El 24 de Febrero, pyharevete koʼẽ ládo, Rusia oike Ucrániape unos kuánto militár reheve. Hiʼarive heta persóna, umíva apytépe umi governantekuéra, oñehaʼãmbaite kuri ani hag̃ua oiko upéva. ¿Mbaʼeichaite pevépa ko oikóva hína ikatu oafekta la héntepe? António Guterres, pe secretario general de las Naciones Unidas, heʼi kuri péicha: “Ndaikatúi ni ñañeimahina mbaʼeichaite pevépa ko provléma operhudikáta ha ombosufríta umi hénte oikóvape Európape ha opa lugárupi. Entéronte opytáta okyhyjepa”.

•   Jesucristo heʼi vaʼekue voi: “Peteĩ país opuʼãta ótro país rehe, ha umi goviérno opuʼãta ojuehe” (Mateo 24:7). Eleemína pe artíkulo hérava “¿Cuál es la señal de ‘los últimos días’ o de ‘los tiempos finales’?”. Pépe rehecháta mbaʼéichapa umi gérra oikóva ohechauka oñekumpliha la Jesús heʼi vaʼekue.

•   Lívro de Apocalipsis omombeʼu oĩha peteĩ ohóva “peteĩ kavaju pytãitéva ári” ha orekóva autorida “oipeʼa hag̃ua pe pyʼaguapy ko yvy ape árigui” (Apocalipsis 6:4). Upéva orrepresenta umi gérra oikóva. Eleemína pe artíkulo hérava “¿Mbaʼépa osignifika umi kavaju arigua?”. Pépe rehecháta mbaʼérepa ikatu jaʼe ko profesía oñeʼẽha umi gérra koʼag̃aguáre.

•   Lívro de Daniélpe oñemombeʼu “pe rréi del nórte” ha “pe rréi del sur” oñorairõtaha oñondive (Daniel 11:25-45). Ehechamína pe vidéo ¿Mbaʼéichapa oñekumpli umi profesía oĩva Daniel 11-pe? Pépe rehecháta mbaʼérepa ikatu jaʼe Rusia ha umi omoirũva chupe haʼeha pe rréi del nórte. a

•   Pe lívro de Apocalípsispe ojeʼe avei oikotaha peteĩ gérra “Ñandejára Todopoderóso ára guasúpe” (Apocalipsis 16:14, 16). Péro ko gérra ndahaʼemoʼãi umi jahechavaichagua koʼág̃arupi, oñorairõhápe yvyporakuéra jeýnte. Eleemína pe artíkulo hérava “¿Qué es el Armagedón?”, reikuaa porãve hag̃ua mbaʼépa oikóta hína amo gotyove.

•   La Bíbliape, Ñandejára heʼi amo gotyove ‘ndaiporimoʼãveimaha ni peteĩ gérra ko yvy ape ári’ (Salmo 46:9). Eleemína pe artíkulo hérava “La esperanza real de un mañana mejor” reikuaa hag̃ua mbaʼe mbaʼépa opromete Ñandejára amo gotyove g̃uarã.

•   Jesús heʼi vaʼekue ñañemboʼe jave jajerure hag̃ua Ñandejárape togueru Irréino (Mateo 6:9, 10). Upe Rréino haʼe hína peteĩ goviérno oĩva yvágape, oñenkargátava oñekumpli hag̃ua Ñandejára volunta ko yvy ape ári, ha Ñandejára oipota ñande jaiko pyʼaguapýpe. ¿Mbaʼépa avei Ñandejára Rréino ojapóta nderehehápe? Reikuaa hag̃ua upéva, ikatu rehecha ko vidéo hérava ¿Mbaʼépa hína Ñandejára Rréino?

 Ucrániape oiko mas de 129.000 testígo de Jehová. Entéro umi ótro testígoicha haʼekuéra oiko Jesús oiko haguéicha, upévare noñentremetéi polítikape ni ndohói gerrahápe (Juan 18:36). Umi testígo de Jehová oĩva ko yvy tuichakuére, omombeʼu entéro persónape Ñandejára Rréino añoite osolusionataha umi provlemaita oĩva ko múndope, ha upévape oike hína umi gérra (Mateo 24:14). Ndegustáramo, ikatu reñekomunika orendive reikuaasérõ mbaʼéichapa la Biblia omeʼẽ ñandéve esperánsa.