Nnojo. Nnojotsü süküjain tü Wiwüliakat jee nnojotsü ashajünüin süchiki saaʼinnapuʼuin tia sümaiwa paala.

Sutuma süshajia tia pütchikat suluʼu waneirua Wiwülia, müsü shiakai aküjüneein achiki woutiisapuʼuin wayuu naaʼu na wayuu outuinnapakana. Anuu tü sümakat waneirua Wiwülia: «Nnojorüle süsoʼiraainjatüin naaʼin na outushiikana, ¿jamakaʼa woutiisaka na wayuukana naaʼu na wayuu outuinnapakana?».

Anuu süchiki tü namakat piamashii wayuu ekirajaakana süchiirua sukuwaʼipa tü Wiwüliakat. Naashin Gregory Lockwood, nnojotsü ashajünüin suluʼu tü Wiwüliakat jee nnojotsü ashajünüin nüchiki wanee wayuu woutiisakai naaʼu na wayuu outuinnapakana. Müsia nünüiki Gordon Fee, anuu nünüiki: «Nnojotsü ashajünüirüin nüchiki wanee wayuu jee ashajünüirüin suluʼu tü Wiwüliakat woutiisain wanee wayuu naaʼu na outushiikana. Nnojotsü ashajünüin tia suluʼu Nuevo Testamento. Nnojotsü eein wanee kasa wayaawataka anainjee naaʼinrapuʼuin shia na anoujashii namaiwajanakana jee saainjünapuʼuin suluʼupünaa tü iküleesia akumajaakat süchikijee outuin na aluwataaushikana».

Anuu nünüiki Jesuu namüin na nikirajüinkana saashin tü Wiwüliakat: «Juwoutisaajeena [na wayuukana]. Jikirajeena naya sünain tü taluwataapüʼükat anain jia» (Mat. 28:19, 20). Süpüla woutiisainjachin wanee wayuu, ekirajaainjachi nia nüchiki Jeʼwaa, nüchiki Jesuu, anoujainjachi nia nanain jee oonooinjachi nia sümaa nanüiki. Nnojotsü süpüla naaʼinrüin tia wanee wayuu eekai outuin, jama mmapüichipain nia. Akaataajaʼa wanee anoujashi eekai katüin noʼu, nnojotsü süpüla naaʼinrüin tia nooʼopünaa wanee wayuu eekai outuin (Ecl. 9:5, 10; Juan 4:1; 1 Cor. 1:14-16).

¿Kasakaʼa nüküjeein achiki Pablo suluʼu 1 Corinto 15:29 (TNM)?

Suluʼu tü outkajaaleekat chaa Corinto, eeshii na nnojoliikana anoujain sünain süsoʼiraainjatüin naaʼin na outushiikana (1 Cor. 15:12). ¿Jamüsü nünüiki Pablo namüin? Anuu nünüiki: «Teʼrüin tooʼomüin tü outaakat waneepia». Mayaainjeʼe eein süpüla outuin Pablo, nütüjaa aaʼu süsoʼiraajeerüin naaʼin süpüla chainjachin nia iipünaa maʼaka naaʼin Jesuu (1 Cor. 15:30-32, 42-44, TNM).

Na anoujashii corintojeʼewaliikana, nayaawatüinjatü saaʼu neʼrüinjanain müliaa jee outajanain naya süpüla süsoʼiraainjatüin naaʼin, jama naneekuushin nutuma Maleiwa. Wanaa sümaa woutiisain naya naaʼu Kürisüto, woutiisashii naya saaʼu outuin Kürisüto (Roma 6:3, TNM). Tü aküjüneekat sükajee tia pütchikat, shia neʼrüinjanain müliaa jee outajanain naya süpüla süsoʼiraainjatüin naaʼin jee chainjanain naya chaa iipünaa maʼaka naaʼin Jesuu.

Maʼaka piama juya süchikijee woutiisain Jesuu, anuu nünüiki namüin piamashii aluwataaushi: «Shiimüin sünain jiʼrüinjatüin müliaa maa aka tayakai je sünain juʼutinnajanain aaʼin maa aka tayakai» (Mar. 10:38, 39). Naashin Jesuu, outajana naya saaʼujee waneepiain naya nümaa Maleiwa. Nüshajüin Pablo müliainjanain na aneekuushikana maʼaka naaʼin Jesuu süpüla neʼrüinjanain wanee anaa (Roma 8:16, 17; 2 Cor. 4:17). Outajanaʼaya naya süpüla süsoʼiraainjatüin naaʼin jee chainjanain naya kepiain iipünaa.

Anuu tü nümakat Pablo suluʼu lotuin sukuwaʼipa: «Nnojorüle shiimain tia, ¿kasakaʼa naainjüinjatüin na woutiisakana süpüla outajanain naya? Nnojorüle süsoʼiraainjatüin naaʼin na outushiikana, ¿jamakaʼa eeka na woutiisakana süpüla outajanain naya?».