AAPIRIA WAYUU Juulioʼu 2013 | ¿Eesüche wanee iküleesia ekirajaka tü shiimainkat?
Wainma na wayuu nnojoliikana anoujüin sünain wanee iküleesia, süka mojuin nakuwaʼipa sutuma. Eesü wanee iküleesia ekirajaka tü shiimainkat.
PÜTCHI SÜNAINKA SÜTA TÜ REWIISÜTAKAT
¿Jamüsü pütüjaainjatka saaʼu tü sümakat wanee iküleesia?
Acheküsü pütüjaain saaʼu wanee kasa suluʼule pia wanee iküleesia; tü iküleesiakat süpülajatü anain punoula sutuma otta süpülajatü puʼttaainjachin.
PÜTCHI SÜNAINKA SÜTA TÜ REWIISÜTAKAT
¿Shiimainche tü iküleesia kachiiruakalü aaʼin nneerü?
Jülüja paaʼin tü aainjünakat suluʼu tü iküleesia piʼraajakat. ¿Apüleeruaanüsü naaʼin na wayuukana süpüla nasülajüinjanain nneerü? ¿Pansaasü tia sümaa tü sümakat tü Wiwüliakat?
PÜTCHI SÜNAINKA SÜTA TÜ REWIISÜTAKAT
¿Shiimainche tü iküleesia sünainpünaakat atkawaa?
Niʼiküin Jesuu na nikirajüinkana sünain aijiraainjanain naya. ¿Saainjüinche tia tü iküleesiakalüirua?
PÜTCHI SÜNAINKA SÜTA TÜ REWIISÜTAKAT
¿Shiimainche tü iküleesia nnojotkat wulein akuwaʼipa?
Eetaayaai süntapünaain sünain nakuwaʼipa tü anoujaakat. ¿Aisü nümüin Maleiwa waainjüle wanee kasa mojusü?
PÜTCHI SÜNAINKA SÜTA TÜ REWIISÜTAKAT
¿Eesüche wanee iküleesia ekirajaka tü shiimainkat?
¿Saʼalainpalaichi pia wanee iküleesia? Eesüjaʼa süpüla nnojoluin jamajatüin pümüin puʼunüin suluʼumüin wanee iküleesia. Pikirajaale sünain tü Wiwüliakat, pütüjaajeerü aaʼu tü shiimainkat.
Jekechi naʼakain na Laülaashii Jülüjakana Aaʼin na Aküjüliikana Pütchi sainküin Mma
Aküjünüsü sünain nüneekünüin Mark Sanderson settienpüroʼu 1 soʼu 2012 süpüla naʼakain nia na Laülaashii Jülüjakana Aaʼin na Aküjüliikana Pütchi sainküin Mma.
¿Joujaleerü sajaʼttinnaka tü kasakalüirua?
¿Kasa apansaajünaka wamüin süchiki tü nümakat Jesuu suluʼu Mateo 24 otta 25?
«Shiimüin sünain jümaainjachin taya waneepia»
Aashajaashi Jesuu süchiki süpünajünüinjatüin trigo, sajaʼapülaainjatüin otta sukotchojünüinjatüin. ¿Jamüsü süpansaajia wamüin tü watüjaakalü aaʼu süchiki sükalia tü trigokat süpüla shiʼyonoojünüin?
Nüneeküin Jesuu palitchon wayuu süpüla naapüin tü choʼujaakat sümüin sunoula wainma wayuu
¿Nüneeküinche Jesuu jaraliinjanain aapaka tü choʼujaakat sümüin nanoula na anoujüshii eejanakana nakalioʼu na aluwataaushiikana? ¿Jaralii nüneekaka maaʼulu?
¿Jarai chi achepchiee oonookai otta kekiikai maʼin?
Sünain ekirajaayakat tüü, apansaajünüsü wamüin tü watüjaakalü aaʼu nüchiki chi achepchiee oonookai otta kekiikai maʼin. Makalaka watüjaainjatüin saaʼu jaralin chi achepchiee nüneekakai Jesuu. Süka jamüin, kateerü woʼu waneepia otta aleeweena waya nümaa Jeʼwaa.
Susouktaka eʼipajee tü Wiwüliakat
Nachajaain maʼin sukuwaʼipa na wayuukana süpüla nnojoluin laülaain jee ouktüin naya. Amüla neʼe tia.
