Oñepyrũvo ko áño 2023, enterovévante jahupytyse álgo iporãmíva ñandéve g̃uarã ha ñane hentekuérape g̃uarã. ¿Mbaʼérepa ikatu jaʼe ñaneraʼarõha iporãva?

 La Bíbliape oñemombeʼu umi provlemaita jarekóva koʼág̃a sapyʼaiterãnteha ha opa potaitemaha pára siémpre. La Biblia ningo ojeskrivi vaʼekue voi ñanerekomboʼe ha ñanekonsola hag̃ua, “ha upéva omeʼẽ ñandéve esperánsa” (Romanos 15:4).

•   Reikuaave hag̃ua mbaʼe mbaʼépa la Biblia opromete, eleemína pe artíkulo hérava “La esperanza real de un mañana mejor”.

 Pe esperánsa omeʼẽva la Biblia haʼe “peteĩ ánkla ñande rekovépe g̃uarã” (Hebreos 6:19). Upe esperánsa ñanepytyvõ ñambohovái porã hag̃ua ñane provlemakuéra, ñandepositívo hag̃ua ha javyʼa hag̃ua toiko la oikóva. Por ehémplo:

•   Ehechamína mbaʼéichapa pe esperánsa omeʼẽva la Biblia oipytyvõ peteĩ kuimbaʼépe oheja hag̃ua ivísio: Ambyasy umi mbaʼe ajapo vaʼekue.

•   Ehechamína mbaʼéichapa pe esperánsa omeʼẽva la Biblia oipytyvõ umi oĩvape de duélo: Konsuélo oiméramo omano ndehegui peteĩ rehayhúva.

 Heta oĩ heʼíva: “Hiʼãite ningo osẽ porãmba chéve la ajaposéva”. Upéicharõ jepe, la majoría ndorekovéima esperánsa oikotaha álgo iporãmíva. Péro la Biblia heʼíva si o si oñekumplíta. ¿Mbaʼérepa jaʼe upéva? Pórke Ñandejára Jehová a la opromete vaʼekue, ha haʼe ndaikatúi ijapu (Tito 1:2). Jehová añoite la ikatúva okumpli entéro mbaʼe oprometéva, haʼe ikatu “ojapo opa mbaʼe oipotáva” (Salmo 135:5, 6).

 Roipotaite ningo ndéve avei nepytyvõ pe esperánsa omeʼẽva la Biblia. ¿Reikuaasépa mbaʼépa rejapo vaʼerã upearã? Heʼiháicha Hechos 17:11-pe, tekotevẽ ‘rehesaʼỹijo porã Ñandejára Ñeʼẽ’. Rejapo hag̃ua upéva, ikatu restudia orendive la Biblia gratiete. Péicha, oñepyrũ rehe voi ko áño 2023, ¡erekótama esperánsa!