Eesü süpüla wasünneʼerüin suluʼujee waaʼin tü üttaakalü aaʼin
¿Eeiria üttüin saaʼin wayuu pünain?
«Nnojo» pümüle, eesüjaʼa piʼrüle üttüin saaʼin wayuu nanain na waneinnua. Eesü waapüle suluʼupünaa noticia üttüin saaʼin wayuu nanain na naatakana oumain, eʼiruku otta nanain na jaleetshiikana. Sutuma tia wainma pütchi naikaleʼeraka na sülaülashiikana mma süpüla kasalajanain naainjala na aaʼinrakana tia.
Saainjünüle kasa mojusü nümüin wanee wayuu sutuma üttüin saaʼin wayuu nünain, eeshijaʼa süpüla pasalaweein nia. Kapüleesü süpüla sajaʼttinnüin tü üttaakalü aaʼin.
Eeshijaʼa sülerajüichire pia wayuu, shimeeʼerainpalale pia, airuʼurule sünüiki pümüin jee pujuyaajünüle. Eepejeʼe waneirua kasa mojuleeka maʼin sutuma tü üttaakalü aaʼin. Eeshii na ajaʼttirakana kasa sümaʼana wayuu, asheʼejakana wayuu, ataüjaakana wayuu jee oʼutakana saaʼin wayuu.
Süküjeerü rewiisütakat tüü eein süpüla wasünneʼerüin suluʼujee waaʼin tü üttaakalü aaʼin otta susouteerü pütchikat tüü:
¿Jamüsü joutka tü üttaakalü aaʼin?
¿Kasa waaʼinrajatka suulia sükooʼomüinraain tü üttaakalü aaʼin?
¿Ajaʼtteetche tü üttaakalü aaʼin soʼu wanee kaʼi?
Eesüjaʼa kamalainjeerüle pümüin aashajeʼeraa tüü
AAPIRIA WAYUU
¿Ajaʼtteetche mapeena tü alerajaakat wayuu?
Sükaaliinjüin tü Wiwüliakat na wayuukana süpüla nnojoluin nalerajüin wayuu. Naainjüin tia apünüinshii wayuu. ¿Ajaʼtteetche mapeena tü alerajaakat wayuu?
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Jamüsü nuuʼulaaka Maleiwa eein kasa mojusü otta müliaa?
Asoutusü tü Wiwüliakat shiʼipajee tia jee sütütüleʼerüin waaʼin.
