¿Kasa shikirajaka tü Wiwüliakat?
¿Eejeetche wanee kaʼi eere nnojoleerüin shiʼnnüin amüin wayuu?
Eeshii eekai namüin:
«Aa»
«Nnojo»
«Jamüin paajüin»
Tü sümakat tü Wiwüliakat
«Nükaaliinjeechi Jeʼwaa chi nnojoikai yaletüin aaʼin jee naaʼinreerü tü kasa anasükat nüpüleerua chi eekai müliain» (Salmo 140:12, TNM). Aainjüneerü kasa anasü yaa Mmapaʼa sutuma Nuluwataaya Maleiwa.
¿Kasa maa süküjaka tü Wiwüliakat?
Niʼrüin Jeʼwaa süpüshuaʼa tü kasa mojusü aainjünakat sümüin wayuu otta nunoukteʼereerü tia (Eclesiastés 5:8).
Sutuma lotuin nukuwaʼipa Maleiwa, anajiraajeerü wayuu otta nnojoleerü jaralin aaʼinrüin kasa mojusü (Isaías 32:16-18).
¿Koʼusüche nukuwaʼipa Maleiwa sümüin wayuu?
Tü namakat waneeinnua wayuu Naashin waneeinnua wayuu, eeshii eekai anakuwaʼipalüin nutuma Maleiwa otta eekai mojukuwaʼipalüin nutuma. Eetaashii na anoujakana sünain wanaawain wayuu süpüshuaʼa nümüin Maleiwa. ¿Jamüsüjaʼa pünüiki süchiki tia?
Tü sümakat tü Wiwüliakat
«Shiimain nojolüin koʼuin nükuaippa Maleiwakai sümüin wayuu. Wayuu eekai eein suluʼu mmakat süpüshua, kojutkat atüma Maleiwakai otta aaʼinrakat tü anasükat, nnojoleerü nüjütaain amaa shia» (Aluwataaushikana 10:34, 35). Wanaawasü wayuu süpüshuaʼa nümüin Maleiwa.
¿Kasa maa süküjaka tü Wiwüliakat?
Suluʼu tü Wiwüliakat, aküjünüsü wanee pütchi anasü sümüinjatü «eʼirukuukat süpüshua sainküin mmakat süpüshua» (Alateetkat Mapeena [Apocalipsis] 14:6).
Eesüjaʼa kamalainjeerüle pümüin aashajeʼeraa tüü
SUSOUTAKA EʼIPAJEE TÜ BIBLIAKAT
¿Niache Maleiwa kasitka tü müliaakat?
Eʼrüsü müliaa wayuu süpüshuaʼa, jaʼitainna na aʼyataashiikana nümüin Maleiwa. ¿Jamüshii neʼraka müliaa?
SUNOUTEʼERÜIN NAKUWAʼIPA TÜ BIBLIAKAT
Mojusü tamüin koʼuin sukuwaʼipa wayuu
Wanaawasü saaʼin Rafika namaa waneinnua wayuu mojukana amüin koʼuin sukuwaʼipa wayuu. Shiyaawata aaʼu mapa aneerüin nakuwaʼipa na wayuukana nuluwataapa Maleiwa saaʼu tü mmakat.
