Umi notísiape oñehendu meme oĩha gérra, hénte heʼíva kósa ivaíva hapicháre ndochaʼéi rupi hese, térã omaltratáva ótrope idiferénte rupi chugui.

•   “Koʼág̃arupi mas ke núnka oĩ heʼíva kósa ivaíva hapicháre umi rred sosiálpe. Koʼýte oiko upéva pe gérra de Israel ha Gaza káusare, ha avei oñemboliga rupi la héntepe iviolénto hag̃ua ha ndochaʼéi hag̃ua hapicháre” (The New York Times, 15 de noviembre de 2023).

•   “Pe 7 de octubre guive haʼete ko múndo derrepentete okambiáva, amás día oĩve ndochaʼéiva hapicháre, oñeʼẽ vaíva hese ha iviolentoitereíva” (Dennis Francis, presidénte pe Asamblea General de las Naciones Unidaspegua, 3 de noviembre de 2023).

 Ymaiterei guivéma ningo oĩ umi gérra, hénte ndochaʼéiva ojuehe, heʼíva kósa ivaíva hapicháre ha iviolentoitereíva. La Biblia heʼi voi koʼãichagua hénte ohaimbeʼeha ijuru ha ‘umi fléchaicha oapuntaha umi mbaʼe vai heʼíva’, heʼi avei haʼekuéra oñorairõsehánte voi ha iviolentoitereiha (Salmo 64:3; 120:7; 140:1). Péro la Biblia oexplika avei mbaʼérepa koʼág̃arupi oĩ hetave ndochaʼéiva hapicháre.

 ¿Mbaʼérepa koʼág̃arupi mas ke núnka oĩ ndochaʼéiva hapicháre? La Biblia omombeʼu oĩha 2 rrasón.

1.  1. Oprofetisa og̃uahẽtaha peteĩ tiémpo oĩtahápe heta umi iñañáva, ha upéicha rupi ‘hetaiterei hénte outaha ndojoayhuvéi’ (Mateo 24:12). Ko múndope umi hénte oñekomporta lája, nomokyreʼỹiete voi avavépe ojoayhu hag̃ua, síno omboliga enterovépe ndochaʼéi hag̃ua ojuehe (2 Timoteo 3:1-5).

2.  2. La Biblia heʼi: “Ko múndo kompletoite oĩ pe aña poguýpe” (1 Juan 5:19; Apocalipsis 12:9, 12). Upévare jaʼekuaa Satanás káusare hetaiteve oĩha ndochaʼéi formálva hapicháre, haʼe ningo iñañaiterei ha siémpre ivaívante voi ojapo.

 Péro la Biblia omombeʼu avei Ñandejára koʼẽrõitéma ohundietetaha pe ódio. Ha ndahaʼéi voi upévante, avavéma ndosufrimoʼãvéi pe ódio káusare. La Biblia opromete:

•   “Ñandejára omokãmbaitéta umi hénte resay, ha ndaiporimoʼãvéima omanóva, oñelamentáva, hasẽva ni hasýva. Umi mbaʼe oiko vaʼekue yma opáma” (Apocalipsis 21:4).