nnojoluin nujuʼitüin piantua sünain aküjaa pütchi, tia süchikijeejatü juyakat 1920. Aküjaleeshia nia pütchi nüchikuaʼa sülatapa piama juya süchikijee tia. Soʼu chajachin nia Weteet nüküjain kakaliain nia jashichin nümüin wanee wawala sünainjee nüchiaanüin nutuma. Ayuuishi nia sünainjee shapaain maʼin naaʼin, anapejeʼe nia süchikijee tia. Mapa, wainma kasa niʼyataaka anain nümüin Jeʼwaa. Wayaawata aaʼu nnojoluin yaletüin naaʼin chi wawalakai Karl Klein sükajee nnojoluin nuunjulajüin süchiki tü kasa kapüleekat nümüin, mayaainjeʼe niʼraajünüin maʼin natuma na wawalayuukana. Wainma na wawalayuu aikana apüla chi wawalakai Karl Klein otta sotusü naaʼin süchiki tü nukuwaʼipakat.¿JAMÜSÜ NNOJOLUINJATKA YALETÜIN WAAʼIN?
8. Sünainjee tü sümakat 1 Pedro 5:6, ¿jamüsü watüjaaka saaʼu nnojoluin anashiin nümüin Jeʼwaa yaletüle waaʼin?
8 Nnojoluinjatü yaletüin waaʼin süka nnojoluin anashiin tia nümüin Jeʼwaa maʼaka nüküjain shia Pedro (paashajeʼera 1 Pedro 5:6). Anuu tü aküjünakat suluʼu tü karaloʼutakat «Ven, sé mi seguidor»: «Nnojotsü kaluʼuin anaa tü yaletaakalü aaʼin. Jaʼitashi atüjain maʼin wanee wayuu, yaletüle naaʼin nnojoishi kasain anain apüla nia noʼuluʼu Maleiwa. Akaisaʼa chi wayuu nnojoikai yaletüin aaʼin, jalouishi nia nümüin Maleiwa jaʼitashi matüjain nia süpüleerua wainma kasa». Anuu sooʼomüin tü aküjünakat suluʼu tia karaloʼutakat: «Eʼreena waya anaa nutuma Jeʼwaa nnojorüle yaletüin waaʼin». * Tü anakat maʼin süpüla waaʼinrüin shia talatüinjatüin naaʼin Jeʼwaa watuma (Prov. 23:15).
9. ¿Jamüsü aneetka naaʼin na wayuukana wamaa nnojorüle yaletüin waaʼin?
9 Eʼreena waya anaa nnojorüle yaletüin waaʼin. Aneerü naaʼin na wayuukana wamaa nnojorüle yaletüin waaʼin. Süpüla wayaawatüin saaʼu tia, jülüjeesü waaʼin jaraliin na wayuu anakana amaa waaʼin (Mat. 7:12). Nnojotsü anain waaʼin nümaale waya wanee wayuu ichekai süchiirua tü nümakat otta mojutkai amüin tü münakat nümüin. Anapejeʼe waaʼin namaale waya wawalayuu eekai namülialaain aaʼin waalin, eekai aipüraliin otta na nnojoliikana yaletüin aaʼin (1 Ped. 3:8). Analejeʼe waaʼin namaa na wayuu makana akuwaʼipa, aneeria naaʼin na waneinnua wamaa nnojorüle yaletüin waaʼin.
10. ¿Jamüsü mapüleejeetka wamüin eejiraain waya sümaa tü kasa alatakat wamüin nnojorüle yaletüin waaʼin?
10 Nnojorüle yaletüin waaʼin, wounteerü wachecherüin Ecl. 10:7). Eeshi yüütüükale oulia wanee wayuu jaʼitashi atüjain maʼin nia süpüleerua tü niʼyataainkat. «Anasü maʼin putuma», eeshii nayale münüin amüin na wayuu nnojoliikana atüjain maʼin. Niyaawatapejeʼe saaʼu Salomón eejiraainjachin nia sümaa tü alatakat nümüin suulialeʼeya mojukuʼu sümüin naaʼin (Ecl. 6:9). Nnojorüle yaletüin waaʼin, wounteerü wachecherüin waaʼin sülatüle kasa mojusü wamüin jaʼitasü kapüleein shia wamüin.
waaʼin sülatüle kasa mojusü wamüin. Eesüjaʼa müliale waaʼin atumawaa saainjünüle kasa mojusü wamüin. Anuu tü nümakat chi aluwataashikai Salomón, wanee wayuu kekiikai maʼin: «Amaʼushii teʼrüin na piuunakana, akaajasaʼa na aʼyataakana niʼipajee chi aluwataaikai, nooʼuikashii naya maʼaka naaʼin wanee piuuna» (¿JAMÜSÜ KAPÜLEEJEETKA WAMÜIN NNOJOLUIN YALETÜIN WAAʼIN SÜLATÜLE WAMÜIN WANEE KASA?
¿Jamüsü kapüleejeetka wamüin nnojoluin yaletüin waaʼin sülatüle wamüin tüü? (Paashajeʼera tü pütchikat 11 otta 12). *
11. ¿Kasa waaʼinrüinjatka wachiaanüle?
11 Wainma tü kasa eekat süpüla weeʼiyatüin anain nnojoluin yaletüin waaʼin. Wekirajaa sünain süpüshi tia: Müleka wachiaanüle. Nüchiaale waya wanee wawala shia süka eein wanee kasa nnojotka anain watuma. Eesüjaʼa mojushiire wamüin nüchiaain waya. Eesü mojule wanüiki nüchiki otta eesüjaʼa müle airuʼutkai saaʼin wamüin nünüiki. Akaajasaʼa nnojorüle yaletüin waaʼin waapaajeerü amaa tü nüchiaakalü oulia waya.
12. ¿Jamüsü nnojotka mojushiinjatüin wamüin wachiaanüle saashin Proverbios 27:5, 6? Püküja wanee shiyaawase.
12 Chi wayuu nnojoikai yaletüin aaʼin nnojotsü mojushiin nümüin nüchiaanüin. Jülüjataa paaʼin chale pia suluʼu tü Piichi Outkajaaleekat. Yootushi pia namaa wainma wawalayuu, nürütkaaka pünainmüin wanee wawala jee nuunejaaka pia pümüiwaʼa. Nüküjain pümüin chia wawalakai yarüttüin paliruʼu. Eesüjaʼa japüire paaʼin sutuma tia, paapapejeʼe analuʼut nümüin süka nüküjain shia pümüin. Anaʼleesüjeʼe maʼin paaʼin süküjünatüjürüle pümüin tia. Müinjatia neʼe wakuwaʼipa, waapüinjatü analuʼutka nümüin wanee wawala nüchiaale waya, nnojotsü mojushiinjatüin wamüin tia. Nnojotsü jülüjainjatüin waaʼin nüchiaain waya süka nüʼürülaain wanain, shia jülüjainjatka waaʼin aneein wakuwaʼipa nutuma süka alin waya nüpüla (paashajeʼera Proverbios 27:5, 6; Gal. 4:16).
¿Jamüsü nnojoluinjatka süchunjain waaʼin saapünüle aʼyatawaa namüin na wawalayuukana? (Paashajeʼera tü pütchikat 13 otta 14). *
13. Nnojorüle yaletüin waaʼin, ¿kaseerü nnojotka jülüjain waaʼin saapünüle aʼyatawaa nümüin wanee wawala?
13 Saapünüle aʼyatawaa namüin na wawalayuukana. Anuu tü nümakat Jason, wanee wawala laülaashi suluʼu tü outkajaaleekat: «Saapünüle aʼyatawaa namüin na wawalayuukana: ‹Jamakaʼa nnojoika tayain aapünüin amüin›, eeshi tamüle suluʼu taaʼin». Eesüjaʼa müirüle wanüiki maʼaka naaʼin chia wawalakai, nnojotsiaajeʼe mojuin kooʼomüinre waʼyataain nümüin Jeʼwaa 1 Tim. 3:1). Shiajaʼa neʼe eejüinjatüin waaʼin suulia jülüjain waaʼin wanee kasa yaleteetka atuma waaʼin. Jamüshijaʼa wanee wawala, eesü jülüjale naaʼin niain atüjain nümüiwaʼa süpüleerua wanee aʼyatawaa. Eesüjaʼa jülüjale saaʼin wanee wawala niain atüjaleein süpüleerua wanee aʼyatawaa chi suʼwayuusekai nuulialeʼeya wanee wawala. Nnojorüle yaletüin waaʼin nnojoleerü jülüjain waaʼin tia.
(14. ¿Kasa watüjaka sünainjee tü naaʼinrakat Moisés wanaa sümaa saapünüin süpüshi niʼyataain namüin na waneinnua?
14 Wekirajaa süchiki tü naaʼinrakat Moisés wanaa sümaa saapünüin aʼyatawaa namüin na waneinnua. Kojutusü maʼin nümüin Moisés tü aʼyatawaa naapakat Jeʼwaa nümüin, nekiipüʼüshi nia na israeliitakana. Nnojotpejeʼe achunjain naaʼin wanaa sümaa saapünüin aʼyatawaa namüin na waneinnua (Núm. 11:24-29). Nnojoishi waneeshieein Moisés saaʼu tü niʼyataainkat. Nuuʼulaainjeseʼe nükaalinjünüin natuma waneinnua israeliita sünain anoutaa sukuwaʼipa tü alatakat namüin na wayuukana (Éx. 18:13-24). Nnojotsü kakaliakuʼu müin süpüla sunoutunuin tü alatakat namüin na israeliitakana, jama wainmainnapain na wayuu akaalinjakana Moisés sünain aaʼinraa tia. Nnojotsü shiain jülüjain naaʼin Moisés niʼyataweein neʼe nümüiwaʼa, shia jülüjaka naaʼin nükaalinjeein na israeliitakana süpüla anainjatüin nakuwaʼipa. Anashaatasü maʼin nukuwaʼipa Moisés, ¿aashimüin? Jülüjeesü waaʼin jalouijeenain waya nümüin Jeʼwaa nnojorüle yaletüin waaʼin, nnojotsü shiain sutuma watüjain maʼin. Maʼaka süküjain Salmo 138:6: «Mayaainjeʼe pülain maʼin Jeʼwaa, kamaneeshi nia nümüin chi wayuu nnojoikai yaletüin aaʼin».
15. ¿Kasa eeʼirataka sünain naʼyataain waneinnua wawalayuu?
15 Shiiʼiratüle waʼyataain. Watta naalii na wawalayuu eeʼiratakana aʼyataain mayaainjeʼe kakaliainnain naya sünain. Jamüsüjaʼa soʼu juyakat 2014, eeʼiratüsü naʼyataain na wawalayuu nekiipüʼükana na alapalaakana naaʼu na wawalayuukana. Soʼujeʼereʼeya juyakat tia, aküjünüsü namüin na alapalaakana naaʼu na wawalayuukana nooʼulaainjanain suulia naʼyataain nasaʼwatüle 70 juya. Nayasaʼa na wawalayuu alatakana suulia
80 nouyase nnojoliinnapa süpüla nakumajüin napüleerua na laülaashiikana tü aainjünajatkat. Soʼu tü juya alatüitpakalüirua, wainma na wawalayuu ojuʼitakana suluʼujee Weteet süpüla pürekutsoolüinjanain naya. Eetaashii na ooʼulaakana suulia aʼyatawaa sutuma ayuulii, naapüinjatüin tü kasa choʼujaakat sümüin napüshi jee shiale sutuma waneirua kasa.16. ¿Jamüsü wayaawataka saaʼu nnojoluin yaletüin naaʼin waneinnua wawalayuu?
16 Kapüleesü maʼin namüin naya wawalayuukana nekiʼralaain sünain tü jeketkat naʼyataain, jama kakaliainnain otta kiʼrainnain naya sünain tia naʼyataainkat. Wainma na wawalayuu mojukana maʼin aaʼin sükajee nooʼulaainjanain suulia tü naʼyataainkat. Ekiʼralaapejeʼe naya mapa süka alin Jeʼwaa napüla otta süka naküjain nümüin naʼyataainjanain nümüin süka süpüshuaʼa naaʼin, nnojotsü shiain sutuma saapünüin namüin tia aʼyatawaakat (Col. 3:23). Sükajee nnojoluin yaletüin naaʼin naya wawalayuukana, talatüsü naaʼin sükajee ayatüin naya sünain aʼyatawaa nümüin Jeʼwaa sünain waneirua kasa. Achuntushii naya kaalinwaa nümüin Jeʼwaa süka natüjaain saaʼu naaʼinmajüin naya (1 Ped. 5:6, 7).
17. ¿Jamüsü anashiika wamüin nnojoluinjatüin yaletüin waaʼin saashin tü Nünüikikat Maleiwa?
17 Anashiisü wamüin süküjain tü Nünüikikat Maleiwa nnojoluin anain yaletüle waaʼin. Eʼreena waya anaa otta aneerü naaʼin na waneinnua wamaa nnojorüle yaletüin waaʼin. Mapüleejeerü wamüin wachecherüin waaʼin soʼunnaa tü kasa mojusü alatakat wamüin otta arütkaajeena maʼin waya nünainmüin chi Washikai Maleiwa. Mayaainjeʼe miyoʼuin jee anain maʼin nukuwaʼipa Jeʼwaa, aishii nüpüla na aʼyataakana nümüin jee kojutushii naya nümüin süka nnojoluin yaletüin nakuwaʼipa. Anasü waaʼin sutuma tia (Is. 57:15).
JAYEECHI 45 Jülüjawaika maʼin taaʼin
^ püt. 5 Nnojoluinjatü yaletüin naaʼin na aʼyataashiikana nümüin Jeʼwaa. ¿Kasa naaʼinraka chi wayuu nnojoikai yaletüin aaʼin? ¿Jamüsü nnojoluinjatka yaletüin waaʼin? ¿Jamüsü kapüleejeetka wamüin nnojoluin yaletüin waaʼin sülatüle wamüin wanee kasa? Wekirajaajeerü anain tia sünain ekirajaayakat tüü.
^ püt. 7 Paashajeʼera tü pütchikat «Jehová me ha tratado recompensadoramente», ojuʼitaka suluʼu Aapiria Wayuu maatsoʼu 1, 1985 (alijunaikiruʼu).
^ püt. 8 Paashajeʼera ekirajaaya 3, pütchi 23.
^ püt. 53 SÜCHIKI TÜ AYAAKUAAKALÜIRUA. Yootushi Pablo namaa waneinnua anoujashii. Chajachi nia nipialuʼu wanee anoujashi. Nnojotsü antüin suluʼumüin nikii sülanaʼaleein nukuwaʼipa noulia na nuwalayuukana, müshijeseʼe nülatirüin kaʼi namaa jee namaa na tepichikana.
^ püt. 57 SÜCHIKI TÜ AYAAKUAAKALÜIRUA. Wanee wawala nnojoikai mojushiin amüin nüchiaanüin sükajee tü sümakat tü Wiwüliakat nutuma wanee wawala jimaʼai.
^ püt. 59 SÜCHIKI TÜ AYAAKUAAKALÜIRUA. Nnojotsü achunjain naaʼin chi wawala laülaakai sükajee saapünüin aʼyatawaa nümüin chi wawala jintüikai nuulia.