Pütchi anainjatka atuma wakuwaʼipa
Anuu sünüiki Rani *: «Eesü mojule maʼin taaʼin sutuma tü kasa alatakat, jouluin maʼletsee, ayuulii, atkawaa jee müliain na tepichikana atumawaa, tatüjaapejeʼe saaʼu sunoutajeerüin tia mapeena».
Talatüsü maʼin saaʼin Rani sutuma shikirajaain sünain tü Nünüikikat Maleiwa, chi kanainjeejachikai tü kekiiwaakat, chi Miyoʼushikai saaʼu kasa süpüshuaʼa. Anuu tü kasa anasü piʼreetkat paaʼinrüle tü sümakat karaloʼutakat tüü:
Aneerü pukuwaʼipa sümaa püpüshi.
Aneerü pukuwaʼipa namaa na waneinnua.
Talateerü paaʼin.
Piyaawateerü saaʼu jamüin müliaka jee outaka wayuu.
Pütüjaajeerü saaʼu süchiki tü kasa anasü eeinjatkat mapeena.
Piʼraajeerü nukuwaʼipa chi Kakumajalakai wayuu jee paʼaleewainjeechi nia.
Wanee kasa piyaawateetka aaʼu paashajeʼerüle karaloʼutakat tüü, shia nnojoluin koʼuin nukuwaʼipa Maleiwa sümüin wayuu, kekiijeechin nutuma chi achajaakai nüchiki.
^ püt. 2 Aʼwanajaanüsü waneirua anüliee.
