AAPIRIA WAYUU (NAMÜINJATÜ NA WAWALAYUUKANA) Juunioʼu 2020
Ekirajaanajatka anain akoosütoʼu 3-30, 2020.
«Kasataalejeseʼe shiʼraajüin wayuu tü pünüliakat otta kojutuin pia sutuma»
Ekirajaaya 23: akoosütoʼu 3-9, 2020. ¿Kasa wayu tü naaʼinmaainjatkat na wayuukana jee na aapieekana? ¿Jamüsü naaʼinmaainjatka tia? ¿Kasa waaʼinrajatka süpüla sütüjaainjatüin saaʼu wayuu tü shiimainkat süchiki tia? Watüjaapa saaʼu tia, aleewaleejeena waya nümaa Jeʼwaa.
«Pükaalinja taya süpüla kojutuin pia tamüin süka süpüshuaʼa taaʼin»
Ekirajaaya 24: akoosütoʼu 10-16, 2020. Sünain ekirajaayakat tüü, wekirajaajeerü anain tü nümakat David nümüin Jeʼwaa suluʼu Salmo 86:11, 12. ¿Kasa waaʼinraka mmoluwaale waya neema Jeʼwaa? ¿Jamüshi kojutuinjachika nia wamüin? ¿Jamüsü aneetka wakuwaʼipa mmoluwaale waya neema Maleiwa suuʼulakünapa waaʼin?
Süsakiraka anain wayuu
¿Shiache neʼe tü akuwaʼipaa eekat nutuma chi naaʼinkai Maleiwa tü sümakat Galacia 5:22, 23?
«Tachajaajeerü nachiki na taʼanneetsekana»
Ekirajaaya 25: akoosütoʼu 17-23, 2020. ¿Jamüshii nakatalaaka nuulia Jeʼwaa waneinnua wawalayuu kakaliainnakana sünain aʼyatawaa nümüin? ¿Kojutushiiche naya nümüin Maleiwa? Aküjüneerü wamüin tia sünain ekirajaayakat tüü. Otta müsia, wekirajaajeerü anain tü watüjakat sünainjee tü naaʼinrakat Jeʼwaa napüleerua waneinnua anoujashii nnojoliikana jaa müin nümüin..
«Jüleʼeja jüchikuaʼa tanainmüin»
Ekirajaaya 26: akoosütoʼu 24-30, 2020. Anuu nünüiki Jeʼwaa namüin na kakaliainakana ooʼulaain suulia aküjaa pütchi otta suulia oʼunaa sünain tü outkajawaakat: «Jüleʼeja jüchikuaʼa tanainmüin». Wayakana wapüshuaʼa, wakaalinjainjana na wawalayuu aʼyataweekana nümüin Jeʼwaa nachikuaʼa. Sünain ekirajaayakat tüü, wekirajaajeerü anain tü waaʼinrajatkat süpüla wakaalinjain naya.
