La Biblia ohechauka Armagedón haʼetaha peteĩ gérra mundiál oñorairõtahápe entéro umi goviérno umáno ha Ñandejára. Ndahaʼéi peteĩ gérra michĩva oikótava peteĩ hendápente.

•   “Koʼã profesía añetehápe ou umi demóniogui, ha entéro umi rréi ko yvy arigua ohendu umíva […] ombyaty hag̃ua umi rréipe pe gerrarã oikótava Ñandejára Todopoderóso ára guasúpe. […] Koʼã profesía ombyaty umi rréipe pe lugár héravape idióma hebréope Armagedón” (Apocalipsis 16:14, 16).

 Pe palávra “Armagedón” ou peteĩ palávra hebrea heʼisévagui “Montáña de Meguidó”. Meguidó haʼe vaʼekue peteĩ siuda oĩva Israel yma guarépe. Upévare oĩ ogueroviáva pe Armagedón oñepyrũtaha Israélpe. Péro ni Meguidó ni ótro lugár oĩva pe Oriente Médiope ndahaʼéi la tuichaitereíva ijapa hag̃uáicha “entéro umi rréi ko yvy arigua” ha ijehersitokuéra.

 Lívro de Apocalípsispe ojeskrivi ‘umi mbaʼe oikótava umi visión rupive’ ha sapyʼánte ojeskrivíramo jepe peteĩ mbaʼe, orrepresenta hína ótra kósa (Apocalipsis 1:1). Por ehémplo, heʼívo Armagedón noñeʼẽi hína peteĩ lugár físikore, síno upéicha oñehenói pe situasión oikótavare ko múndo tuichakuére. Upérõ entéro umi país oñembyatýta oñemoĩ hag̃ua Ñandejára goviérno kóntrape (Apocalipsis 19:11-16, 19-21).