Pikirajaa sünain tüü
Sukuwaʼipainjatka putuma tü kanüliakat «Lo nuevo» otta «Jeketka eʼitaanüin»
Ojuʼitawaisü pütchi jeketü yala. «Lo nuevo» münüsü tia suluʼu JW Library® otta «Jeketka eʼitaanüin» münüsü tia suluʼu jw.org. ¿Kasa paaʼinrajatka süpüla paashajeʼerüin tia pütchi jeketükat eʼitaanüin suluʼu?
Pikirajaale süka JW Library
Sujuʼitapa wanee pütchi jeketü, jaʼyeerü shia eere sümüin «Lo nuevo», eesü süpüla püdescargaajüin süchikuaʼa yalaʼaya piʼraiwa tü jeketükalü eʼitaanüin. ¿Kasa paaʼinrajatka süpüla paashajeʼerüin tia pütchikat? Piʼitaa clic eejatüle püdescargaajüin shia, sujutalaapa püneekeechi chi palajachikai pütchi, yaawasü shia atumawaa.
Wattale saalii pütchi, eesüjaʼa nnojorüle waashajeʼerüin shia uwatuwoʼushi maʼaka saaʼin tü ashajünakat suluʼu tü rewiisütakat. Mülejeʼeya tia, eesü süpüla pünaajaain shia eere sümüin «Favoritos» süpüla mapüleein puusütüin sünain jee ayatüinña paashajeʼerüin shia mapa. Kettaapa paashajeʼerüin shia, eesü süpüla püsünneʼerüin shia suluʼujee «Favoritos».
Pikirajaale süka jw.org
Eesü notiisia jee waneirua pütchi ojuʼitaka neʼe suluʼu jw.org, tü nnojotkalü ojuʼitüin suluʼu JW Library. Süpüla paashajeʼerüin tü pütchi ojuʼitakat jekenainka, anasü pünaʼlawaire eere sümüin «Jeketka eʼitaanüin».
