Weʼraaja nukuwaʼipa Maleiwa süpüla waʼaleewain nia
Anasü maʼin nukuwaʼipa chi Kakumajalakai waya. Keeʼireesü naaʼin weʼraajüinjatüin nukuwaʼipa jee waʼaleewainjachin nia (Juan 17:3, TNM; Santiago 4:8). Müsüjeseʼe nüküjain wamüin suluʼu tü Bibliakat süchiki nukuwaʼipa.
Kanüliashi chi Kakumajalakai waya
«Süpüla sütüjaainjatüin aaʼu wayuu, piain neʼe pümüiwaʼa chi Miyoʼushikai saaʼu tü mmakat süpüshuaʼa, piakai chi kanüliakai Jeʼwaa» (SALMO 83:18).
Süküjain tü Bibliakat niain Jeʼwaa chi Maleiwa pülashikai maʼin, nukumajala süpüshuaʼa tü kasakalüirua jee nia chi shikiishikai tü kataakalü oʼuu. Niainjachi neʼe waʼwaajaka nümüiwaʼa (Alateetkat Mapeena [Apocalipsis] 4:11).
Aisü wayuu nüpüla Jeʼwaa
«Aipürai wayuu Maleiwa» (1 JUAN 4:8, TNM).
Eesü süpüla weʼraajüin tü nukuwaʼipakat Jeʼwaa sükajee tü Bibliakat jee tü kasa nukumajalakat. Aipürai maʼin nia, süpüshuaʼa tü kasa naaʼinrakat shia sünainjee aipüralin maʼin nia. Weʼraajüle maʼin tü nukuwaʼipakat Jeʼwaa aijeechi maʼin nia wapüla.
Nülatirüin Jeʼwaa saainjala wayuu
«Pia wanee Maleiwa alatirakai saainjala wayuu» (NEHEMÍAS 9:17).
Nütüjaa aaʼu Jeʼwaa waleʼeruʼuin tü kaainjalaakat. Nülatirüin Jeʼwaa saainjala wayuu müleka nayaawajaale suulia jee nachajaale sukuwaʼipa süpüla nanouteʼerüin tü kasa mojusü naaʼinrakat. Nülatirapa Jeʼwaa waainjala, nnojotsü jülüjakuʼu müin shia naaʼin süpüla süsalainjanain waya nutuma (Salmo 103:12, 13).
Naapüin Jeʼwaa nanüiki na wayuu oʼuraajakana nümüin
«Pejeshi Jeʼwaa nanain napüshuaʼa na achajaakana nüchiki, [...] Naapeerü nanüiki nachuntapa kaalinwaa nümüin» (SALMO 145:18, 19).
Nnojotsü choʼujaain waaʼinrüin wainma kasa jee eeinjatüin wamaʼana wanee ayaakuaa süpüla woʼuraajüin nümüin Jeʼwaa. Naapüin wanüiki maʼaka naapüin wanee wayuu nanüiki nüchonnii.
Eesüjaʼa kamalainjeerüle pümüin aashajeʼeraa tüü
SUSOUTAKA EʼIPAJEE TÜ BIBLIAKAT
¿Jarai chi kanüliakai Jehová?
¿Waneesia neʼe tü pueulo kamaakat Maleiwa, maʼaka natuma na israeliitakana?
SUSOUTAKA EʼIPAJEE TÜ BIBLIAKAT
¿Aisüche wayuu nüpüla Maleiwa mayaapejeʼe pülain nia?
Saashin tü Bibliakat nukumajala Maleiwa süpüshuaʼa kasa süpüshuaʼa süka pülashin maʼin nia. ¿Kapülashiiche waya naaʼin?
