Ojapóma mas de 130 áño umi testígo de Jehová oñembyatyha káda áño ojapo hag̃ua umi aty guasu tres diagua. Umívape ojejapo jepi mas de 40 diskúrso, oĩ avei heta músika, entrevísta ha vidéo. Ikatu hag̃uáicha ko prográma ideprovécho ha omokyreʼỹ umi oĩvape upépe, tekotevẽ haʼekuéra “ohecha ha ohendu” porã koʼã mbaʼe (Lucas 2:20). Tahaʼe haʼéva la lugár ojejapohápe koʼã aty guasu, tuichaiterei ikatu oipytyvõ umi héntepe. ¿Mbaʼéichapa ojepuru hína ne kontrivusionkuéra ojehupyty hag̃ua upéva?

 Heta estádio ha polideportívo oĩva umi país Occidentálpe orekóma voi umi ekípo de áudio ha vidéo. Ojealkiláramo jepe koʼãichagua lugár, umi testígo de Jehová oipuru umi ekípo haʼekuéra voi orekóva. ¿Mbaʼérepa? David, ombaʼapóva pe Departaménto de Broadcasting oĩva sentrál mundiálpe, heʼi: “La majoría umi lugár ojealkiláva noĩri preparádo oñehendu porã hag̃uáicha peteĩ prográma mas de 6 órare, koʼýte peteĩ térã hetave persóna oñeʼẽramo peteĩ platafórma guive. Por ehémplo, umi lugár ojehugahápe algún depórte ojepuru jepi umi parlánte oñeanunsia hag̃ua algúna kósa térã oñehenduʼimi hag̃ua músikante. Umi téle guasúpe katu ojehechauka mávapa ogana térã operde hína, oñembohasa propagánda térã ojerrepeti jey algúna hugáda. Ñande katu jahechauka umi vidéo ipukuvéva, upévare jaipota umíva ha umi mbaʼe ojeʼéva pe platafórma guive oñehendu ha oñentende porã”.

 Káda lugár ojeelehíva ojejapo hag̃ua umi aty guasu tres diagua idiferénte, upévare avei pe sistéma de áudio ha videopegua ojadapta vaʼerã. Una ves ke ojeporavo pe lugár, pe Departaménto de Broadcasting oĩva pe sukursálpe ohecha moõpa oguapýta umi hénte, orekóvo enkuénta mboy persónapa ojekalkula ohotaha ha avei la kapasida orekóva upe lugár. Upéi umi ermáno okalkula mbaʼe partetépa oñemoĩta umi parlánte ha umi téle guasukuéra, ha ohecha mbaʼeichaitépa oñekonektáta umíva, avei oanota mbaʼe mbaʼépa oikotevẽta hikuái ha upéi omonumerombaite. Péicha oasegura hikuái ojehecha ha oñehendu porãtaha pe prográma.

 Pe aty guasu ojetradusítaramo diferénte idiómape, pe sistéma ojepurúva áudio ha vidéope g̃uarã helikadove. Káda ermáno otradusítava umi diskúrso ohecha ha ohendu vaʼerã pe prográma. Ha la ojetradusíva guive oñembohasa vaʼerã diferénte emisóra de rrádiope, umi oĩva guive pe auditóriope ohendu hag̃ua iñidiomaitépe. Peteĩ komputadóra espesiál rupive oñembohasa umi vidéo, ikatu hag̃uáicha enterovetéva ohecha la mísma kósa, péro la heʼíva ikatu oñehendu 8 diferénte idiómape. David heʼive: “Pe komputadóra espesiál ijetuʼueterei ojepuru hag̃ua, upévare umi ermáno oĩva enkargádo orresivi vaʼerã heta entrenamiénto”.

 La majoría umi sukursál orekóma voi peteĩ ekípo de áudio ha vidéo ojepurúva jepi káda áño. Upéicha jave umi ermáno oñenkarga ogueraha hag̃ua pe ekípo kompletoite peteĩ asambléagui ótrope. Por ehémplo, sólo pe sukursál oĩva Estados Unídospe oipuru mas de 200.000 dólar a ogueraha hag̃ua koʼã ekípo umi asambléape g̃uarã. Ha ojegastáramo jepe upéva, saʼi jey upe kantida oñekomparáramo la ojegastátavare ojejogua ha oñemantene hag̃ua umi ekípo ipyahúva. Ojejapórõ guare peteĩ asambléa Canadápe, Steven, oñenkargáva pe áudio ha vidéore, heʼi: “Ore ekípo oñehaʼãmbaite ani hag̃ua ofalta ni peteĩ torníllo, kávle, tuérka ni mbaʼeveichagua párte pe ekípogui. Káda parteʼi jepe oñeñatende porã, oñekonta ha oñeñongatu porã ikatu hag̃uáicha ojepuru jey ótra asamblearã”.

 Ojealkila hag̃ua umi ekípo áudio ha vidéope g̃uarã hepyeterei jepi, ha umíva majórmente naiporãi térã ndoikoguasúi. Upévare ikuentave ojejoguánte la ekípo oñekotevẽva. Koʼag̃aite peteĩ pantálla higánte LED ojepurúva umi lugár oñembotyhápe, ijyvatéva 5 métro ha ipéva 3 métro, ohupyty 24.000 dólar rupi, ha peteĩ kávle ipukúva 15 métro ojepurúva peteĩ mikrófonore, ohupyty 20 dólar rupi. Upévare Departaménto de Broadcasting ombaʼapo Departaménto de Kómpra ndive ‘okalkula hag̃ua mboýpa ogastáta’ ojejogua mboyve oimeraẽ ekípo (Lucas 14:28). Por ehémplo, oñeporandu hikuái: ¿Mboy persónapepa oipytyvõta ojejoguáramo ko ekípo? ¿Okonvenivépa ojejoguáramo peteĩ ekípo ipyahuetéva? ¿Oĩtapa peteĩ lugár ikatuhápe oñeñongatu porã? ¿Ojeguerekópa umi erramiénta ha umi ermáno oñentrena porãvape ikatútava ojapo mantenimiénto koʼã ekípope?

 Ikatu hag̃uáicha odurave umi ekípo ha ojepuru porã hag̃ua umi kontrivusión, ojejapo meme mantenimiénto umi ekípope. Ha ojegueraháta jave umíva peteĩ lugárgui ótrope, ojepuru umi káha tuicha ha imbarete porãva, upéva oipytyvõ ani hag̃ua oñembyai pyaʼe umi ekípo. Ha avei tekotevẽramo, oñemyatyrõ koʼã káha.

 Umi ndahaʼéivape Testígo jepe osorprende la kalida orekóva umi áudio ha vidéo ojepurúva ñande aty guasuhápe. Por ehémplo, upéva la ohecharamoitereíva peteĩ karai ombaʼapóva peteĩva umi emprésa tuichavévape de áudio ha vidéope. Haʼe oponderaiterei la ojehechaukávare ha la kalida orekóvare umíva. Jonathan, oipytyvõ ha oñenkargáva pe áudio ha vidéore ñande aty guasúpe, heʼi: “Pe karaípe osorprendeterei ohechávo umi ombaʼapóva upépe ndahaʼeiha profesionál síno voluntárionte. Ha heʼi avei pe emprésa ombaʼapohápe otardaha jepi 5 día oinstalapa hag̃ua umi ekípo, ha ñane ermanokuéra katu ojapoha upéva un día imédiopente”. Ótro aty guasúpe, pe karai oalkiláva ñandéve pe lokál, heʼi: “Heta profesionál ombaʼapóva umi músika ha vidéore oúma koʼápe, péro koʼag̃aite peve ndahecháiva la péicha ombaʼapo porãva ha oikuaa porãva la ojapóva”.

 ¿Mbaʼéichapa ndéve nevenefisia pe sistéma de áudio ha vidéo ojepurúva ñande aty guasúpe? Ikatu oime reñeñandu David oikóva Inglatérrape oñeñanduháicha, haʼe heʼi: “Che ningo areko 88 áño, ha aikove aja pukukue hetaiterei aty guasúpema aha, péro koʼág̃a ifasileterei chéve añekonsentra ha añatende porã hag̃ua pe prográmare. Umi vidéo ningo iporãiterei, upévare haʼete pyaʼeterei opáva pe aty guasu ha oñentende porãiterei la oñemboʼeséva”. Peteĩ ermáno hérava Micheal, oikóva Nigériape, omombeʼu: “Koʼág̃a umi ermáno ikatu ohecha ha ohendu porãve umi diskursántepe ha avei umi vidéo. Péicha haʼekuéra ikatu oñatende porãve ha noñedeskonsentrái oimeháicha rei”.

 Ko áñope, reime vove pe aty guasu tres diaguápe hérava “¡Japredikákena umi notísia porã!”, iporãitereíta rejepyʼamongetáramo umi mbaʼe ojejapo vaʼekuére rehecha ha rehendu hag̃ua pe prográma. Roagradeseterei enterovépe umi kontrivusión pemeʼẽvare, umíva apytépe umi pejapo vaʼekue donate.pr418.com rupive. Upéicha rupi ikatu ojejapo entéro koʼã mbaʼe. ¡Grásiamante pendepojera haguére!