El 27 de enero de 2023, heta persóna ogueromanduʼáta pe Día Internacional en Memoria del Holocausto. Ohasámarõ jepe 75 áño oiko hague ko mbaʼe vaiete, oiméne nde reñeporandu mbaʼérepa upérõ Ñandejára opermiti umi nazi ojuka hetaite héntepe (upe oiko vaʼekuépe oñehenói Holocausto).

•   Reikuaa hag̃ua mbaʼépa la Biblia heʼi ko témare, elee pe artíkulo “¿Por qué sucedió el Holocausto judío? ¿Por qué Dios no lo impidió?”.

 Umi judío heta osufri vaʼekue pe Holocáustope. Umi nazi odiseña voi peteĩ plan ojuka hag̃ua hetaitereípe, millónespe voi. Péro ndahaʼéi chupekuéra añónte la ojepersegi ha ojejukáva péicha. Oĩ hetave grúpo de persóna osufríva pe Holocáustope, umíva apytépe oĩ vaʼekue umi testígo de Jehová. Chupekuéra ojepersegi kuri umi mbaʼe ogueroviávare.

•   Eikuaave hag̃ua ko témagui, elee pe artíkulo “¿Qué les ocurrió a los testigos de Jehová durante el Holocausto?”.

 Heta hénte okyhyje oiko jeýramo g̃uarã peteĩ jejuka guasu, oiko haguéicha umi nazi tiémpope. Péro tuicha ñandepyʼaguapy jaikuaávo la Biblia heʼiha koʼã mbaʼe koʼẽrõitéma opaitetaha.

•   “Jehová heʼi: ‘Che aikuaa porã mbaʼépa ajapóta penderehehápe. Ameʼẽta peẽme pyʼaguapy ha ndaguerumoʼãi pende ári mbaʼeve ivaíva, péicha perekóta esperánsa ha peneraʼarõta heta mbaʼe porã’” (Jeremías 29:11). a

 Ko esperánsa porãite oñekumplíta Jehová ohundiete vove umi iñañávape ha osolusiona vove entéro umi mbaʼe vai ojejapo vaʼekue. Koʼẽrõitéma Ñandejára:

•   Oipeʼaitéta ko yvýgui umi iñañávape ha oporoperhudikávape (Proverbios 2:22).

•   Ombopyʼaguapýta entéro umi osufrívape ha hasypeve opáta la ikevrantokuéra (Apocalipsis 21:4).

•   Omoingove jeýta ko yvy ape ári umi omano vaʼekuépe (Juan 5:28, 29).

 Ikatu rejerovia oñekumplitaha katuete ko esperánsa porãite omeʼẽva la Biblia. ¿Mbaʼérepa jaʼe upéva? Retopa hag̃ua la rrespuésta eike ko páhinape ha péicha reikuaavéta ore kúrso bíblicogui.