El 19 de mayo de 2022, 75 funsionário iñimportánteva heʼi pe Consejo de Seguridad de la ONU-pe: “Pe COVID-19 ha umi kámbio klimátiko káusare ijakásoma voi la tembiʼu. Péro pe gérra de Ucrania oempeorave la situasión ko múndo tuichakuére”. Upe riremínte, peteĩ rrevísta heʼi avei: “Ko múndo hetaitereíma voi iprovléma, péro pe gérra káusare hetavétantema umi hénte ndorekóiva la hoʼu vaʼerã” (The Economist). La Biblia heʼíma vaʼekue voi oĩtaha peichagua situasión ñane tiémpope. Péro avei ohechauka mbaʼépa ikatu ñanepytyvõ ko situasiónpe.

•    Jesús heʼi vaʼekue: “Peteĩ país opuʼãta ótro país rehe, ha umi goviérno opuʼãta ojuehe. Avei oĩta ñembyahýi” (Mateo 24:7).

•    Apocalípsispe, la Biblia oñeʼẽ 4 kavaju ariguáre. Peteĩva orrepresenta pe gérra. Upéva rapykuéri oho ótro orrepresentáva pe ñembyahýi. Upéva heʼise og̃uahẽtaha peteĩ tiémpo ijetuʼutahápe umi héntepe okonsegi hag̃ua la hoʼu vaʼerã ha hepyetereitaha la tembiʼu. La Biblia heʼi: ‘Ahecha peteĩ kavaju hũ, ha pe oguapýva hiʼári oguereko ipópe peteĩ valánsa. Ha ahendu peteĩ heʼíva: “Peteĩ kílo trígo oñemeʼẽ un día de traváho repykuére, ha mbohapy kílo seváda un día de traváho repykuére”’ (Apocalipsis 6:5, 6, Ñande Ruete Ñeʼẽ Bíblia).

 Koʼã profesía oñekumpli hína ñane tiémpope, ha la Biblia ohenói ko tiémpope ‘umi ára paha’ (2 Timoteo 3:1). Eikuaave hag̃ua mbaʼépa heʼi la Biblia umi ára paháre ha umi 4 kavaju ariguáre, ehecha pe vidéo hérava Ko múndo okambiaite 1914 guive, ha elee pe artíkulo hérava “¿Mbaʼépa osignifika umi kavaju arigua?”.

•    La Bíbliape jatopa heta konsého iporãitereíva ikatúva ñanepytyvõ ivai jave la situasión, por ehémplo, saʼieterei jave la tembiʼu térã hepyetereíramo. Eleemína pe artíkulo hérava “Cómo vivir con menos”, ehecha hag̃ua unos kuánto ehémplo.

•    La Biblia omeʼẽ avei ñandéve esperánsa ha opromete ko situasión okambiataha. Heʼi og̃uahẽtaha peteĩ tiémpo ‘ko yvy oprodusi porãitereitahápe’ ha enterovévape hembypáta la hoʼu vaʼerã (Salmo 72:16). ¿Mbaʼérepa ikatu rejerovia ko promésare? Eikuaave hag̃ua ko témagui, elee pe artíkulo hérava “La esperanza real de un mañana mejor”.