Pe aty guasu tres diagua áño 2020-pe guare haʼe kuri álgo istóriko, pórke primera ves ojegrava pe asambléa kompletoite enterovépe g̃uarã ha oñemoĩ Internétpe. Umi ñane ermanokuéra oĩva Malaui ha Mozambíquepe odisfruta avei la asambléa ndoguerekóiramo jepe Internet. ¿Mbaʼéichapa ikatu kuri ojehupyty upéva?

 Pe Komite de Koordinadór ha pe Komite de Enseñánsa del Kuérpo Governánte oaprova Malaui ha Mozambíquepe ko véspe oñetransmititaha téle ha rrádio rupive pe aty guasu tres diagua. ¿Mbaʼérepa tekotevẽ kuri ojejapo upéicha? Maláuipe ningo hepyeterei la Internet, ha upévare saʼieterei testígo de Jehová oguereko Internet hógape. William Chumbi oĩva pe komite de sukursál de Maláuipe heʼi: “Pe rrádio ha téle rupivémante umi ñane ermanokuéra ikatu kuri odisfruta pe aliménto espirituál”. Luka Sibeko oĩva avei pe komite de sukursál de Maláuipe heʼive: “Ndojepurúirire rrádio ha téle saʼieterei ermáno ikatúta kuri odisfruta pe asambléa porãite”. Mozambíquepe upéicha léntonte avei, saʼieterei ermáno ikatu ojogua peteĩ selulár térã távlet ohecha hag̃ua pe asambléa, ha menovéntema oguereko hag̃ua la Internet.

 Ko pandémia aja heta rrádio ha téle otransmitíma voi hína kuri ñane rreunionkuéra. a Ha koʼág̃a ñane ermanokuéra ojerure koʼã emisórape ikatúnepa avei otransmiti pe aty guasu tres diagua.

 Jahechamína koʼág̃a mbaʼépa oiko Maláuipe. Umi rrádio ha téle ojepokuaa jepi ombohasa sólamente una óra de programasión, pórke haʼekuéra heʼi ojehasáramo upéva ipukuetereitamaha ha omongaiguetamaha umi ohendúvape. Pe asambléa ipukuvéta rupi mas de una óra, umi ermáno oexplika chupekuéra umi ñane rembiapo oipytyvõha umi héntepe. Por ehémplo pe kuarenténa aja ikatu ohendu hikuái umi notísia porã oúva la Bíbliagui, ha péva ikatu oipytyvõ chupekuéra ovyʼave hag̃ua ifamíliape ha ojogueraha porã hag̃ua hapichakuérandi. Ohendúvo hikuái upéva, umi emisóra omeʼẽ permíso umi ermanokuérape ikatu hag̃uáicha otransmiti hikuái pe asambléa.

 Maláuipe peteĩ emisóra de rrádio ha peteĩ kanál de televisión otransmiti pe asambléa tres diagua. Upéicha pe asambléa ikatu kuri ovenefisia hetaiterei persónape. Mozambíquepe katu 85 emisóra de rrádio ha peteĩ kanál de televisión otransmiti pe aty guasu tres diagua.

 Oñetransmiti hag̃ua pe asambléa ojegasta kuri mas de 193 millón de guarani oñembohasa hag̃ua umi kanál de televisión rupive, ha haimete 137 millón de guarani oñetransmiti hag̃ua rrádio rupive koʼã mokõi paíspe. Umi présio oñetransmiti hag̃ua rrádio rupive ovariaʼimi kuri pórke odependeterei moõ pevépa ohupyty umi emisóra. Algúna emisórare ojepaga kuri 100.000 guaranírupi ha ótrore katu ojepaga haimete 19 millón de guarani.

 Ñane ermanokuéra oñatende porã mbaʼéichapa ojepurúta umi donasión. Por ehémplo Maláuipe umi emisóra ojapo chupekuéra 30 por ciento de deskuénto, upéva rupi ikatu kuri ojeaorra haimete 12 millón de guarani. Algúna emisóra oĩva Mozambíquepe katu omboguejy la iprésio oikuaa rupi testígo de Jehová iñonrradoha ha siémpre opagaha a tiémpo.

 Ñane ermanokuéra oagradeseterei ikatu haguére odisfruta pe aty guasu tres diagua oñembohasa rupi rrádio ha téle rupive. Patrick haʼéva ansiáno de kongregasión oĩva Maláuipe heʼi: “Roagradeseterei ningo pe Kuérpo Governántepe ikatu haguére ko vuéltape rohecha térã rohendu pe asambléa koʼã médio rupive”. Ótro ermáno oĩva avei Maláuipe hérava Isaac heʼi: “Rovyʼaiterei ikatu haguére oñetransmiti pe asambléa rrádio rupive pórke oréngo upévante la roguerekóva, upéicha rupi ikatu kuri rodisfrutapaite pe asambléagui che famíliandi. Péva ningo haʼe peteĩ rregálo ndaijojaháiva oúva Jehová organisasióngui ha ohechauka porãitereíva oréve mbaʼeichaitépa Jehová ohayhu ipuévlope”.

 Peteĩ puvlikadór oĩva Mozambíquepe oasisti primera ves peteĩ aty guasu tres diaguápe, ha haʼe heʼi: “Ahecha rupi pe asambléa téle rupive, chemomanduʼa Jehová haʼeha peteĩ Dios ipoderosoitereíva, pórke pe pandémia ndojokói chupe ikatu hag̃ua omeʼẽ oréve pe aliménto espirituál ore roikotevẽva, ha iporãveha katu ore rogaitépe voi. Ahecha porãiterei mbaʼéichapa Jehová siervokuéra ojoayhu ha péva chekonvense kóva haʼeha pe rrelihión verdadéra”.

 Peteĩ ansiáno de kongregasión hérava Wyson heʼi: “Aagradeseterei pe esklávo de konfiánsa ha iñarandúvape okuida porãiterei haguére orerehe ko pandémia aja. Ore ningo ndoroguerekoguasúi heta mbaʼe ha koʼárupi la hénte imboriahueterei. Upéicharõ jepe, ikatu kuri rodisfrutapaite pe aty guasu tres diagua oñembohasa rupi rrádio ha téle rupive”.

 Pe Komite de Koordinadór ha de Enseñánsa oaprova jey unos kuánto paíspe oñetransmititaha téle ha rrádio rupive pe aty guasu tres diagua áño 2021-pegua. ¿Mbaʼéichapa ojekuvri umi gásto ikatu hag̃uáicha péicha oñetransmiti pe asambléa? Ojejapo rupi umi kontrivusión pe óvra mundiálpe g̃uarã ojepurúvo umi diferénte método jatopáva pe párte heʼihápe donate.pr418.com. ¡Roagradeseterei ningo peẽme pendepojera haguére!