¡EEJA WAAʼIN! Nuum. 2, 2020 | Jaʼraisü pütchi süchiki jamüin weʼraka müliaa
Eʼrawaishii waya wamüliala wapüshuaʼa, eeshii müliale waya sutuma wanee ayuulii, sutuma pasiruwaain waya, sukutkujaain mma jee süsetüle wüin otta eesü shiale sutuma joouluin tü mojulaasükalüirua.
Natüjawee aaʼu na wayuukana jamüin sülatawaika tia namüin.
Eeshii eekai aleinjatüin nakuwaʼipa naashin otta nnojotsü kasakainjatüin shia natuma.
Eetaashii na anoujakana sünain tü kanüliakat karma. Naashin nayakana, eʼrüshii waya wamüliala saalinjee waaʼinrüin kasa mojusü süpülapünaa wayuuin waya jee shiale süchikijee joʼuuin waya.
Na wayuu eʼrakana müliaa, natüjawee aaʼu jamüin sülataka tia namüin, nnojotpejeʼe jaʼralüin aküjain shia namüin.
Tü sunoujakalü anain wayuu
Jülüjataa paaʼin tü sunoujakalü anain wayuu süchiki jamüin müliaka waya.
1 ¿Niache Maleiwa kasitka müliain wayuu?
Wainma wayuu emeejünaka sükajee tü alawaa ekirajünakat nüchiki Maleiwa. ¿Jaratkaʼa tü shiimainkat nüchiki Maleiwa?
2 ¿Wayache kasitka müliain waya?
Wayaleje kasirüin tia, wountuinje’e wajaʼttirüin tü wamülialakat.
3 ¿Jamüshiiche müliaka na wayuu anamiakana?
Aküjünüsü tia suluʼu tü Wiwüliakat.
4 ¿Nukumajüinche waya Maleiwa süpüla weʼrüinjanain wamüliala?
¿Kasache anaka aluʼu anain maʼin tü Mmakat nutuma Maleiwa sümaa müliain maʼin waya suluʼu?
5 ¿Ajaʼtteetche tü wamüliainkat soʼu wanee kaʼi?
Aküjünüsü suluʼu tü Wiwüliakat najaʼttireerüin Maleiwa tü wamüliainkat.
Eere süküjünüin tü anakat süpüla paaʼinrüin
Müle mepikai saaʼin tü alatakat wamüin, anuu waneirua pütchi akaalinjeenaka waya.
