Ko yvy tuichakuére hetaiterei persóna osufri umi inundasión káusare. Jahechamína por ehémplo koʼã notísia:

•   “Umi día ohasa vaʼekuépe, pe kapitál de Chínape tuichaiterei oky kuri, ojapóma 140 áñorupi ndokýi hague peichaite peve [...]. Pe sábado guive miércoles peve, oky 744,8 milímetro” a (AP News, 2 de agosto de 2023).

•   “Pe jueves, sur de Japónpe, ou kuri peteĩ tifón hérava Khanun, 2 día de segídoma tuichaiterei oky hague ha umi yvytu hatãiterei. Mokõi persónama omano upéva káusare. [...] Ha ojekalkula pe kordilléra sentrál de Taiwánpe pe y ohupytytaha 0,6 métro” b (Deutsche Welle, 3 de agosto de 2023).

•   “Canadápe, pe Mar Atlántico gotyo, ou kuri tuichaiterei oky. Ojapóma ningo 50 áño la ndokýi hague peichaite. Ha upéva káusare pe fin de semána oñeinunda kuri [Nueva Escocia]” (BBC News, 24 de julio de 2023).

 ¿Mbaʼépa heʼi la Biblia koʼã mbaʼe oikóvare?

 La Bíbliape heʼi jaikoha peteĩ tiémpo oñehenóivape ‘umi ára paha’ (2 Timoteo 3:1). Jesús heʼíma vaʼekue voi, ñane tiémpope jahechataha “heta mbaʼe oporomongyhyjéva” (Lucas 21:11). Pe kámbio klimátiko káusare koʼág̃arupi pyʼỹive jahecha oikoha umi desástre naturál, umíva derrepentete ikatu oiko ha amás día imbareteve. Ha entéro koʼã mbaʼe añetehápe haʼe peteĩ mbaʼe oporomongyhyjéva.

 Oikóramo jepe heta mbaʼe oporomongyhyjéva, la Biblia ohechauka ikatuha jareko esperánsa. ¿Mbaʼérepa jaʼe upéva? Jesús heʼi vaʼekue: “Pehecha vove oikoha koʼã mbaʼe, peikuaáke Ñandejára Rréino og̃uahẽ mbotaitemaha” (Lucas 21:31; Mateo 24:3).

 Entéro umi mbaʼe oikóva koʼág̃a, ohechauka koʼẽrõitéma Ñandejára Rréino oguerekotaha ipoguýpe pe naturalésa, umíva apytépe pe síklo del água (Job 36:27, 28; Salmo 107:29).

 Reikuaasevéramo mbaʼépa ojapóta Ñandejára Rréino osolusiona hag̃ua koʼã provléma, ehecha pe artíkulo hérava “¿Quién salvará el planeta?”.