¿Kasa eeka süpüla wachuntuin nümüin Maleiwa?
Susoutaka eʼipajee tü Bibliakat
Eesü süpüla wachuntuin nümüin Maleiwa kasa eekai eein wanaapünaa sümaa tü nüchekakat wapüleerua suluʼu tü Bibliakat. Müsü tü Bibliakat: «Wachuntüle nümüin [Maleiwa] tü nüchekakat wapüleerua, jaʼitairü wachuntüin kasa eekai eein, watüjaa aaʼulu sünain naapüin wanüiki» (1 Juan 5:14, 15). Eesü süpüla waküjain nümüin tü shapaakalü atuma waaʼin. Saashin tü Bibliakat, anasü waküjale nümüin Maleiwa süpüshuaʼa tü alatakat wamüin, müsü shia: «Jüküja nümüin [Maleiwa] tü shapaakalü atuma jaaʼin» (Salmos 62:8).
Anuu tü eekat süpüla wachuntuin nümüin Maleiwa:
Kooʼomüinjatüin sütsüin wanoula (Lucas 17:5).
Eeinjachin waaʼu chi naaʼinkai süpüla nükaaliinjain waya sünain aaʼinraa tü kasa anasükat (Lucas 11:13).
Katchinjatüin waaʼin süpüla eejiraain waya sümaa tü alatakat wamüin otta tü ooʼulakünakalü aka waaʼin (Filipos 4:13, TNM).
Anainjatüin waaʼin jee nnojoluinjatüin shapaain waaʼin (Filipos 4:6, 7).
Kekiinjanain waya süpüla anainjatüin sukuwaʼipa tü kasa waneekakat (Santiago 1:5).
Wousütüinjatüin sünain tü kasa choʼujaakat wamüin (Mateo 6:11).
Motuinjatüin naaʼin Maleiwa tü waainjalakat (Mateo 6:12).
Eesüjaʼa kamalainjeerüle pümüin aashajeʼeraa tüü
AAPIRIA WAYUU
¿Kasa paaʼinrajatka süpüla naapajüin Maleiwa pünüiki?
Eeshii süpüla woʼuraajüin nümüin Maleiwa eepünaale waya jaʼitairü jiattain jee emetuluin wanüiki otta nükaalinjeena waya Jesús süpüla anainjatüin wanüiki.
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Naapüinche Maleiwa sünüiki süpüshuaʼa wayuu suʼuraajapa?
¿Naapeetche nünüiki wanee wayuu kapülakai aaʼin nukuwaʼipa neʼe nümüiwaʼa? ¿Naapeetche nünüiki wanee wayuu müliaka atuma saaʼin nuʼwayuuse?
SUSOUTAKA EʼIPAJEE TÜ BIBLIAKAT
¿Naapüinche Maleiwa sünüiki wayuu süpüshuaʼa?
Pikirajaa sünain tü kasa nnojotkat naapüin Maleiwa namüin na achuntakana nümüin otta jaraliin na naapakana anüiki.
SHIKIRAJAKA ANAIN TÜ BIBLIAKAT
Jamüsü sukuwaʼipa tü ekirajawaakat
Pikirajaa sünain tü Bibliakat, nnojoishi awalaajüinjachin pia.