Watta saalii wayuu oonooka sümaa tü sümakat tü Bibliakat, sutuma tia ooʼulaashii naya suulia alerajaa wayuu. Watüjaapejeʼe saaʼu nnojoleerüin wountuin wamüiwaʼa wajaʼlajeʼerüin tü alerajaakat wayuu. ¿Ajaʼlajaweetche shia mapeena?

Isasü nachiki na sülaülashiikana mma najaʼlajeʼerüin tü alerajaakat wayuu jee wanaawain tü jülüjaakat naaʼin na wayuukana. ¿Eejeetche wanee aluwataaya ajaʼlajeʼereetka tia?

Anuu tü aainjünüinjatkat süpüla sajaʼlajaain tü alerajaakat wayuu:

1. 1. Aʼwanajaainjatü tü jülüjakat waaʼin nachiki na waneinnua jee tü wakuwaʼipat namaa.

2. 2. Nnojoluinjatü mojuin naaʼin na wayuukana sutuma nalerajünüin.

3. 3. Chi aluwataainjachikai nnojotsü nülerajüinjatüin wayuu jee nnojotsü koʼuinjatüin nukuwaʼipa sümüin wayuu.

4. 4. Paaʼinwainjana na wayuukana sainküin mmakat.

Süküjain tü Bibliakat nukumajüin sukuwaʼipa Jehová süpüla naaʼinrüinjatüin tia süka niainjachin aluwataain saaʼu wayuu (Lucas 4:43).

Anuu tü saaʼinrajatkat tia aluwataayakat.

Na wayuukana nayaawateerü aaʼu tü lotookalü akuwaʼipa (ISAÍAS 26:9).

«Jimatüsü naaʼin wanee wayuu sutuma tü lotookalü akuwaʼipa; aneerü naaʼin süpüla kaʼikat süpüshuaʼa sümaa nnojoleechin mmoluin nia» (ISAÍAS 32:17).

¿Jamaluʼulu shia? Nuluwataapa Maleiwa ekirajüneena na wayuukana sünain kasa lotusü, nayaawateerü saaʼu tü anakat jee tü mojukat. Aʼwanajaajeerü tü jülüjakat waaʼin nachiki na waneinnua otta aijeena wapüla na wayuukana süka watüjaain saaʼu anain maʼin tia.

«Meerü nülaʼajaakai saaʼin Maleiwa naʼwüira naya wayuukana, nnojoleerü outaa, nnojoleerü mojuu aaʼin, nnojoleerü aʼyalajaa jee nnojoleerü saalin wanee kasa. Alatüitpa tü kasa müliapuʼukalü atuma waaʼin» (APOCALIPSIS 21:4).

¿Jamaluʼulu shia? Nuluwataapa Maleiwa najaʼlajeʼereerü süpüshuaʼa tü kasa müliakalü atuma saaʼin wayuu. Nnojoleerü jülüjain naaʼin na wayuukana tü kasa mojusü aainjünapuʼukat namüin.

«Nnojoleerü süsalain saainjala wayuu nutuma sünainjee tü kasa niʼrakat jee nnojoleerü nüchiaain wayuu sünainjee tü pütchi naapakat yalapünaa. Wanaaweerü sukuwaʼipa nutuma tü kasa naaʼinrajatkat süsalapa naainjala na müliakana, loteerü nutuma sukuwaʼipa nachiaaya na wayuu anamiakana saaʼu tü mmakat» (ISAÍAS 11:3, 4).

¿Jamaluʼulu shia? Aluwataajeechi Jesucristo nutuma Maleiwa saaʼu tü Mmakat, nnojoleerü koʼuin nukuwaʼipa sümüin wayuu jee loteerü sukuwaʼipa tü kasakalüirua nutuma. Nnojoleerü kojutuin nümüin Jesús wanee mma suulia wanee jee oonoojeena na wayuukana sainküin mmakat sümaa tü nuluwataakalü anain.

Nuluwataapa Maleiwa anajiraajeena na wayuukana, aijiraajeena naya jee paaʼinwajiraajeena naya sünain tü naaʼinrakat sümaa tü jülüjakat naaʼin (FILIPOS 2:2).

¿Jamaluʼulu shia? Na wayuu nuluwataakana aaʼu Maleiwa paaʼinwajiraajeena naya napüshuaʼa jee wanaaweerü tü jülüjakat naaʼin süka aijiraain naya.