1. ¿Kasa waaʼinrajatka saaʼu kanoulain waya?

NNOJOTSÜ kanoulain wayuu süpüshuaʼa (2 Tes. 3:2, TNM). Nükaaliinjapejeʼe Jeʼwaa na aʼwaajakana nia süpüla kanoulain naya (Roma 12:3, TNM; Gal. 5:22, TNM). Waapüinjatü analuʼut nümüin Jeʼwaa saaʼu kanoulain waya nutuma.

2, 3. (1) ¿Kasa anasü weʼraka sutuma kanoulain waya? (2) ¿Kasa wekirajaainjatka anain jooluʼu?

² Naapüin Jeʼwaa chi Nüchonkai süpüla sülaʼajaanüin naainjala na eʼitaakana naaʼin nünain. Sutuma tia, eeshii süpüla aleewain waya nümaa Jeʼwaa otta eesü süpüla katüin woʼu waneepia (Juan 6:44, TNM; Juan 6:65; Roma 6:23, TNM). Anamiashaata maʼin Jeʼwaa wamüin wayakana wapüshuaʼa. Mayaapejeʼe waleʼeruʼuin tü kaainjalaakat jee ouktajanain waya saaliijee waainjala, nütüjaa aaʼu eein süpüla waaʼinrüin kasa anasü (Sal. 103:10). Müshijeseʼe nikirajüin waya nüchiki Jesuu otta süchiki tü kasa eekat sutuma naapajiraain nikii Jesuu. Shiasaʼa wanoujapa nünain Jesuu sümaa woushikajaain süchiirua nukuwaʼipa, waʼatapajüitpa jooluʼu katüinjatüin woʼu waneepia (paashajeʼera 1 Juan 4:9, 10, TNM).

³ ¿Kasa maa eeka süpüla wekirajaain süchiki tü kanoulaakat?  Kanouleere waya, nnojotsü neʼe watüjaainjatüin saaʼu tü naaʼinrakat Maleiwa wapüleerua otta tü naaʼinrüinjateetkat, eesü wanee kasa waaʼinrajatka. Wekirajaa sünain tia.

4. ¿Kasa waaʼinreejeetka amüin kanourale waya?

⁴ Wanoujale nünain Jeʼwaa otta nünain Jesuu, nnojoleena neʼe waya talatüin sutuma watüjaain saaʼu tü naaʼinrakat wapüleerua jee tü naaʼinrüinjatkat mapeena. Keeʼireejeerü maʼin waaʼin woonooin sümaa tü nekirajakalü anain waya otta wekirajeerü wayuu nachiki. Müshi Pablo: «Waküjale sümüin wayuu nüchiki Jesucristo sünain Wasenyotsein nia, sümaa wanoujain nünain süka süpüshua waaʼin sünain süsoʼiraain naaʼin nütüma Maleiwa süchikijee ouktaa, shiimüin sünain woʼtteʼennüin. Anajiraashii waya nümaa Maleiwa müleka wanoujüle nünain Cristo süka süpüshua waaʼin. Je atüjaaneena aaʼu waya sünain woʼtteʼennüin, süka waküjüin nüchiki Jesucristo» (Roma 10:9, 10; 2 Cor. 4:13, TNM).

5. (1) ¿Jamüsü choʼujaaka kanoulain waya? (2) Piʼitaa wanee shiyaawase tü waaʼinrajatkat süpüla icheinjatüin wanoula.

⁵ Kateere woʼu waneepia suluʼu tü mma jeketkat, kanoulainjana waya jee icheinjatü wanoula. Nunoula wanee wayuu müsü aka saaʼin wanee maata. Jamüsüjaʼa wanee maata, oʼyotüneesü wüin waneepia saaʼu süpüla anainjatüin maʼin shia otta miyoʼuinjatüin shia. Nnojorüle waaʼinrüin tia, juleerü. Akaʼaya neʼe tü wanoulakat, amalajaweerü nnojorüle jülüjain waaʼin shia (Tito 2:2; 2 Tes. 1:3; Luc. 22:32; Heb. 3:12).

6. ¿Jarat tü piamasü kasa süküjakat Hebreokana 11:1 süchiki tü kanoulaakat?

⁶ Piamasü kasa süküjaka tü Wiwüliakat süchiki tü kanoulaakat suluʼu Hebreokana 11:1, TNM (paashajeʼera). Palajana müsü mayaa: «Tü kanoulaakat shia shiimainre wamüin shikeraajeerüin tü kasa waʼatapajakat maʼin». Tü kasa waʼatapajakat shia tü naaʼinrüinjateetkat Maleiwa mapeena. Jamüshiijaʼa waya, waʼatapajüin sajaʼlajaainjatüin tü kasa mojusükat otta paʼaraiisüinjatüin tü mmakat. Anuu tü wanee kasa sümakat tü Wiwüliakat süchiki tü kanoulaakat: «Tü kanoulaakat shia [...] weeʼiyatüle shiimain wamüin tü kasa nnojotkat weʼrüin». Soʼutku tü kasa nnojotkat weʼrüin nia Jeʼwaa, Jesuu, na aapieekana otta Nuluwataaya Maleiwa (Heb. 11:3). ¿Kasa waaʼinrajatka shiimainre wanoujain sünain nikeraajeerüin Maleiwa nünüiki otta shiimainre wamüin eein tü kasa nnojotkat weʼrüin? Weeʼiyatüinjatü tia sükajee wakuwaʼipa, wanüiki jee sükajee tü waaʼinrakat.

7. ¿Jamüsü süpüla wayaawatüin sükajee nukuwaʼipa Noé tü kanoulaakat? (Piirakaa sümüin tü ayaakuaa suluʼukat süpana 21).

⁷ Sutuma tü nukuwaʼipakat Noé wayaawata aaʼu kasain sünainpünaain tü kanoulaakat. Müshi Pablo nüchiki Noé: «Oonooshi sümaa tü naapirakat achiki nia [Maleiwa] sooʼopünaa tü kasa alateetkat, tü nnojotkat sütüjaain aaʼu wayuu». Shiasaʼa sutuma anajiraweein Noé nümaa Maleiwa, «nükumajakalaka wane anua kaluʼuinjatkat tü nüpüshikalüirua süpüla suʼtteʼennüinjatüin» (Heb. 11:7). Nukumajüin Noé tü anuakat sutuma nunoujain sünain nünüiki Jeʼwaa. Eeshijaʼa süpüla nüsakinnüin natuma na wayuu kepiakana nüʼütpaʼa kasapülajatüin nukumajaka tü anuakat. Watüjaa aaʼu nnojoluin koʼutüin Noé namüin naya wayuukana süka süküjüin tü Wiwüliakat «aküjülin nia süchiki pütchi anasü» (2 Ped. 2:5, TNM). Naapirüin Noé na wayuukana süchiki tü juya miyoʼu niʼitirüinjatkat Jeʼwaa süpüla najaʼlajeʼerüin tü mojulaasükalüirua. Eesüjaʼa müle nünüiki maʼaka saaʼin nünüiki Jeʼwaa nümüin: «Shia taleʼeruʼuka neʼe tajaʼttirüinjatüin tü wayuukolüirua ütamüinreʼeya sainküin mmakat süpüshua. Tajaʼttireerü shiairua sükajee  kooʼomüin [...] natüma mojulawaa sainküin mma». Anuu wanee nünüiki Jeʼwaa nümüin Noé: «Anteerü tatüma wane wüin miyoʼushaata maʼi süpüla tajaʼttirüinjatüin tü wayuukot ütamüinreʼeya je kasa süpüshua sainküinkat mma. Shiimüin sünain ooʼuwoʼuleerüin sütüma tü wüinkat kasa süpüshua eekai katüin oʼu». Nüküjüinjaʼa Noé namüin na wayuukana noʼotooinjanain suluʼumüin tü anuakat süpüla noʼttaainjanain (Gén. 6:13, 17, 18).

8. ¿Jamüsü nünüiki Santiago süchiki tü kanoulaakat?

⁸ Aküjüshi Santiagoya süchiki tü kanoulaakat. Eesüjaʼa nüshajüle tia süchikijee nuluwataain Pablo tü karalouktakat namüin na hebreokana. Müshi Santiago: «Süka nnojoliin teʼrüin jia sünain aaʼinraa tü kasa anasü nüchekakat Maleiwa jüpüleerua, nnojotsü tatüjaain aaʼu müleka shiimüinre sünain jünoujain nünain Cristo. Otta tayakai, jütüjaa aaʼuchi taya sünain shiimüin tanoujain nünain, süka jiʼrüin tü kasa anasü taaʼinrakat» (Sant. 2:18). Naashin Santiago, nnojoishii anoujaʼalüinjanain neʼe waya nünain Maleiwa, eesü tü kasa waaʼinrajatkat naashin. Na yolujaakana natüjaa aaʼuchi eein chi Maleiwakai, nnojoliipejeʼe naya anoujain nünain, nüʼünüü naya (Sant. 2:19, 20). Na wayuu anoujakana nünain Maleiwa, naaʼinrüin tü kasa anasükat süpüla anainjanain naya noʼuluʼu. Shiaʼaya naaʼinraka Abraham tia, müshi Santiago nüchiki: «Yapashi nia süpüla nuʼutüinjachin naaʼin chi nüchonkai. Süka jamüin, Shiimüin sünain nünoujain nünain Maleiwa. Je nütüjaaichipa aaʼu Maleiwa sünain shiimüin nünoujain sükajee tü naaʼinrakat». Nümaka Santiago süchikijee: «Maa aka wane ouktüsü, watüjaa aaʼulu sünain nnojolüin katüin soʼu süka nnojolüin sükutulaain sünain aaʼinraa wanee kasa. Akaajaa chi wayuu nnojotkai kasain anain apüla tü nünoulakat nuʼupala Maleiwa, watüjaa aaʼulu sünain manoujain nia süka nnojolüin naaʼinrüin tü kasa anasü nüchekakat chi Maleiwakai nüpüleerua» (Sant. 2:21-23, 26).

9, 10. ¿Kasa waaʼinrajatka süpüla weʼitaainjatüin waaʼin nünain chi Nüchonkai Maleiwa?

⁹ Maʼaka 30 juya süchikijee nüshajüin Santiago süchiki tü kanoulaakat, nüshajüin Juan tü Nüchikimaajatkat Jesuu jee apünüinsü karaloukta sooʼomüin. Niyaawata aaʼu Juan kasain wayuu tü kanoulaakat. Wainmatua nüshajüin tü pütchikat «eʼitawaa aaʼin» makat.

¹⁰ Anuu wanee nünüiki Juan: «Chi eekai niʼitaain naaʼin nünain chi Nüchonkai Maleiwa, kateerü noʼu waneepia; niasaʼa chi eekai nnojolin noonooin nümaa, amülouijeechi sümaa süsaleechin nia nutuma Maleiwa» (Juan 3:36, TNM). Süpüla weʼitaainjatüin waaʼin nünain chi Nüchonkai Maleiwa, oonooinjana waya sümaa tü nümakat (paashajeʼera «Pütchi pütüjaainjatka aaʼu»). Waashajeʼerüle tü nüshajakat Juan nüchiki Jesuu, wayaawateerü aaʼu wainmatuain nüküjüin Jesuu kateerüin woʼu waneepia weʼitaale waaʼin nünain niakai jee nünain chi Nüshikai (Juan 3:16, TNM; 6:29, 40; 11:25, 26, TNM; 14:1, 12).

11. ¿Kasa waaʼinrajatka sutuma kojutüin wamüin nikirajüin waya Jeʼwaa sünain tü shiimainkat?

¹¹ Nükaaliinjain waya Jeʼwaa nükajee chi naaʼinkai süpüla wayaawatüin saaʼu tü shiimainkat nüchiki otta nüchiki chi Nüchonkai jee nükaaliinjain waya süpüla wanoujain nanain (paashajeʼera Lucas 10:21). ¿Kasa waaʼinrajatka sutuma kojutüin wamüin tü naaʼinrakat Jeʼwaa wapüleerua? Waapüinjatü tü analuʼutkat nümüin waneepia saaʼu aleewain nia wamaa nükajee Jesuu, chi laülaakai wapüleerua sünain anoujaa (Heb. 12:2, TNM). Akaʼaya waya,  ayatüinjatü wachecherüin wanoula. Müshiijeseʼe woʼuraajüinjanain sümaa wekirajaainjanain waneepia sünain tü Wiwüliakat (Éf. 6:18; 1 Ped. 2:2).

12. ¿Kaseerü waaʼinraka kanourale waya?

¹² Sükajee tü waaʼinrakat, atüjaaneerü aaʼu müleka wanoujale maʼin sünain nikeraajeerüin Jeʼwaa tü nünüikikat. Jamüshiijaʼa waya, ayateena aküjüin sümüin wayuu süchiki Nuluwataaya Maleiwa otta wekirajeena süpüla noushikajaain süchiirua nukuwaʼipa Jesuu. Akaʼaya waya, ayateerü waaʼinrüin tü anasükat namüin na wawalayuukana otta sümüin wayuu süpüshuaʼa (Gal. 6:10). Ayateena waya wanoukteʼerüin wakuwaʼipa süka nnojoluin mojeein wakuwaʼipa nümaa Jeʼwaa (Col. 3:5, 8-10).

13. (1) ¿Jamüsü choʼujaaka maʼin kanoulain waya nünain Maleiwa? (2) ¿Jamüsü sünüiki tü Wiwüliakat süchiki tü kanoulaakat? ¿Jamüsü makaʼa sünüiki?

¹³ Saashin tü Wiwüliakat, nnojoleena waya anain noʼuluʼu Maleiwa manoujainre waya nünain. Müsü tü Wiwüliakat: «Warütkaale nünainmüin Maleiwa, anoujainjana waya sünain eein nia otta naapüin kasa anasü namüin na achajaakana maʼin nüchiki» (Heb. 11:6, TNM). Tü kanoulaakat, sünainpünaasü «tü ekirajünakat anain paala» waya saashin tü Wiwüliakat. Tü kanoulaakat shia wanee akuwaʼipaa niʼitaatüjülüinjatka sünain nukuwaʼipa wanee anoujashi (Heb. 6:1). Eepejeʼe waneeirua akuwaʼipaa eeinjatka wanain süpüla aleewainjanain waya nümaa Maleiwa (paashajeʼera 2 Pedro 1:5-7; Jud. 20, 21, TNM).

14, 15. ¿Jamüsü anaʼleeka maʼin aipüraliire waya wayuu suulialeʼeya kanoulaa?

¹⁴ Na ashajakana tü Wiwüliakat shia naashajaaka maʼin achiki tü kanoulaakat suulia tü wanee akuwaʼipaakalüirua. ¿Shiache choʼujaaka maʼin namüin na anoujashiikana kanoulainjanain naya? Wekirajaa sünain tia.

¹⁵ Nuʼwanaawajireʼerüin Pablo tü kanoulaakat sümaa tü aliikat apüla wayuu. Müshi nia: «Mayaasüje aapünüin tamüin atüjaa süpüleerua eʼitawaa taaʼin sünain anoujaa süpüla taaʼinrüin tü kasa isakat süchiki wayuu [...], müleka maalinre wayuu tapüla, nnojoleerü kasain saapüin tü taaʼinrakat» (1 Cor. 13:2). Naashin Jesuu, tü aliikat apüla wayuu shia alanaʼaleeka maʼin saʼakajee tü Pütchi aapünakat nümüin Moisés (Mat. 22:35-40). Aipüraliire waya wayuu, mapüleejeerü wamüin weʼitaain suluʼu wakuwaʼipa tü akuwaʼipairua anakat noʼuluʼu Maleiwa. Saashin tü Wiwüliakat, aire wapüla wanee wayuu wanoujeerü anain süpüshuaʼa tü sümakat wamüin. Jamüshijaʼa aire wapüla Maleiwa, wanoujeerü  anain süpüshuaʼa tü nümakat suluʼu tü Wiwüliakat (1 Cor. 13:4; 1 Cor. 13:7, TNM).

16, 17. (1) ¿Jamüsü watüjaaka saaʼu sutuma tü Wiwüliakat choʼujaain kanoulainjachin jee aipüralinjachin wanee wayuu? (2) ¿Jarat alanaʼaleeka saʼakajee tia akuwaʼipaakalüirua? ¿Jamüsü shiaka alanaʼaleein?

¹⁶ Saashin tü Wiwüliakat, choʼujaashaatasü kanoulainjachin jee aipüralinjachin wanee wayuu. Müsüjeseʼe kottaleein tia piamasükat akuwaʼipaa suluʼu waneeirua wetsiikulo. Müshi Pablo: «Anashii ayatüle waya sünain katsüin waaʼin sünain anoujaa je sünain aijiraain wapüla wapüshua» (1 Tes. 5:8). Anuutaa nünüiki Pedroya nüchiki Jesuu: «Jaʼitaichi nnojolin jiʼrüin Jesucristo paala, ayatshia neʼe nia alin jüpüla [...], jaʼitaichi nnojoyülin jiʼrüin, ayatshiʼiya neʼe jia eʼitaain jaaʼin sünain anoujaa nünain» (1 Ped. 1:8). Jee müshia Santiago, müsü nünüiki namüin na chainjanakana chaa iipünaa: «Wainma na wayuu mojushiikana soʼuluʼu wayuu. Otta katsüinsü naaʼin sünain anoujaa sükajee aneekuushin naya nütüma Maleiwa süpüla aluwatawaa wanaa nümaa soʼuweena wane kaʼi. Shia tü nüküjakat achiki paala Maleiwa sünain pansaain nünüiki nooʼopünaa na wayuu eekai alin apüla nia» (Sant. 2:5). Naashin Juan, nuluwataain waya Maleiwa «sünain wanoujainjanain nünain Jesucristo, chi Nüchonkai, je sünain aijiraainjanain wapüla wawalayuu» (1 Juan 3:23).

¹⁷ Nüküjüinya Pablo ayatüinjatüin kanoulain wayuu maaʼulu, kaʼatapalainjana naya jee aijiraainjana naya, shiapejeʼe alanaʼaleein tü aijirawaakat naashin saʼakajee tü apünüinsükat (1 Cor. 13:13, TNM). ¿Jamüsü shiaka alanaʼaleein tü aijirawaakat suulialeʼeya tü wanee akuwaʼipaakalüirua naashin Pablo? Shia süka nnojoleerüin choʼujaain mapeena wanoujain sünain tü kasa waʼatapajakat. Suluʼujeena waya tü mma jeketkat sümaa weʼreerüin shikeraajüin süpüshuaʼa tü kasa anasü sümakat tü Wiwüliakat. Ayatüinjachipejeʼe alin wapüla Maleiwa otta alin wapüla wayuu. Ayateerü amuloʼulaain waneepia tü naalinkat wapüla.

18, 19. ¿Kasa eeka sutuma kanoulain na aʼyataashiikana nümüin Maleiwa maaʼulu yaa? ¿Jarai waʼwaajüinjachika sutuma tia?

¹⁸ Na aʼyataashiikana nümüin Maleiwa maaʼulu, nooʼulaain niain oʼunirüin nakuwaʼipa chi naaʼinkai Maleiwa. Müshiijeseʼe neʼitaain naaʼin sünain Nuluwataaya Maleiwa sümaa naʼyataain süpüleerua. Akaʼaya naya, aijiraashii napüshuaʼa (Gal. 5:22, 23). Sünainjee tia, alatüshii suulia oocho miyoone na wawalayuukana sainküin mmakat süpüshuaʼa. Anajiraashii naya sümaa paaʼinwain naya napüshuaʼa. Makaʼa nakuwaʼipa shia sutuma tü kanoulaakat jee tü aijirawaakat.

¹⁹ Paaʼinwashii waya namaa na wawalayuukana sutuma niain akaaliinjain waya Jeʼwaa. Waʼwaajüinjachi nia sutuma tia (Is. 55:13). Waapashaatain analuʼut nümüin Jeʼwaa sutuma eein süpüla woʼttaain sükajee tü wanoulakat (Éf. 2:8,9). Ayateechi Jeʼwaa sünain akaaliinjaa wayuu süpüla nanoujain nünain. Soʼuweena wanee kaʼi, aneena napüshuaʼa na wayuu yaajeenakana kepiain yaa Mmapaʼa, loteerü nakuwaʼipa otta talateena maʼin naya sünain aʼwaajaa Jeʼwaa süpüla kaʼikat süpüshuaʼa.