¿Sotusüche paaʼin tü pütchi ojuʼitakat suluʼu Aapiria Wayuu soʼujatka 2020? Pusouta shiʼipajee pütchikat tüü:

¿Jamüinjatü shiiʼiyatia nojutu wamüin na chainjanakana iipünaa?

Nnojotsü alanaʼaleein nujutu wanee wayuu watuma jaʼitaina nayain na chainjanakana iipünaa (Jud. 16). Nnojoishii wasakiijüinjanain naya sünain jamakuwaʼipaliin süpüla naneekünüinjanain (w20.01, süpana 28, 29).

¿Jamüsü watüjaaka saaʼu kachipünaain waya naaʼin Jeʼwaa?

Saashin tü Wiwüliakat kachipünaatüjüliʼiya waya naaʼin Jeʼwaa süpülapünaa jemein waya otta naapüin Jeʼwaa wanüiki wachuntapa nümüin jaʼitasü kojuyatuain waaʼinrüin tia. Nütüjaa aaʼu Jeʼwaa tü suluʼukat waaʼin jee tü jülüjakat waaʼin. Talateerü naaʼin Jeʼwaa anale tü waaʼinrakat, mojeetpejeʼe naaʼin watuma waaʼinrüle kasa mojusü (1 Crón. 28:9; Prov. 27:11). Nürütkeʼerüinya waya Jeʼwaa nünainmüin (w20.02, süpana 12).

¿Jouja anashiika süpüla waashajaain jee koʼutuin waya?

Talateerü waaʼin waküjale pütchi nüchiki Jeʼwaa. Nnojoliinjana mmoluin waya seema achiawaa wanee wayuu suulia kaainjalajüin nia. Achiaanüshi wanee anoujashi natuma na laülaashiikana choʼujaale shia nümüin. Nnojoishii wasakiijakuʼu wamüin na wawalayuu kepiakana eere süpülajünüin waʼyataain nümüin Maleiwa otta nnojotsü waküjain jamüin sukuwaʼipa tü waʼyataainkat chaʼaya. Nnojotsü waküjainjatüin wanee kasa nnojotka natüjaainjatüin aaʼu na waneinnua (w20.03, süpana 20-22).

¿Kasa naataka aluʼu tü kaashapa aküjünakalü achiki suluʼu Joel kapiitulo 2 suulia tü aküjünakalü achiki suluʼu Alateetkat Mapeena kapiitulo 9?

Aküjünüsü suluʼu Joel 2:20-29 niʼikajaain Jeʼwaa wattamüin tü kaashapakat. Nüküjain nikeeʼirakajeerüin tü ajaʼttakat shiküin otta naapeechin chi naaʼinkai. Ekeraajüsü tia wanaa sümaa nashutüin na surulaat chejeʼewaliikana Babilonia saaʼu Israel. Na kaashapa sümakana amüin Alateetkat Mapeena 9:1-11 naya na chainjanakana aluwataain iipünaa. Meimmoluinsalii naya sünain aküjaa süchiki najaʼttirüinjanain Maleiwa na mojulaashiikana (w20.04, süpana 3-5).

«Chi aluwataai palaajeʼewaikai» maaʼulu yaa

Rusia otta na sümaajanakana. Süpülajüin aküjaa pütchi suulia tü nupueulosekat Jeʼwaa otta müliashii na aʼyataashiikana nümüin sutuma. Paʼünüüwajiraasü shia nümaa chi aluwataai uuchijeʼewaikai (w20.05, süpana 13).

¿Shiache neʼe tü akuwaʼipaa eekat nutuma chi naaʼinkai Maleiwa tü sümakat Galacia 5:22, 23?

Nnojo, eesü waneirua akuwaʼipaa eekat nutuma chi naaʼinkai Maleiwa maʼaka saaʼin aaʼinraa kasa anasü (Éf. 5:8, 9) (w20.06, süpana 17).

¿Jamüsü eejüinjatka waaʼin sünain tü kasa weʼitaakat suluʼupünaa redes sociales maʼaka tü washajakat, tü ayaakuaa jee tü video weʼitaakat?

«Aʼwaataakatche maʼin suluʼu sukuwaʼipa», eesü süpüla sümüin wayuu wachiki nnojorüle jülüjain waaʼin tü kasa weʼitaakat suluʼupünaa redes sociales (w20.07, süpana 6 otta 7).

¿Kasa watüjaka nanainjee na wayuu atüjakana olojoo?

Na wayuu atüjakana olojoo, olojüshii eere jouluin jime, atüjashii süpüleerua tü naʼyataayakat, yalayala aaʼinchii otta ayatüshii naya aʼyataain jaʼitairü kapüleein shia namüin. Meesü wakuwaʼipa waküjapa pütchi (w20.09, süpana 5).

¿Kasa waaʼinrajatka süpüla alin Jeʼwaa napüla na wekirajüinkana?

Waküja namüin naashajeʼeraiwa tü Wiwüliakat, wakaalinja naya süpüla jülüjain naaʼin tü naashajeʼerakat otta wekiraja naya sünain oʼuraajaa (w20.11, süpana 4).

¿Jaralii na katüinjanakana oʼu nünainjee Kürisüto naashin Pablo? (1 Cor. 15:22).

Nnojotsü shiain nüküjain achikii Pablo süsoʼiraainjatüin saaʼin wayuu süpüshuaʼa. Naya naashajaaka achikii na anoujashii aneekünakana süpüla aluwatawaa nümaa Jesuu, na akataluushikana suulia naainjala nünainmüin chi Maleiwakai jee sünainjee tü naaʼinrakat Kürisüto (1 Cor. 1:1, 2; 15:18) (w20.12, süpana 5 otta 6).

¿Kasainjatü naaʼinraka na aneekuushi eeʼiranajaweenakana akuwaʼipa naapapa «shiʼira wane jontoroyoi chajee iipünaajee»? (1 Cor. 15:51-53).

Laülaajeena naya saaʼu wayuu süpüshuaʼa wanaa nümaa Jesuu (Alat. Map. 2:26, 27) (w20.12, süpana 12 otta 13).