El 24 de mayo de 2022 oikomi peteĩ mbaʼe ndevaipa jepéva. Según pe diário The New York Times, siuda de Uváldepe, oĩva Texas Estados Unídospe, peteĩ mitãrusu oike armádo peteĩ eskuéla primária héravape Robb ha ojuka 19 alumnítope ha mokõi profesórpe.

 Ñambyasýramo jepe koʼãichagua notísia pyʼỹinte ñahendu jepi. Pe diário USA Today heʼi Estados Unídospente voi “oĩ hague 249 tirotéo pe áño pasádo. Upe sífra hetave umi oiko vaʼekuégui umi ótro áñope, por lo méno 1970 guive”.

 ¿Mbaʼérepa oiko koʼã mbaʼe vaiete? ¿Mbaʼéichapa ikatu ñambohovái koʼã situasión ñande reja vaietéva? ¿Opánepa algún día umi hénte ivioléntova? La Biblia orrespondepaite koʼã porandu.

•   La Biblia oñeʼẽ ñane tiémpore ha heʼi jaikoha “umi ára pahápe”. Koʼã tiémpope umi hénte ‘isalváhe’ ha ojapo voi umi mbaʼe ñaimoʼãʼỹva oporoperhudika hag̃ua, ha ndahaʼéi voi upévante, haʼekuéra “oho vai vaive vaʼerã” (2 Timoteo 3:1-5, 13). Eleemína ko artíkulo eikuaave hag̃ua ko témagui: “¿Predijo la Biblia cómo sería la gente en nuestros días?”.

 Heta hénte oñeporandu: “¿Mbaʼére piko Ñandejára opermiti oiko koʼãichagua desgrásia?”. Eikuaa hag̃ua la rrespuésta elee pe artíkulo hérava: “¿Mbaʼérepa umi hénte ivuénova jepe osufri?”.

•   “Entéro mbaʼe ojeskrivi vaʼekue yma Ñandejára Ñeʼẽme, ojeskrivi ñanerekomboʼe hag̃ua. Ñandejára Ñeʼẽ ñanekonsola [...] ha upéva omeʼẽ ñandéve esperánsa” (Romanos 15:4).

 Umi konsého porã oĩva la Bíbliape ñanepytyvõ ñaaguanta hag̃ua ko múndo iviolentoitévape. Ehechamína mbaʼépa heʼive rrevísta ¡Despertad! ko témagui, heʼihápe: “¿Acabará algun día la violencia?”.

 Tuakuéra ikatu otopa konsého iporãva oipytyvõ hag̃ua ifamília michĩvape ani hag̃ua oafektaiterei chupekuéra umi notísia vai, umi mbaʼe ohecháva térã ohendúva, elee pe artíkulo hérava: “El efecto de las noticias en los niños”.

•   “Heta hénte osufri umi governánte iñañáva poguýpe, péro pe rréi osalváta chupekuéra” (Salmo 72:14).

•   “Umi hénte ojapóta ijespádagui arádo, ha ilánsagui ojapóta erramiénta ojepoda hag̃ua. Umi tetã ndohupimoʼãvéima ijespáda ótro tetã kóntrape, ha noñemboʼemoʼãvéima chupekuéra mbaʼéichapa oñorairõ vaʼerã” (Miqueas 4:3).

 Ñandejára ikatu ojapo la yvyporakuéra ndaikatúiva ojapo. Ñandejára Rréino ogovernáta yvága guive, haʼe ohundíta umi armakuéra ha ndaiporimoʼãvéima mbaʼeveichagua violénsia. Ehechamína mbaʼéichapa Ñandejára Rréino ojapóta upéva, elee pe artíkulo hérava: “El Reino de Dios traerá ‘paz en abundancia’”.