PÜTCHI SÜNAINKA SÜTA TÜ REWIISÜTAKAT
¿Jarai chi wayuu kanüliakai Moisés?
¿Kasa antaka suluʼumüin pikii paapüle süchiki nünülia Moisés?
-
Wanee jintüi apütünakai sutuma nii suluʼu wanee anuachon shiroku tü süchikikat Nilo.
-
Wanee wayuu washitkai maʼin sutuma süchonyaain nia tü nüchonkat Faraón. Akatsaʼa nnojoluin motuin naaʼin israeliitain nia.
-
Wanee wayuu arüleejüipuʼukai chayaa Madián soʼu pienchi shikii juya.
-
Wanee wayuu yootokai nümaa Jeʼwaa * süʼütpaʼa wanee wunuʼu chuwatsü.
-
Wanee wayuu achuntakai nümüin chi sülaülakai Egipto nüjütüinjanain na israeliitakana.
-
Wanee wayuu aküjakai süchiki poloosü kasa mojusü.
-
Wanee wayuu nekiipüʼükai na israeliitakana nojuʼitapa Egiptojee.
-
Wanee wayuu akumajaakai atuma wanee wopu pasanainpünaa sünain tü palaa Ishosükat.
-
Wanee wayuu nuluwataakai Maleiwa sünain aapaa namüin na israeliitakana tü Poloosükat Pütchi.
NAAINJÜIN Moisés süpüshuaʼa tia. Müshijeseʼe kojutüin maʼin nia natuma na nikirajüinkana Jesuu, na judíokana otta na musulmanes münakana.
Wainma kasa pülasü naainjaka Moisés nutuma Maleiwa (Deuteronomio 34:10-12). Mayaainjeʼe naainjüin tia; wayuu neʼe nia maʼaka waaʼin wayakana otta waneeinnua wayuu nünüikimaajanakana Maleiwa (Santiago 5:17). Mayaapejeʼe sülatüin nümüin Moisés tü kasa mojusü alatakat wamüin maaʼulu, eejiraashi nia sümaa.
¿Pütüjawee aaʼu jamüin sukuwaʼipa nutuma? Naainjüin apünüinsü kasa. Jooʼu wekirajaain sünain süpüla washatüin shia nünainjee.
^ püt. 7 Jeʼwaa nünülia Maleiwa saashin tü Wiwüliakat.
