EKIRAJAAYA 39
«Wane wayuuirua watta maʼi saalii»
«Eirakaashi taya chaa iipünaa sünain shiiʼiyataain tamüin wane wayuuirua watta maʼi saalii shaʼwashawatsü nümülatuʼu chi joyotakai saaʼu tü einaseekat je nümülatuʼu chi Anneetchonkai. Isasü achikii nayaawajünüin» (ALAT. MAP. 7:9).
JAYEECHI 60 Kateerü woʼu wanaa namaa
SÜCHIKI TÜ WEKIRAJAAINJATKALÜ ANAIN *
1. ¿Kasa alataka nümüin chi aluwataaushikai Juan soʼunnaa tü juyakat 95?
MOJUSÜ maʼin tü alatakat nümüin chi aluwataaushikai Juan soʼunnaa tü juyakat 95. Laülaaichi nia jee püreesashi nia chaa suluʼu wanee mma kanüliasü Patmos pasanainka sünain palaa. Otta eeshijaʼa niale neʼe katüin oʼu naʼakajee na aluwataaushikana (Alat. Map. 1:9). Nütüjaa aaʼulu Juan eein suluʼu tü outkajaaleekat na ekirajüliikana sünain alawaa otta mojujiraashii na anoujashiikana sutuma tia alawaa ekirajünakalü anain. Sünainjee tia, eesüjaʼa jülüjale naaʼin na wayuukana nalüʼülaain süpüla najaʼlajaain na anoujashiikana (Jud. 4; Alat. Map. 2:15, 20; 3:1, 17).
Niʼrüin chi aluwataaushikai Juan «wanee wayuuirua watta maʼin saalii», kasheʼinjashii naya waneʼewai nakua kuluulu kasuujasü maʼin jee kajapuluʼushii naya alanatüna. (Paashajeʼera tü pütchikat 2).
2. ¿Kasa niʼraka Juan saashin Alateetkat Mapeena 7:9-14? (Piirakaa sümüin tü ayaakuaa sünainkat süta tü rewiisütakat).
2 Wanaa sümaa müliain Juan, niʼrüin nutuma Jeʼwaa wanee kasa anashaataka maʼin. Niʼrüin Juan waneirua aapiee aluwataanakana sünain nataʼülüin sukuwaʼipa tü müliaa miyoʼusükat. Waneʼereʼeya najütüin süchiki shiʼitaanaleepa nejeetse chi Maleiwakai neʼipoʼunain na nüchepchiakana (Alat. Map. 7:1-3). Na achepchieekana naya na 144.000 anoujashii chainjanakana aluwataain nümaa Jesuu chaa iipünaa (Luc. 12:32; Alat. Map. 7:4). Jee süchikijee tia, niʼrakalaka Juan waneinnua wayuu watta maʼin naalii, müshijeseʼe nümüin: «Eirakaashi taya chaa iipünaa sünain shiiʼiyataain tamüin wane wayuuirua watta maʼi saalii shaʼwashawatsü nümülatuʼu chi joyotakai saaʼu tü einaseekat je nümülatuʼu chi Anneetchonkai. Isasü achikii nayaawajünüin süka wainmashaatain maʼi naya. Eesü wayuu saʼakajee shiʼirukukat tü wayuukalüirua süpüshua, sainküinjee mmakat süpüshua» (paashajeʼera Alateetkat Mapeena 7:9-14). Talatakajasaʼa naaʼin Juan süka nütüjaain saaʼu wainmeenain mapeena na wayuu aʼwaajakana Jeʼwaa.
3. (1) ¿Jamüsü sükooʼomüinraajeetka wanoula sutuma tü niʼrakat Juan? (2) ¿Kasa wekirajaainjatka anain sünain ekirajaayakat tüü?
3 Akooʼomüinraasü nunoula Juan sutuma tü niʼrakat. Meeria
wanoula, akooʼomüinraajeerü süka weʼrüin shikeraajüin tia maaʼulu. Weʼrüin wainmain na wayuu ekerotokana suluʼu tü nupueulosekat Jeʼwaa otta eesü süpüla katüin noʼu süpüla kaʼikat süpüshuaʼa yaa saaʼu tü Mmakat nalatüle süchikumüin tü müliaa miyoʼusükat. Sünain ekirajaayakat tüü, wekirajaajeerü anain nüküjain Jeʼwaa sümüin nupueulose jaraliin na wayuu wattakana maʼin naalii, alatüirü suulia 80 juya süchikijee nüküjain tia. Otta wekirajaajeerü anain wattain maʼin naalii jee saʼakajeejanain naya shiʼiruku tü wayuukalüirua süpüshuaʼa. Akatsüinraajeerü nanoula na wayuu eeinjanakana naʼaka naya wayuukana.¿JALAINJANA KEPIAIN NA WAYUU WATTAKANA NAALII?
4. (1) ¿Kasa nnojotka nayaawatüin aaʼu na wayuu suluʼukana tü iküleesia ekirajakalü alawaa? (2) ¿Kasa nayaawataka aaʼu na Ekirajaaliikana sünain tü Wiwüliakat?
4 Na wayuu suluʼukana tü iküleesia ekirajakalü alawaa, nnojotsü nekirajüin sünain tü sümakat tü Wiwüliakat süchiki kepiainjanain saaʼu tü Mmakat na wayuu oonookana sümaa nünüiki Jeʼwaa (2 Cor. 4:3, 4). Tü nekirajakalü anain shia chainjanain iipünaamüin na wayuu anamiakana. Naatapejeʼe tü nekirajakalü anain na Ekirajaaliikana sünain tü Wiwüliakat, na ashajakana tü rewiisütakat Aapiria Wayuu soʼujee tü juyakat 1879. Nayaawata aaʼulu naya wayuukana paʼaraiisüinjatüin tü Mmakat nutuma Maleiwa otta kepieenain saaʼu tü mmakat na wayuu oonookana sümaa nünüiki Jeʼwaa, nnojoishii chainjanain naya kepiain chaa iipünaa. Mayaainjeʼe natüjaain saaʼu tia, kakalia naya süpüla nayaawatüinjatüin saaʼu jaraliinjanain na wayuu oonookana sümaa nünüiki Jeʼwaa (Mat. 6:10, TNM).
5. ¿Kasa nayaawataka aaʼu na Ekirajaaliikana sünain tü Wiwüliakat nachiki na 144.000 anoujashii?
5 Nayaawata aaʼulu na Ekirajaaliikana sünain tü Wiwüliakat, eeinjanain waneinnua wayuu aneekünakana nutuma Maleiwa süpüla naluwataainjanain nümaa Jesuu chaa iipünaa (Alat. Map. 14:3). Naya aneekünakana na 144.000 anoujashii aʼyataakana maʼin nümüin Jeʼwaa sümaa waneepiain naya nümaa. ¿Jaraliinjanakaʼa na wayuu wattakana maʼin naalii?
6. ¿Kasa nayaawataka aaʼu na Ekirajaaliikana sünain tü Wiwüliakat nachiki na wayuu wattakana maʼin naalii?
6 Na wayuu wattakana maʼin naalii, shaʼwashawatshii niʼrüin Juan nümülatuʼu chi joyotokoi saaʼu tü einaseekat jee nümülatuʼu chi Anneetchonkai (Alat. Map. 7:9). Sünainjee tia, nayaawata aaʼulu na Ekirajaaliikana sünain tü Wiwüliakat kepiainjanain naya wayuukana chaa iipünaa wanaa namaa na 144.000 anoujashii. Süka chainjanain naya kepiain iipünaa, ¿aluwataainjanache naya wanaa namaa na 144.000 anoujashii? Naashin na Ekirajaaliikana sünain tü Wiwüliakat, na wayuu wattakana maʼin naalii naya na wayuu nnojoliikana oonooin maʼin sümaa tü nümakat Jeʼwaa. Mayaainjeʼe naaʼinrüin tü sümakat tü Wiwüliakat, eeshii na ayatakana suluʼuin tü iküleesia ekirajakalü alawaa. Naashin na Ekirajaaliikana sünain tü Wiwüliakat, nnojoishii anain süpüla aluwatawaa nümaa Jesuu na wayuu wattakana maʼin naalii, jama nnojoluin naʼyataain maʼin nümüin Jeʼwaa naashin. Nnojoishi alin maʼin Jeʼwaa napüla naashin, müshiijeseʼe shaʼwatüinjanain naya nümülatuʼu chi joyotokoi saaʼu tü einaseekat, nnojoishii naya aikalaainjanain süpüla aluwatawaa naashin.
7. (1) Naashin na Ekirajaaliikana sünain tü Wiwüliakat, ¿jaralii na kepiainjanakana saaʼu tü Mmakat soʼunnaa tü miitkat juya? (2) ¿Kasa jülüjaka naaʼin na Ekirajaaliikana sünain tü Wiwüliakat nachiki na aʼyataapuʼukana nümüin Jeʼwaa?
7 ¿Jaralii na kepiainjanakana saaʼu tü Mmakat? Naashin na Ekirajaaliikana sünain tü Wiwüliakat, chapa iipünaa na 144.000 anoujashii otta na wayuu wattakana maʼin naalii, eeinjana wainma wayuu kepiainjanakana saaʼu tü Mmakat otta eʼrüinjana naya kasa anasü nuluwataapa Jesuu soʼunnaa miit juya. Nnojotsü jülüjain naaʼin na Ekirajaaliikana sünain tü Wiwüliakat naʼyataainjanain nümüin Jeʼwaa naya wayuukana süpülapünaa nuʼttüin Jesuu sünain aluwatawaa. Shia jülüjaka naaʼin nekirajünüinjanain naya wayuukana nüchiki Jeʼwaa soʼunnaa nuluwataain Jesuu. Na aapaakana sümaa tü nümakat Jeʼwaa katüinjatü noʼu waneepia saaʼu Sal. 45:16).
tü Mmakat. Nayasaʼa na eʼrüliikana wayumüin, ajaʼttinnajana naya. Naashin na Ekirajaaliikana sünain tü Wiwüliakat, laülaashiinjana noʼutku na wayuu waneepiakana nümaa Jeʼwaa. Naʼaka naya wayuukana, eeinjana na aʼyataaliikana nümüin Jeʼwaa, na outakana süpülapünaa nüntüin Jesuu. Jülüjasü naaʼin na Ekirajaaliikana sünain tü Wiwüliakat, kepiainjanain iipünaa noʼutku naya wayuukana sajaʼttiamüin tü miitkat juya (8. ¿Kasa nanoujapuʼuka anain na Ekirajaaliikana sünain tü Wiwüliakat nachiki na wayuu katüinjanakana oʼu?
8 Nanouja anainrü na Ekirajaaliikana sünain tü Wiwüliakat, apünüinsüin neʼipapaʼa na wayuu katüinjanakana oʼu. Tü palajatkat neʼipapaʼa naya na 144.000 chainjanakana aluwataain iipünaa nümaa Jesuu. Tü piamakat neʼipapaʼa naya na wayuu wattakana maʼin naalii sümaa nnojoliin waneepiain naya nümaa Jeʼwaa, shiasaʼa sünainjee tia, shaʼwatüinjana naya nümülatuʼu chi joyotokoi saaʼu tü einaseekat jee nümülatuʼu chi Anneetchonkai. Otta tü apünüinkat neʼipapaʼa naya na wainmakana wayuu ekirajünüinjanaka nüchiki Jeʼwaa yaa saaʼu tü Mmakat Nuluwataapa Jesuu soʼunnaa miit juya. * Nükaalinjapejeʼe Jeʼwaa na aʼyataaliikana nümüin süpüla nayaawatüinjatüin saaʼu tia mapa (Prov. 4:18).
AYAAWATÜNA AAʼU JARALIIN NAYA
Naʼakajee na wayuu woutiisakana sünain wanee outkajawaa miyoʼu eejatka soʼu 1935, wainma na yaainjanakana kepiain saaʼu tü Mmakat. (Paashajeʼera tü pütchikat 9).
9. (1) Yaainjanale kepiain saaʼu tü Mmakat na wayuu wattakana maʼin naalii, ¿jamakaʼa shaʼwatüinjanaka naya nümülatuʼu chi joyotokoi saaʼu tü einaseekat jee nümülatuʼu chi Anneetchonkai? (2) ¿Jamüsü pansaaka tü aküjünakat suluʼu Alateetkat Mapeena 7:9?
9 Soʼu 1935 nayaawata aaʼulu na aküjaliikana pütchi nüchiki Jeʼwaa jaraliin na wayuu wattakana maʼin naalii, na niʼrakana Juan. Nayaawata aaʼulu nnojoluin choʼujaain chainjanain iipünaa na wayuu wattakana maʼin naalii. ¿Jamakaʼa shaʼwatüinjanaka naya nümülatuʼu chi joyotokoi saaʼu tü einaseekat jee nümülatuʼu chi Anneetchonkai? Mayaainjeʼe kepiain naya saaʼu tü Mmakat, shaʼwateena naya nümülatuʼu chi joyotokoi saaʼu tü einaseekat, nayaawatüle saaʼu niain Jeʼwaa laülaain saaʼu kasakat süpüshuaʼa otta jüüjüüle naya nümüin (Is. 66:1). Shaʼwateena naya, nümülatuʼu chi Anneetchonkai kojutule namüin naapajiraain nikii Jesuu naaʼu. Eesü waneirua wetsiikulo suluʼu tü Wiwüliakat wayaawataka anainjee shiyaawasein neʼe tü aküjünakat suluʼu Alateetkat Mapeena 7:9 nachiki na wayuu wattakana maʼin naalii. Jamüsüjaʼa suluʼu Mateo 25:31, 32, aküjünüsü sükotchojünajatüin nümülatuʼumüin Jesuu wayuu sainküinjee mmakat süpüshuaʼa, jaʼitakajeʼe na wayuu mojulaashiikana, akotchojünajana. Nnojoishii kepiain chaa iipünaa naya wayuukana, yaashii kepiain naya yaa saaʼu tü Mmakat, müsüjeseʼe pansaain maʼin tü aküjünakat soʼu 1935. Aküjünüsü sünain tia pütchikat nnojoluin süküjain tü Wiwüliakat kepiainjanain chaa iipünaa na wayuu wattakana maʼin naalii. Naya kepiainjanakana chaa iipünaa na 144.000 anoujashii aluwataainjanakana nümaa Jesuu (Alat. Map. 5:10).
10. Süpülapünaa nuʼttüin Jesuu sünain aluwatawaa, ¿jamüshii nekirajaainjanaka nüchiki Jeʼwaa na wayuu wattakana maʼin naalii?
10 Soʼujee juyakat 1935, nayaawata aaʼulu na aküjaliikana pütchi nüchiki Jeʼwaa yaainjanain kepiain saaʼu tü Mmakat na wayuu wattakana maʼin naalii, na waneepiakana nümaa Jeʼwaa. Wayuukana naainnua naya na niʼrakana Juan. Süpüla noʼttaainjanain süchikumüin tü müliaa miyoʼusükat, ekirajaainjana naya nüchiki Jeʼwaa otta naʼwaajüinjachi nia. Naaʼinrüinjatü tia süpülapünaa nuʼttüin Jesuu sünain aluwatawaa soʼunnaa tü miitkat juya (Luc. 21:34-36).
11. ¿Jamüshii noʼunuinjanaka iipünaamüin waneinnua wayuu sajaʼttiamüin tü miitkat juya naashin waneinnua Ekirajaalii sünain tü Wiwüliakat?
11 Maʼaka wekirajaain sünain pütchi akaratshi, eeshii noʼutku na Ekirajaaliikana sünain tü Wiwüliakat anoujapuʼukana sünain noʼunuinjanain chaa iipünaamüin waneinnua wayuu waneepiakana nümaa Jeʼwaa sajaʼttiamüin tü miitkat juya. ¿Jamüsüche nanoujaka sünain tia? Aküjünüsü tia suluʼu Aapiria Wayuu ojuʼitaka peʼureeroʼu 15 soʼu 1913. Eeshiijaʼa süpüla namüin noʼutku: «Chainjanale
iipünaamüin na anoujashii nnojoliikana oonooin maʼin sümaa nünüiki Jeʼwaa, ¿jamakaʼa nayaka yaainjanain kepiain saaʼu tü Mmakat na wayuu waneepiapuʼukana nümaa Maleiwa?». Nanouja anainrü tia süka nnojoluin pansaain tü jülüjakat naaʼin nachiki na wayuu wattakana maʼin naalii. Jülüjasü naaʼin chainjanain iipünaa na wayuu wattakana maʼin naalii mayaainjeʼe nnojoliin waneepiain maʼin naya nümaa Maleiwa.12, 13. ¿Kasa nayaawataka aaʼu na anoujashii chainjanakana iipünaa otta müshiʼiya na wayuu wattakana maʼin naalii?
12 Soʼujeʼereʼeya 1935, nayaawata aaʼulu na aküjaliikana pütchi nüchiki Jeʼwaa nayeenain oʼttaain süchikumüin Armagedón na wayuu wattakana maʼin naalii, na niʼrakana Juan. Oʼttaajeena naya süchikumüin tü müliaa miyoʼusükat, tü eeinjatkat saaʼu tü Mmakat otta meena naya: «Wamaleiwasekalee, piakai joyotakai saaʼu tü einaseekat, oʼttaashii waya pütüma je nütüma chi Anneetchonkai» (Alat. Map. 7:10, 14). Otta nayaawata aaʼulu na Aküjaliikana pütchi, nnojoliinjanain noʼunuin chaa iipünaamüin na wayuu aʼyataapuʼukana nümüin Jeʼwaa sümaiwa paala. Saashin tü Wiwüliakat, alanaʼaleesia maʼin tü kasa aapünajatkat namüin na anoujashii chainjanakana iipünaa suulialeʼeya tü aapünajatkat namüin na wayuu aʼyataapuʼukana nümüin Jeʼwaa (Heb. 11:40). Nayaawatapa saaʼu tia na wawalayuukana, oʼttüshii naya sünain ounejawaa wayuu süpüla shiʼyataainjatüin nümüin Jeʼwaa otta süpüla katüinjatüin noʼu waneepia yaa saaʼu tü Mmakat.
13 Talatüsü maʼin naaʼin na wayuu wattakana naalii süka kepiainjanain naya yaa saaʼu tü Mmakat. Nayaawata aaʼulu niain Jeʼwaa aneeküin naʼakajee na aʼyataashiikana nümüin jaraliin chainjanain iipünaa otta jaraliin yaainjanain saaʼu tü Mmakat. Nayaawata aaʼulu na anoujashii chainjanakana iipünaa otta müshiʼiya na wayuu wattakana maʼin naalii, neʼreenain kasa anasü süka anamiain Jeʼwaa namüin, müshijeseʼe naapüin nikii Jesuu süpüla taashinjanain naya (Roma 3:24).
WATTA MAʼIN NAALII
14. Süchikijee 1935, ¿jamüshii eeka na atüjaweekana saaʼu jamüinjatüin sukuwaʼipa süpüla wainmainjanain na kepiainjanakana saaʼu tü Mmakat?
14 Süchikijee süpansaajünüin soʼu 1935 jaraliin na wayuu wattakana maʼin naalii, eeshii na atüjaweekana saaʼu jamüinjatüin sukuwaʼipa süpüla wattainjanain maʼin naalii na anoujashii kepiainjanakana saaʼu tü Mmakat. Anuu nünüiki Ronald Parkin, 12 nuuyase soʼu juyakat 1935: «Eetaashii maʼaka naaʼin 56.000 aküjalii pütchi eejanaka sainküin mmakat. Naʼakajee naya anoujashiikana naya alanaʼaleeka maʼin na anoujashii chainjanakana iipünaa. Paliʼirü na wayuu wattakana maʼin naalii».
15. Püküja süchiki jamakuwaʼipaliin süpüla nakooʼomüinraain na wayuu wattakana maʼin naalii.
15 Süchikijee 1935, aluwataanüshii wainma misioneero suluʼu waneirua mma, suluʼujee tia ayatüshiʼiya akooʼomüinraain maʼin na aküjaliikana pütchi nüchiki Jeʼwaa. Soʼu juyakat 1968, ekirajünüsü Is. 60:22). Soʼunnaa tü juya alatüitpakalüirua, watta maʼin saalii tü kasa sukumajakat nupueulose Jeʼwaa süpüla shiyaawatüin wayuu saaʼu tü sümakat tü Wiwüliakat. Wainma na wayuu akotchojünakana süpüla kepiainjanain naya yaa saaʼu tü Mmakat, alatüshii naya suulia 8 miyoone.
wayuu sünain tü Wiwüliakat süka tü karaloʼutakat La verdad que lleva a vida eterna. Watta maʼin naalii na wayuu aapaakana sümaa tü nümakat Jeʼwaa süka mapüleechoin tü sümakat tia karaloʼutakat. Alatüshii suulia 500.000 na wayuu woutiisakana soʼu pienchi juya. Wainmaleʼeya na wayuu woutiisakana nnojotpa kapülain sümüin wayuu yaa América Latina jee suluʼu waneirua mma tü iküleesia ekirajakalü alawaa otta nnojotpa süpülajünüin woulia tü waʼyataainkat nümüin Jeʼwaa chaa Europa oriental otta suluʼu waneirua mma chaa África (SAʼAKAJEEJANA SHIʼIRUKU WAYUU SÜPÜSHUAʼA
16. ¿Jaralii kaʼakajeejanaka na wayuu wattakana maʼin naalii?
16 Na wayuu niʼrakana Juan saʼakajeejana «shiʼirukukat tü wayuukalüirua süpüshua, sainküinjee mmakat süpüshua». Tia meematüsü aka saaʼin tü nümakat Zacarías. Anuu nünüiki: «Soʼu kaʼikat tia eejeena polooshii wayuu saʼakajee shiʼirukukat tü wayuukalüirua süpüshuaʼa, sainküinjee mmakat süpüshuaʼa, achecheraajeena sünain nüsheʼin wanee wayuu judío, achecheraajeena naya otta meena naya: ‹Oʼuneeshii waya jümaa süka waapüin süchiki eein chi Maleiwakai jümaa›» (Zac. 8:23).
17. ¿Kasa naaʼinraka na Aküjaliikana pütchi süpüla naküjain pütchi sümüin wayuu maʼleekalia?
17 Natüjaa aaʼu na Aküjaliikana pütchi choʼujaain Mat. 24:14; Juan 13:35).
süküjünüin pütchi sümüin wayuu maʼleekalia süpüla sükotchojünajatüin sainküinjee mmakat süpüshuaʼa. Makalaka süshajünüin karaloʼuta süchiki tü sümakat tü Wiwüliakat suluʼu wainma anüikii, alatüirü suulia 130 juya sünain saaʼinnüin tia. Akaʼaya maaʼulu yaa, alatüsü suulia 900 anüikii süshajünaka aluʼu tü karaloʼuta suluʼujeejatkat tü Wiwüliakat. Wayaawata aaʼulu suluʼujee tia niain Jeʼwaa akotchojüin na wayuu wattakana maʼin naalii sainküinjee mmakat süpüshuaʼa. Paaʼinwashii sünain aʼyatawaa nümüin Jeʼwaa na wayuu wattakana maʼin naalii, süka jamüin, eeitpain suluʼu wainma anüikii tü Wiwüliakat jee tü karaloʼuta ashajünakat suluʼujee. Sütüjaa aaʼulu wayuu naküjain pütchi otta aijiraain maʼin na aküjaliikana pütchi nüchiki Jeʼwaa. Akatsüinraasü maʼin wanoula sutuma watüjaain saaʼu tia (¿KASA WAAʼINRAJATKA SÜKA WEʼRÜIN SHIKERAAJÜIN TÜ NIʼRAKAT JUAN?
18. (1) Saashin Isaías 46:10, 11, ¿jamüsü nnojoluinjatka ponuin waaʼin nikeraajüin Jeʼwaa tü nümakat nachiki na wayuu wattakana maʼin naalii? (2) ¿Jamüsü nnojotka mojuin naaʼin na wayuu kepiainjanakana saaʼu tü Mmakat?
18 Talatüsü waaʼin sutuma tü nümakat Juan nachiki na wayuu wattakana maʼin naalii. Nnojotsü ponuin waaʼin nikeraajüin Jeʼwaa tia nümakat (paashajeʼera Isaías 46:10, 11). Talatüsü naaʼin na wayuu wattakana maʼin naalii süka kepiainjanain naya saaʼu tü Mmakat. Nnojotsü mojuin naaʼin süka nnojoluin naneekünüin nutuma Jeʼwaa nüka chi naaʼinkai süpüla naluwataainjanain chaa iipünaa nümaa Jesuu. Aküjünüsü suluʼu tü Wiwüliakat nachiki waneinnua tooloyuu otta jieyuu oʼuninnakana akuwaʼipa nükajee chi naaʼinkai Jeʼwaa. Naʼaka naya wayuukana eeshi Juan chi Awoutisaajüikai otta David, mayaainjeʼe müin nakuwaʼipa, nnojoishii naya napüshin na 144.000 chainjanakana iipünaa (Mat. 11:11; Aluw. 2:34). Asoʼiraajeerü naaʼin naya wayuukana yaa saaʼu tü Mmakat paʼaraiisüpa shia. Waneepiainjana naya nümaa Jeʼwaa otta anashiinjatü namüin niain Laülaain naaʼu. Naaʼinreerü tia wanaa namaa na wayuu wattakana maʼin naalii.
19. ¿Kasa waaʼinrajatka süka weʼrüin shikeraajüin tü niʼrakat Juan nachiki na wayuu wattakana maʼin naalii?
19 Nükotchojüin Jeʼwaa wayuu sainküinjee mmakat süpüshuaʼa süpüla suʼwaajüinjachin nia. Nnojotsü alatüirüin nutuma wanee kasa eekai müin aka saaʼin tia. Jaʼitaina yaainjanain waya saaʼu tü Mmakat jee chainjanale waya chaa iipünaa, aküjainjana waya pütchi sümüin wayuu maʼleekalia süpüla naʼakainjanain naya na wayuu wattakana maʼin naalii, na «anneerüiruayaʼa waneejannuu» sümakana amüin tü Wiwüliakat (Juan 10:16). Nüjüteerü achiki Jeʼwaa tü müliaa miyoʼusükat süpüla sajaʼttinnüin naluwataaya na wayuukana otta sajaʼttinnüin tü iküleesia ekirajakalü alawaa, tü müliakat maʼin atuma wayuu. Na wayuu wattakana maʼin naalii aʼyataajeena nümüin Jeʼwaa yaa saaʼu tü Mmakat süpüla kaʼika süpüshuaʼa (Alat. Map. 7:14).
JAYEECHI 139 ¿Te ves en el nuevo mundo?
^ püt. 5 Sünain ekirajaayakat tüü, wekirajaajeerü anain süchiki tü nümakat Juan wanaa sümaa niʼrüin «wane wayuuirua watta maʼi saalii». Akatsüinraajeerü nanoula na wayuu eeinjanakana naʼaka naya wayuukana sünainjee nekirajaain süchiki tia.
^ püt. 8 Paashajeʼera tü karaloʼutakat Los testigos de Jehová, proclamadores del Reino de Dios, süpana 159-163.