¿Kasa waaʼinrajatka süpüla taashinjanain waya?
«Müleka nujuittirüle jia chi Nüchonkai Maleiwa, shiimüin sünain taashiinapain jia» (JUAN 8:36).
1, 2. (1) ¿Kasa naaʼinraka na wayuukana süpüla taashin naya? (2) ¿Kasa neʼraka sünainjee tü naaʼinrakat?
MAAʼUTPÜNAA yaa, watta maʼin naalii na wayuu yootiraakana süpüla nnojoluinjatüin kojutaʼatalüin wayuu otta naluwanaajiraainjanain namüiwaʼa. Eeshii na taasheekana noulia na müliakana atuma naya, eeshii na atkaakana süpüla nnojoluin nalerajünüin sutuma wayuu otta eeshii eekai nojuʼiteein suulia müliaa süka maʼletsein naya. Eetaashii na taasheekana süpüla naküjain tü jülüjakat naaʼin, süpüla naaʼinrüin tü naaʼinreekalü amüin otta tü anakat saaʼin namüin. Taasheesü wayuu maʼleekalia.
2 Watta saalii kasa naaʼinraka na wayuukana süpüla taashin naya. Eeshii na aainjakana protesta süpüla naküjain süchiki tü mojushiikat namüin otta eeshii na eʼrakana wayumüin namüin na sülaülashiikana mma. Nnojotpejeʼe anain tü neʼrakat sünainjee tia naaʼinrakat. Eʼrüshii neʼe naya sooʼomüin müliaa jee outaa sünainjee tia. Shiimainjaʼa tü nüshajakat Salomón nutuma Jeʼwaa, müshi nia: «Chi wayuukai aluwataashi naaʼu na wayuukana süpüla numojujüin nakuwaʼipa» (Ecl. 8:9).
3. ¿Kasa waaʼinrajatka süpüla talatüinjatüin jee anainjatüin waaʼin?
Sant. 1:25). Nia Jeʼwaa kaapajalakai wamüin tü nünüikikat süka niainya neʼe atüjaain saaʼu tü choʼujaakat wamüin süpüla talatüinjanain waya otta anain maʼin waaʼin. Naapüin Jeʼwaa nümüin Adán sümaa Eva süpüshuaʼaleʼeya tü choʼujaakat namüin süpüla talatüinjanain naya otta müsia taashisü nakuwaʼipa nutuma.
3 Süküjain tü Wiwüliakat tü waaʼinrüinjatkat süpüla talatüinjatüin waaʼin jee anainjatüin maʼin waaʼin. Müshi Santiago, chi nikirajüinkai Jesuu: «Chi eekai jülüjüin naaʼin nünüiki Maleiwa süpüla naaʼinrüinjatüin waneepia tü suluwataakat anain, sümaa nnojolüin motüin naaʼin shia, alanaʼaleejeeria maʼi sünain talatüin naaʼin sünain süpüshua tü naaʼinrakat, süka shiain nünüiki Maleiwa taashika atüma wayuu suulia kaainjalaa» (WANAA SÜMAA TAASHIPUʼUIN WAYUU
4. ¿Jamapuʼusü nukuwaʼipa Adán sümaa Eva suluʼu tü Paʼaraiisükat? (Piirakaa sümüin tü ayaakuaa suluʼukat süpana 3).
4 Waashajeʼerapa tü sümakat Génesis kapiitulo 1 otta 2, wayaawata aaʼu anain maʼin nukuwaʼipa Adán sümaa Eva suluʼu tü Paʼaraiisükat. Eekajasaʼa maaʼutpünaa yaa, nnojotsü jaralüin taashin maʼaka taashipuʼuin Adán sümaa Eva. Naapüin Jeʼwaa süpüshuaʼaleʼeya tü choʼujaakat nümüin Adán sümaa Eva, nnojoishii mmoluin naya seema wanee kasa otta nnojoishii müliain naya atumawaa. Nnojotsü choʼujaain namüin tü neküinjatkat, eesü aʼyatawaa namaʼana, nnojoishii naya ayuulin otta nnojoliinjana naya outuin (Gén. 1:27-29; 2:8, 9, 15). ¿Taashisüche maʼin nakuwaʼipa? ¿Eetaapa tü apülajünakat noulia? Wekirajaa süchiki tia.
5. ¿Kasache choʼujaaka süpüla taashinjanain waya?
5 Eeshii na wayuu taashikana naashin naaʼinrüle tü naaʼinreekalü amüin sümaa nnojoluin jülüjain naaʼin tü eejeetkat sünainjee. Saashin wanee karaloʼuta, taashishi wanee wayuu «nütüjale süpüleerua aneeka tü naaʼinrajatkat otta naaʼinrüle shia» (The World Book Encyclopedia). Otta süküjainya taashin na wayuukana nnojorüle süpülajünüin noulia wanee kasa anasü otta nnojorüle müliain naya atumawaa. Sünainjee tia, wayaawata aaʼulu sünain choʼujaain süpülajünüin woulia waneirua kasa süpüla taashin waya. ¿Jaraiche lotokai maʼin akuwaʼipa süpüla nüküjain wamüin tü anakat süpüla waaʼinrüin jee tü nnojoluinjatkat waaʼinrüin?
6. (1) ¿Jamüshi niaka neʼe Jeʼwaa nümüiwaʼa aneekakai tü anakat süpüla aaʼinnaa? (2) ¿Taashisüche wakuwaʼipa süpüla aaʼinraa tü waaʼinreekalü amüin? ¿Jamüsü maka wakuwaʼipa?
6 Nia neʼe Jeʼwaa nümüiwaʼa aneekakai tü anakat süpüla aaʼinnaa, nnojotsü jaralüin laülaain naaʼu. Makaʼa nukuwaʼipa shia süka Nukumalain kasa süpüshuaʼa, nia Pülashikai maʼin otta nia Laülaakai saaʼu kasa süpüshuaʼa (1 Tim. 1:17; Alat. Map. 4:11). Müsüjeseʼe anashaatain maʼin nünüiki David naashajaapa süchiki nukuwaʼipa Jeʼwaa (paashajeʼera 1 Crónicas 29:11, 12). Nnojotpejeʼe müin nakuwaʼipa na katoʼuchii nukumajakana Jeʼwaa chaa iipünaa jee na wayuukana, süka jamüin, nnojoluin taashin nakuwaʼipa süpüla naaʼinrüin tü naaʼinreekalü amüin maʼaka naaʼinrüin shia Jeʼwaa. Keeʼireesü naaʼin Jeʼwaa wayaawatüin saaʼu niain neʼe lotuin maʼin akuwaʼipa süpüla nüküjain wamüin tü anakat süpüla waaʼinrüin jee tü nnojoluinjatkat waaʼinrüin. Matüjülia sukuwaʼipa tia nutuma Jeʼwaa nukumajaiwaʼaya kasa süpüshuaʼa.
7. Püküja waneirua kasa mapüleeka süpüla waaʼinrüin otta talataka atuma waya.
7 Mayaapejeʼe taashin nukuwaʼipa Adán sümaa Eva süpüla naaʼinrüin wainma kasa, eesü tü nnojotkat süpüla naaʼinrüin. Otta eesü tü mapüleekat namüin süka choʼujaain shia namüin. Jamüshiijaʼa naya, choʼujaasü namüin nasanalüin naaʼin süpüla katüin noʼu, choʼujaasü namüin ekaa, atunkaa otta waneirua kasa. Nnojotpejeʼe Sal. 104:14, 15; Ecl. 3:12, 13). Müshiʼiya waya, talatüshii sutuma wasanalüin joutai, sutuma weküin tü eküülü wekaajaka maʼin otta watunkule maʼin saʼwai. Nnojotsü müin kapükai saaʼin wakuwaʼipa sutuma waaʼinrüin tia.
jülüjain naaʼin nnojoluin taashin naya sutuma naaʼinrüin tia. Akaʼaya Jeʼwaa, niʼitaatüjülia sukuwaʼipa süpüla talatüinjanain naya sünain aaʼinraa tia (8. ¿Kasa aluwataanaka anain Adán sümaa Eva nutuma Jeʼwaa? ¿Kasapülajatü nuluwataaka naya sünain aaʼinraa tia?
8 Müshi Jeʼwaa nümüin Adán sümaa Eva: «Anakaja kachonniire jia, jouluiwa na juuʼuliwoʼukana sainküin mmakat süpüshua süpüla laulaainjanain jia saaʼu tü kasa shirokujatkat palaa, saaʼu tü kasa waawatakat iipünaapünaa je saaʼu tü kasa mmapaʼajatkat süpüshuaʼale» (Gén. 1:28). Nnojotsü müin kapükai saaʼin nakuwaʼipa sutuma tü nuluwataakalü anain naya Jeʼwaa. Jee müsia, eesü süpüla shiʼyataain wayuu süpüshuaʼa süpüla paʼaraiisüinjatüin tü Mmakat otta katüinjatüin noʼu waneepia (Isa. 45:18). Maaʼulu yaa, eeshii na wayuu nnojoliikana achajaain naʼwayuuse otta na machonweekana, nnojotpejeʼe shiain sutuma moonooloin naya nümaa Jeʼwaa. Eetaashii na wayuu kaʼwayuusekana otta na kachoinkana mayaapejeʼe natüjaain saaʼu neʼreenain namüliala sünainjee tia (1 Cor. 7:36-38). Naaʼinrakaʼa tia na wayuukana shia süka talateein naaʼin otta aneein naaʼin (Sal. 127:3). Müleka noonooyüireje Adán otta Eva nümüin Jeʼwaa, anasüje nakuwaʼipa sünain kasaalüü otta eeshiije naya namaa nachonnii süpüla kaʼikat süpüshuaʼa.
¿JAMÜSÜ NNOJOLUITPAKA TAASHIN MAʼIN SUKUWAʼIPA WAYUU?
9. ¿Jamüsü watüjaaka saaʼu pansaain tü aluwataanakalü anain Adán sümaa Eva suluʼu Génesis 2:17?
9 Eesü wanee kasaʼaya aluwataanaka anain Adán otta Eva nutuma Jeʼwaa jee nüküjaleein namüin tü alatajatkat moonooinre naya sümaa tia pütchikat: «Shiasaʼa nnojolüinjatüin piküin süchon tü wunuʼu atüjaweetkat atüma wayuu saaʼu tü anasükat je saaʼu tü mojusükat. Müleka piküle süchon wunuʼukot tüü, shiimüinshaana ouktajachin pia» (Gén. 2:17). ¿Mojusüche tü naainjaka Maleiwa süka nüpülajüin tia noulia? ¿Müsüche kapükai saaʼin nakuwaʼipa sutuma tia apülajünakat noulia? Nnojorüleejaʼa. Naashin kojuyashii wayuu atüjakana süpüleerua sukuwaʼipa tü Wiwüliakat, pansaasü maʼin tia apülajünakat nuulia Adán sümaa Eva. Jee müsia naashin wanee naʼakajeejana naya wayuukana, shikirajüin waya Génesis 2:16 otta 17 niain neʼe Maleiwa atüjaaka saaʼu tü anakat sümüin wayuu jee tü nnojotkalü anain. Shiasaʼa süpüla anain sukuwaʼipa wayuu, shiʼitaainjatü saaʼin nünain Jeʼwaa otta oonooinjatü nümaa. Müleka moonooinre wayuu nümaa Maleiwa, nayainjana aneekaka tü anakat süpüla naaʼinrüin jee tü mojukat. Tia shia wanee kasa isaka nachiki naaʼinrüin na wayuukana süka naaʼin namüiwaʼa.
Joutsü maʼin müliaa sünainjee tü kasa nüneekakat Adán sümaa Eva. (Paashajeʼera tü pütchikat 9 sünainmüin 12).
10. ¿Jamüsü naataka aneekaa tü waaʼinreekalü amüin suulia aneekaa tü anakat jee tü mojukat süpüla aaʼinnaa?
Nia neʼe Jeʼwaa nümüiwaʼa aneekaka tü anakat süpüla aaʼinnaa jee tü mojukat
10 Wainma na wayuu jülüjakana aaʼin nnojoluin anain tü aluwataanakalü anain Adán nutuma Jeʼwaa. Naashin nayakana, nnojoishi nuuʼulaain Jeʼwaa naaʼinrüin Adán tü keeʼireekat naaʼin. Nnojotpejeʼe shiimain tia. Naata sümüin aneeka tü waaʼinreekalü amüin suulia aneeka tü anakat jee tü mojukat süpüla aaʼinnaa. Eesü süpüla nüneeküin Adán otta Eva noonooinjanale nümaa Jeʼwaa otta nnojoluinjanale noonooin Gén. 2:9). Nnojotsü watüjaain saaʼu tü eejeetkat sünainjee tü waneekakat süpüla waaʼinrüin otta müsia nnojotsü watüjaain saaʼu müleka aneerüle wakuwaʼipa sünainjee. Müsüjeseʼe nnojoluin anain nakuwaʼipa na wayuukana sünainjee tü naneekakat. Jaʼitashii aaʼinreein naya kasa anasü, eʼrüshii müliaa jee outaa sünainjee tia (Prov. 14:12). Eesü maʼwaire tia sutuma eein tü kasa isakat wachiki. Tü kasa aluwataanakalü anain Adán sümaa Eva nutuma Jeʼwaa, süpülajatü nikirajüin naya sünain taasheenain naya noonoole sümaa nünüiki. ¿Kasakaʼa naaʼinrüin Adán sümaa Eva?
nümaa. Niapejeʼe neʼe Jeʼwaa nümüiwaʼa aneekaka tü anakat süpüla aaʼinnaa jee tü mojukat. Tia, shia kayaawaseka «tü wunuʼu atüjaakat atüma wayuu saaʼu tü anasükat je saaʼu tü mojusükat» (11, 12. ¿Kasa alataka sutuma tü nüneekakalü Adán sümaa Eva? Püküja wanee shiyaawase.
11 Mojushaatasü maʼin tü naaʼinrakat Adán sümaa Eva süka nnojoluin noonooin nümaa Jeʼwaa. Nia noonooka amaa Satanaa soʼu nümüin: «Kekiijeena maʼi jia süpüla kasa süpüshua. Meena aka jia Maleiwakai sünain jiyaawatüin saaʼu tü anasükat je tü mojusükat» (Gén. 3:5). ¿Shiimainche taashin Adán sümaa Eva süpüla aaʼinraa süpüshuaʼa tü keeʼireekat naaʼin maʼaka nüküjain shia Satanaa? Nnojorüleejaʼa. Mojusü neʼe nakuwaʼipa sutuma nayoutuin Jeʼwaa süpüla niain oʼunirüin nakuwaʼipa (Gén. 3:16-19). Mojusü nakuwaʼipa süka nnojoluin nukumajüin Jeʼwaa na wayuukana süpüla naneeküinjatüin namüiwaʼa kasain wayu tü anakat jee tü mojukat süpüla aaʼinnaa (paashajeʼera Proverbios 20:24 otta Jeremías 10:23).
12 Wekirajaa sünain tü naaʼinrakat wanee suchupeetse katünasü. Süpüla nüntajachin eeʼewalinjachire nia, nuʼunirüin tü katünasükat suluʼupünaa tü süpünakat. Jee müsia, eesü waneirua kasa sünain tü katünasükat nuʼunitka Roma 5:12). Nnojoluitpa taashin maʼin nukuwaʼipa Adán sümaa Eva sutuma tü naaʼinrakat.
akajee shia otta eeshii na aküjajakana nümüin jalapünaainjatüin nuʼunirüin tü katünasükat. Shiasaʼa nuʼunirüle tü katünasükat eepünaale anain saaʼin nümüin sümaa nnojoluin naaʼinrüin tü münakat nümüin, eeshijaʼa pasiruwaajeechire nia. Tia meematüsü aka saaʼin tü naaʼinrakat Adán sümaa Eva. Nayoutuin Jeʼwaa süpüla niain oʼunirüin nakuwaʼipa otta mojukalaka nakuwaʼipa jee nakuwaʼipa na nooʼuliwoʼukana (TÜ WAAʼINRAJATKAT SÜPÜLA TAASHINJANAIN WAYA
13, 14. ¿Kasa waaʼinrüinjatka süpüla taashinjatüin wakuwaʼipa?
13 Naashin wainma wayuu, aneerü maʼin nakuwaʼipa müleka naaʼinrüle tü naaʼinreekalü amüin. Mayaapejeʼe anain taashire nukuwaʼipa wayuu süpüla aaʼinraa wainma kasa, ¿jamüsüjeʼe tü mmapaʼakat taashire sukuwaʼipa wayuu süpüla saaʼinrüin tü saaʼinreekalü amüin? Saashin tü karaloʼuta wachuntakalü anülia suluʼu pütchi jaʼrai, sainküin mmakat süpüshuaʼa eesü tü kasa eekat süpüla saaʼinrüin wayuu otta eesü tü apülajünakat suulia jee pansaasü sukuwaʼipa tia atumawaa (The World Book Encyclopedia). Kapüleepejeʼe maʼin tia, süka jamüin, wainmain tü kasa aluwataanakalü anain wayuu natuma na sülaülashiikana mma. Sutuma tia, choʼujaashii wainma abogado otta jueces atüjakana süpüleerua tia jee aʼyataakana süchiirua saaʼinnüinjatüin tia aluwataanakalü anain.
14 Nüküjain Jesuu tü waaʼinrüinjatkat süpüla taashinjanain wakuwaʼipa. Müshi nia: «Müleka joonoole sümaa tanüiki waneepia, shiimüinshaana jiain tekirajüin. Je jiyaawateerü aaʼu tü shiimainkat süpüla jujuittüinjanain sütüma suulia achepchiaa» (Juan 8:31, 32). Piamasü kasa waaʼinrajatka süpüla wountuin tia. Palajana, kojutuinjatü wamüin tü pütchi nikirajakalü anain. Tü wane kasa waaʼinrajatkat shia woushikajaain süchiirua nukuwaʼipa Jesuu. Waaʼinrüle tia, shiimain taasheerüin wakuwaʼipa. ¿Kasa taasheenaka oulia waya? Anuu sooʼomüin nünüiki Jesuu: «Chi wayuu eekai kaainjalain, süchepchiashi kaainjalaa [...]. Müleka nujuittirüle jia chi Nüchonkai Maleiwa, shiimüin sünain taashiinapain jia» (Juan 8:34, 36).
15. ¿Jamüsü sülanaʼaleeka sünain anain tü taashinjanaka oulia waya nutuma Jesuu?
15 Alanaʼaleesia sünain anain tü taashinjanakalü oulia waya nutuma Jesuu suulialeʼeya tü taasheekalü oulia wayuu maaʼulu. «Müleka nujuittirüle jia chi Nüchonkai Maleiwa, shiimüin sünain taashiinapain jia», müshi Jesuu. Tü nujuʼitireenakalü oulia waya Jesuu shia suulia tü kaainjalaakat süka müin süchepchiakai waaʼin. Aainjashii waya kasa mojusü süka waleʼeruʼuin tü kaainjalaakat. Otta nnojotsü waaʼinrüin tü anasükat sutuma, jaʼitairü watüjaain saaʼu anain shia. Akaʼaya waya, müsü sütaʼülakai aaʼin wakuwaʼipa suulia anain maʼin watuma wanee kasa waaʼinraka. Shiasaʼa sutuma tia, mojusü neʼe waaʼin, eʼrüshii waya wamüliala jee mapa, outushii waya (Roma 6:23, TNM). Nütüjaa aaʼu Pablo jamüin naaʼin wanee wayuu sutuma süchepchiain nia tü kaainjalaakat (paashajeʼera Roma 7:21-25). Waneʼereʼeya taashin wakuwaʼipa maʼaka taashipuʼuin nukuwaʼipa Adán sümaa Eva, nnojotpa waleʼeruʼuin tü kaainjalaakat.
16. ¿Kasa waaʼinrajatka süpüla taashinjanain waya nutuma Jesuu?
16 «Müleka joonoole sümaa tanüiki waneepia», müshi Jesuu. Tü nüküjeekat shia eein tü kasa waaʼinrajatkat süpüla taashinjanain waya nutuma. ¿Suluʼu jamüin? Süka woushikajaain süchiirua nukuwaʼipa Jesuu, nnojotsü shiain waaʼinrüin tü wachekakat neʼe wamüiwaʼa, shia waaʼinraka tü nuluwataakalü anain Jesuu na nikirajüinkana (Mat. 16:24). Taasheena waya mapeena maʼaka nümüin Jesuu, shikeraajapa süpüshuaʼa tü kasa anasü eejeetkat sutuma naapajiraain nikii waaʼu.
17. (1) ¿Kasa waaʼinrajatka süpüla talatüinjatüin waaʼin jee anainjatüin waaʼin? (2) ¿Kasa wekirajaainjatka anain sünain tü wane ekirajaayakat?
17 Talateena maʼin waya otta aneerü maʼin waaʼin, woonoole sümaa tü nümakat Jesuu. Waaʼinrüle tia, taasheena waya mapeena suulia tü kaainjalaakat jee tü outaakat (paashajeʼera Roma 8:1, 2, 20, 21, TNM). Sünain tü wane ekirajaayakat, wekirajaajeerü anain tü waaʼinrajatkat süpüla kojutuinjachin Jeʼwaa watuma waneepia sükajee tü waaʼinrakat, süka jamüin, niain taashin atuma waya.