Ko múndo tuichakuére hetaiterei héntepe norrendíri ipláta og̃uahẽ hag̃ua fin de mes peve ha amás día ijetuʼuve ohóvo.

•   Peteĩ infórme mundiál a ramoite ojejapo vaʼekue heʼi pe pláta oganáva umi hénte ndovaleveieteha, ha káda día saʼive mbaʼéma ikatuha ojogua itraváho repykuére. Heʼi avei nokambiáiramo ko situasión, ojekuaavetaha la diferénsia umi irríkova umi imboriahúvagui ha hetaitereive família oiko asyvetaha ohóvo.

 ¿Ikatúta piko umi goviérno osolusiona térã omehoramie jepe ko situasión ekonómika ijetuʼuetéva?

 La Biblia ohechauka oĩha peteĩ goviérno ikatúva ha osolusionátava voi umi provléma ekonómiko, umíva apytépe pe diferénsia oĩva umi irríkova umi imboriahúvandi. La Biblia heʼi: “Ñandejára omoĩta peteĩ rréino”, upéva heʼise peteĩ goviérno añónte ogovernataha ko múndo tuichakuére (Daniel 2:44). Pe goviérno poguýpe avave ndopytamoʼãi tesaráipe (Salmo 9:18). Ñandejára goviérno ojaseguráta ikatu hag̃uáicha entéro persóna oĩva ipoguýpe oiko vyʼápe ha oreko opa mbaʼe oikotevẽva. Ha enterovénte ipyʼaite guive odisfrutáta itravahokuégui (Isaías 65:21, 22).