Umi mes de julio ha agosto de 2020-pe umi testígo de Jehová oĩva ko múndo tuichakuére ohecháta el mísmo prográma pe aty guasu 3 diaguápe g̃uarã. Upéva ningo primera ves la péicha ojejapo. Upearã umi diskúrso ha vidéo ojetradusi vaʼerã kuri mas de 500 idiómape. Oñeplanea ha oñetermina hag̃ua peichagua projékto ogueraha jepi un áño térã hetave. Péro pe pandémia de koronavírus káusare, umi otradusíva pe aty guasu 3 diagua 2020-pegua “¡Javyʼákena siémpre!”, oreko ménos de 4 mésente ojapopa hag̃ua upéva.

 Pe Departamento de Servicios de Traducción ha Departamento Mundial de Compras, oĩva sentrál mundiálpe, ombaʼapo kuri oñondive ko projékto tuichaitévape. Departamento de Servicios de Traducción ohechakuaa umi traduktorkuéra oikotevẽ hague hetave ekipamiénto ojapopa hag̃ua ko traváho, ha koʼýte umi mikrófono iporãva. Departamento Mundial de Compras ohecha ojejogua hag̃ua 1.000 mikrófono, ha omondo umíva haimete 200 lugárperupi.

 Ikatu hag̃uáicha ojeaorra, ojejogua umi mikrófono en kantida, oñemondopaite umíva peteĩ lugárpente ha upéi oñemog̃uahẽma umi traduktorkuérape oĩva ko múndo tuichakuére. Ojejogua rupi en kantida, káda mikrófono ovale 170 dólar rupi (1 millón de guarani rasami), ha upéva upe présiore ojeguerahakáma avei. Péicha ojejapo rupi osẽ varatove ha ojeaorra mas del 20 por siénto.

 Departamento Mundial de Compras ojogua ha oguerahaka koʼã mikrófono abril ha mayo de 2020 aja. Upe tiémpope ningo umi negosiokuéra ndaikatúi kuri ombaʼapo jepiveguáicha pe koronavírus káusare. Upéicharõ jepe, mayo pahárupi la majoría umi ofisína rremóta de traduksión, umi sukursál ha umi ótro lugár ojejapohápe pe traduksión orekopáma umi ekipamiénto oikotevẽva.

 Jay Swinney, oñenkargáva pe Departamento Mundial de Compras rehe, heʼi: “Ombaʼapo porãiterei kuri umi Departamento oĩva Betélpe ha umi negósio ojejogua haguégui koʼã mbaʼe. Jehová espíritu rupive añoite ikatu kuri oñekonsegi pyaʼeve ha varatove koʼã mbaʼe oñekotevẽva”.

 Nicholas Ahladis, ombaʼapóva Servicios de Traducciónpe, heʼi: “Umi traduktorkuéra oĩ vaʼekue en aislamiénto ovyʼaiterei kuri orresivírõ guare koʼã ekipamiénto pyahu. Ndaikatúiramo jepe ombaʼapo hikuái ijekípo de traduksión ndive en persóna, ikatu kuri otradusi ha ograva hikuái umi diskúrso, vidéo, ha músika mas de 500 idiómape”.

 Kóva ningo peteĩva umi projékto tekotevẽ vaʼekue ojejapo, ikatu hag̃uáicha enterove ermáno oĩva ko múndo tuichakuére oreko pe aty guasu 3 diagua 2020-pegua, hérava “¡Javyʼákena siémpre!”. Peẽ ningo pojerápe pemeʼẽ pene kontrivusión donate.pr418.com rupive, ha avei hetave hendáicha. Upéicha rupi ikatu kuri ojejogua umi ekipamiénto oñekotevẽva ojejapo hag̃ua ko projékto.