Naapajüin wanüiki Maleiwa. «Pejeshi Jehová nanain napüshuaʼa na achajaakana nüchiki, na achuntakana kaalinwaa nümüin [...]. Naapeerü nanüiki nachuntapa kaalinwaa nümüin» (Salmo 145:18, 19).

Nücheküin Maleiwa puʼuraajüin nümüin. Müsü sünüiki tü Bibliakat: «Aluʼu shiainjaʼa anain juʼuraajüle nümüin Maleiwa sümaa juchuntuin maʼin nümüin nuʼunirajatüin jukuwaʼipa sünain kasa süpüshuaʼa jee jaapa waneepia analuʼut nümüin» (Filipos 4:6).

Jülüjashi pia naaʼin Maleiwa. Nütüja aaʼu Maleiwa tü shapaakalü atuma paaʼin jee nükaalinjeechi pia. Anuu tü sümakat tü Bibliakat: «Jüpüta najapuluʼu Maleiwa süpüshuaʼa tü kasa shapaakalü atuma jaaʼin, jama jülüjain maʼin jia naaʼin» (1 Pedro 5:7).