¡EEJA WAAʼIN! Nuum. 1, 2024 | ¿Kojutusüche wamüin wayuu?
Nnojoluitpa kojutuin wayuu atumawaa. Palitchon na wayuu kojutukana amüin na waneinnua.
Ponusü saaʼin wayuu shiʼrüle kojutuin atumawaa na waneinnua. Eeshii na mojutukana amüin nashi, nei, wayuu laülaayuu, pulusiia, nalaamain otta na wayuu ekirajakana suluʼu koleejia. Eeshii na mojutukana amüin na waneinnua sutuma tü nashajakat suluʼupünaa redes sociales. Saashin tü karaloʼutakat Harvard Business Review «akooʼomüinraashii maʼin na mojutukana amüin wayuu. Kakaliairü maʼin müliain saaʼin wayuu sutuma mojutuin wayuu atumawaa», müsü tia rewiisütakat.
¿Kojutushiiche wamüin na waneinnua?
Paashajeʼera jamüin anakaʼa kojutule wamüin na waneinnua otta tü paaʼinrajatka süpüla puuntuin tia.
¿Kojutusüche wamüin wakuwaʼipa?
Paashajeʼera tü sümakat tü Bibliakat süchiki tü waaʼinrajatkat süpüla kojutuin wamüin wakuwaʼipa otta nakuwaʼipa na waneinnua.
¿Kojutusüche wamüin wapüshi?
Talateerü naaʼin wanee wayuu sümaa nuʼwayuuse otta nüchonnii kojutujiraale naya.
¿Kojutushiiche waya wamüinjiraa?
Kojutushi wanee wayuu nümüinjiraa jee talatüsü naaʼin sutuma naaʼinrüin tü sümakat tü Bibliakat.
¿Kojutusüche wamüin wayuu?
Paashajeʼera süchiki jamüin kojutujiraainjatka wayuu otta süchiki tü naaʼinrakat na aküjaliikana pütchi nüchiki Jehová süpüla müin sukuwaʼipa wayuu.
