Julio de 2022-pe, hetaiterei tirotéo oiko ko múndo tuichakuére:

•   “Ojejuka rire pe ymave haʼe vaʼekuépe primer ministro Japónpe (Shinzo Abe), enterovéva opyta vaieterei ha oñesorprendeterei, umi oikóva ótro paíspe entéro. Koʼýte pórke Japónpe ndoikoguasúi koʼãicha mbaʼe ha según pe léi, ndaikatúi oimeraẽvante oreko árma” (10 de julio de 2022, The Japan Times).

•   “Umi oikóva Dinamárcape opyta okyhyjepa: peteĩ kuimbaʼe oike shopping-pe ha ojuka mbohapy persónape ármape” (4 de julio de 2022, Reuters).

•   “Peteĩ kuimbaʼe oike peteĩ bárpe, ojapi umi héntepe ha 15 voi omano (Soweto, Sudáfrica)” (10 de julio de 2022, The Guardian).

•   “Peteĩ fin de semánape, mas de 220 persóna omano tirotéope Estados Unídospe” (5 de Julio de 2022, CBS News).

 ¿Opánepa koʼã mbaʼe vaiete? ¿Mbaʼépa heʼi la Biblia?

 La Biblia ohechauka porã jaikomaha umi ára pahápe, upévare oĩ hetaite persóna isalváheva ha ndoponderáiva hapicháre (2 Timoteo 3:1, 3). Ha oiko rupi hetaite mbaʼe vai, enterovévante opyta okyhyjepa (Lucas 21:11). Péro la Biblia heʼi avei koʼã mbaʼe opataha, ha koʼẽrõitéma jaikotaha “peteĩ lugár oĩháme pyʼaguapy”. Upe tiémpope ñande rogakuéra ‘isegúro porãta ha umi lugárpe ikatúta ñaĩ trankílo ha japytuʼu’ (Isaías 32:18). ¿Mbaʼéichapa oñekumplíta koʼã mbaʼe?

 Ñandejára oñenkargáta anivéma hag̃ua oĩ iñañáva ni árma.

•   “Umi hénte iñañáva katu oñehundíta, umi itraisionérova omanóta, ni hendague ndopytamoʼãi” (Proverbios 2:22).

•   “Ndaiporimoʼãvéima ni peteĩ gérra ko yvy ape ári, pórke Ñandejára omopẽ umi flécha ha umi lánsa, ha ohapy umi kárro ojepurúva gerrahápe” (Salmo 46:9).

 Ñandejára omboʼéta la héntepe oiko hag̃ua pyʼaguapýpe, péicha ndaiporimoʼãvéima ivioléntova.

•   “Ñandejára montáñape ndojejapomoʼãi mbaʼeve ivaíva ni ndojeperhudikamoʼãi avavépe. Ko yvy henyhẽta Jehová konosimiéntogui, pe mar henyhẽháicha ýgui” (Isaías 11:9).

•   Koʼág̃ama voi, Ñandejára omboʼe hína hetaiterei persónape ani hag̃ua iviolénto ni oipuruse árma. Jaʼe porãséramo g̃uarã, omboʼe chupekuéra ojapo hag̃ua “ijespádagui arádo” ha ilánsagui “erramiénta ojepoda hag̃ua” (Miqueas 4:3).

 ¿Reikuaasépa mbaʼéichapa ikatúta jaiko kyhyjeʼỹme según la Biblia? Ehechamína pe artíkulo hérava “¿Es posible librarse del miedo?”.

 Reikuaaséramo mbaʼépa la oñekotevẽva jaiko hag̃ua pyʼaguapýpe pára siémpre, ikatu relee pe artíkulo hérava “¡Por fin paz en la Tierra!”.