1 ¿Niache Maleiwa kasitka müliain wayuu?
¿Jamüsü watüjaainjatka saaʼu tia?
Nialeje Maleiwa kasirüin müliain wayuu, «shiajaʼa mata nnojotka sürütkaweein wayuu nünainmüin» müshiijeʼe waya.
Jülüjataa paaʼin tüü
Wainma shikiipüʼü iküleesia ekirajaka sünain niain Maleiwa kasirüin müliain wayuu. Naashin nayakana...
-
... eesü sukutkujaale tü Mmakat jee süsetüle wüin süka kasalajanain saainjala wayuu nutuma Maleiwa.
-
... outushii na tepichicheinkana süka choʼujaain naya nümüin Maleiwa chaa iipünaa.
-
... nükaalinjain Maleiwa na surulaatkana sünain tü atkawaakat.
¿Shiimainchejeʼe tü namakat na shikiipüʼükana iküleesia nüchiki Maleiwa? ¿Jama nnojoire eein chi Maleiwakai namaa?
PÜTÜJEERE SOOʼOMÜIN
Pünaja suluʼu jw.org tü videokot ¿Jamüshii wekirajaainjanaka sünain tü Wiwüliakat?
Tü sümakat tü Wiwüliakat
Nnojoishi niain kasirüin Maleiwa müliain wayuu
Nnojorüleejaʼa süpüla müliain wayuu nutuma Maleiwa. Anuʼusa sünüiki tü Wiwüliakat nüchiki:
«Anashaatasü tü naaʼinrakat, [...] matüjainsai nia aainjaa kasa mojusü, lotusü nukuwaʼipa» (DEUTERONOMIO 32:4).
«Nnojorüleejaʼa süpüla naaʼinrüinjatüin chi Maleiwa shiimainshikai wanee kasa mojusü süka lotuin maʼin nukuwaʼipa sümüin wayuu» (JOB 34:10).
«Lotusü maʼin nukuwaʼipa chi Maleiwa Pülashikai maʼin» (JOB 34:12).
Niyoutashaatain Maleiwa tü iküleesia eere shikirajünüin alawaa nüchiki
Jamüshijaʼa nia, niyoutashaanain na ekirajakana sünain niain kasirüin müliain wayuu otta niyoutuin tü iküleesia eere anashiin sümüin wayuu tü atkawaakat jee tü mojulawaakat.
«Alawaa neʼe tü namakat na tanüikimaajanayaakana, kanüikiyaashi taya natuma. Nnojoishii tajünalain. Nnojoishii taluwataalain, nnojoishi taya aashajaain namaa. Tü naküjakat, neʼrayaain neʼe, [...] nakumala neʼe suluʼu naaʼin süpüla nemeejüin wayuu süka» (JEREMÍAS 14:14).
Nüküjain Jesuu piamain noʼupünaa na anoujayaakana nünain Maleiwa
«Mayaasüje, ‹Senyotkalee, kojutüshi pia watüma› jümüin tamüin, müleka nnojorule jaaʼinrüin tü nüchekakat jüpüleerua chi Tashikai chakai iipünaa, nnojoleena ekerotüin jia chaʼaya eemüinre nuluwataain. Je soʼuweena tü kaʼi süsaleetkat oʼu wayuu saainjala nütüma Maleiwa, meerü wayuu wainma tamüin: ‹Senyotkalee, ¿nnojotsü shiimüin sünain laülaain waya pütüma sünain waküjapüʼüin pünüiki, sünain wayuʼlapüʼüin yolujaa süleʼeruʼujee wayuu, je sünain waaʼinrapüʼüin tü kasa anasü nütüjakat apüleerua Maleiwa nümüiwa?›. Otta tayakai, meechi taya namüin: ‹Jia kaainjaraliikana, ¿joujanakai jia teʼraajüin? Juʼuna yaajee toulia›» (MATEO 7:21-23).
Eesüjaʼa kamalainjeerüle pümüin aashajeʼeraa tüü
SUSOUTAKA EʼIPAJEE TÜ BIBLIAKAT
¿Niache Maleiwa kasitka tü müliaakat?
Eʼrüsü müliaa wayuu süpüshuaʼa, jaʼitainna na aʼyataashiikana nümüin Maleiwa. ¿Jamüshii neʼraka müliaa?
AAPIRIA WAYUU
Tü müliaakat: ¿niache Maleiwa kasitka shia?
¿Süsalasüche wayuu saainjala nutuma Maleiwa sükajee ayuulii, süsetüin wüin jee sükajee wawai?
