Vída vegána: ¿Mbaʼépa heʼi la Biblia?
Ko múndo tuichakuére hetaiterei persónape ointeresa ko téma.
Pe Sosieda Vegána heʼi: “Umi vegáno odesidi mbaʼéichapa oipurúta hekove ha mbaʼéichapa opensáta. Ore rojapo ikatúva guive roprotehe hag̃ua animalkuérape. Ndoroʼúi animál roʼo ni mbaʼeveichagua prodúkto oúva umi animálgui, ndoroipurúi ao térã kualkiér ótra kósa ojejapóva kon algún materiál oúva umi animálgui ha umícha”.
Oĩ umi odesidíva oiko chugui vegáno ohayhúgui animalkuérape, ótro katu ojepyʼapýgui ñane planétare, omehoraségui isalu, térã irrelihionkuéra káusare.
Pe Akadémia británica heʼi: “Peteĩ vegáno ndahaʼéi odesidíva osegi peteĩ diéta reínte, oike avei pe persóna ogueroviáva, opensáva ha ojapóva. Opensa hikuái péicha káda persóna ikatuha omehora ko múndo”.
Péro, ¿añetehápepa péicha ikatúta ojesalva ñane planéta? ¿Mbaʼépa heʼi la Biblia?
Mbaʼépa opensa Ñandejára umi persónare ha animalkuérare
La Biblia heʼi ñande Apohare Jehovápe a g̃uarã iñimportanteveha umi persóna umi animálgui. Haʼe heʼi kuri Adán ha Évape oreko hag̃ua umi animál ipoguypekuéra (Génesis 1:27, 28). Upéi Ñandejára opermiti umanokuérape hoʼu umi animál roʼo (Génesis 9:3). Upéicharõ jepe Ñandejára ndoipotái oñemaltrata umi animálpe (Proverbios 12:10).
La Biblia ohechauka káda uno jadesidi vaʼerãha jaʼútapa térã ndajaʼumoʼãipa soʼo. b ¿Orekópa enkuénta Ñandejára mbaʼépa jadesidi ko témare ñandeguerohory hag̃ua? Nahániri (1 Corintios 8:8). Ñande jarrespeta vaʼerã káda uno odesidíva, ha ndajaikói vaʼerã jakritika avavépe (Romanos 14:3).
Mbaʼéichapa oñesolusionáta umi provléma oĩva ko múndope
La Biblia ohechauka porã ke la solusión umi provlémape nodependeiha la ñande jadesidívare. Heta mbaʼe vai ningo oiko pe polítika káusare, umi provléma ekonómiko káusare térã umi hénte káusare, ha umíva ndaikatumoʼãi ñarremedia. La Biblia heʼi:
“Peteĩ mbaʼe ikarẽma guive ndaikatuvéima emboderécho jey” (Eclesiastés 1:15).
Ñande Kreadór si ikatu osolusiona umi provléma jarekóva koʼág̃a. La Bíbliape oñemoĩ voi peteĩ komparasión oñemombeʼu hag̃ua ñandéve mbaʼépa Ñandejára ojapóta.
Apocalipsis 21:1 heʼi: “Ahecha peteĩ yvága pyahu ha yvy pyahu, pórke pe yvága ha pe yvy yma guare ohasáma”.
Pe “yvága pyahu” haʼe Ñandejára goviérno oĩva yvágape, ko goviérno ohundíta umi goviérno koʼag̃agua ha avei umi hénte iñañávape. Upéicharõ Ñandejára ogoverna vove, ko yvýpe opytáta umi hénte iñeʼẽrendúva ha ojapóva iporãva añoite.
Jaiko vove Ñandejára Rréino poguýpe umi hénte ha animalkuéra oikóta oñondive pyʼaguapýpe, ha ñane planéta oĩ porãmba jeýta (Isaías 11:6-9).
a Ñandejára héra Jehová (Salmo 83:18).
b La Biblia heʼi “pemboykete pe tuguy” (Hechos 15:28, 29). Ko téxto heʼíva ohechauka porã ndovaleiha jaʼu tuguy térã animál roʼo ndojehuguyʼói vaʼekue, ndovaléi avei jaʼu mbaʼeveichagua tembiʼu orekóva tuguy.
Koʼã téma ikatu ndegusta avei
ÑEMAÑAHA
¿Ohundítapa yvyporakuéra ko yvy?
La Biblia opredesíma vaʼekue ko yvy oñembyaitaha ohóvo, péro heʼi avei mbaʼéichapa oñesolusionáta.
UMI MBAʼE IÑIMPORTANTEVÉVA OMBOʼÉVA LA BIBLIA
¿Mbaʼérepa Ñandejára ojapo ko yvy?
Ko ñande yvy ningo iporãiterei. Ñandejára omoĩ chupe medidaitépe pe kuarahýgui, ha ojapo chupe ojere hag̃uáicha medídape porã avei. ¿Mbaʼérepa Ñandejára hetaite ombaʼapo ojapo porã hag̃ua ko ñane planéta?
LA BIBLIA OMBOʼÉVA
Eikuaave ore kúrsogui
Eaprende la Biblia omboʼéva por téma ko kúrso rupive. Ndojekovrái mbaʼevete ha peteĩ Testígo nepytyvõta.
