Éxodo 15:1-27
15 Upérõ Moisés ha umi israelita omombaʼeguasu Jehovápe ha opurahéi chupe péicha:+
“Apurahéita Jehovápe, pórke haʼe oñembotuicha oganávo iñenemigokuérape.+
Haʼe oity pe mar mbytépe umi kavaju ha umi ohóvape hiʼári.+
2 Jehová* hína upe chemombarete ha chembopoderósova, haʼe hína che salvadór.+
Haʼe ningo che Jára ha che túa Jára,+ che amombaʼeguasu+ ha ambotuicháta chupe.+
3 Jehová ningo peteĩ gerréro oñorairõkuaaitereíva,+ haʼe héra Jehová.+
4 Haʼe oity pe mar mbytépe faraón ehérsito ha umi ikárro de gérra.+
Umi soldadokuéra ipoderosoitévape ombojahoga pe Mar Rójope.+
5 Pe y ipochyetéva ojahoʼi chupekuéra, ha haʼekuéra oho pe y ruguápe itáicha.+
6 Jehová, nde ningo ndepoderosoiterei.*+
Ha ndepoderosoiterei rupi, nde Jehová ikatu rehundiete voi ne enemigokuérape.
7 Nde ndepoderosoiteve umi ótrogui, upévare ikatu rejapete yvýre umi opuʼãvape nderehe.+
Ndepochyeterei rupi rehundipa chupekuéra ojehapyramoguáicha kapiʼi pirukue.
8 Nde reipejuʼimínte ha pe y opytáma peteĩ hendápe peteĩ múroicha,pe y osyry vaʼekue opytaite peteĩ hendápe, haʼete voi ku ojejoko vaʼekue peteĩ rreprésape,pe y ipochyetéva opytaite peteĩ hendápe, haʼete voi ku oñekonhela vaʼekue.
9 Pe enemígo heʼi kuri: ‘¡Jaha katu hapykuerikuéra! ¡Jahupytýta katuete!
¡Jaipeʼapaitéta chuguikuéra la orekóva ha jajorrepartíta hese ñandekueraiha peve!
¡Ñanohẽta ñande espáda iváinagui, ha ñande porupiete ñahundíta chupekuéra!’.+
10 Nde reipejuʼimínte ha pe mar ojahoʼipaitéma chupekuéra,+plómoicha oho hikuái pe mar ipoderosoitéva ruguápe.
11 ¡Jehová, ndaipóri ningo ótro Dios ndeichagua!+
Ndaipóri ótro nderupyty vaʼerã tekopotĩ ha tekoporãme.+
Ndéve ningo opavave nembotuicha vaʼerã, ha opurahéi vaʼerã ndéve nemombaʼeguasu hag̃ua, pórke nde rejapo hína heta mbaʼe ijojahaʼỹva.+
12 Nde reipyso nde jyva derécha, ha pe yvy omokõ chupekuéra.+
13 Nde nembaʼeporãiterei rupi* regia nde puévlo resalva vaʼekuépe,+ha ndepoderóso rupi regueraha chupekuéra pe lugár sántope nde reikohápe.
14 Umi puevlokuéra oikuaáta umi mbaʼe rejapo vaʼekue+ ha okyhyjetereíta hikuái.
Umi filisteokuéra ipyʼa pererepáta okyhyjégui.
15 Upe tiémpope tuichaiterei oñemondýita umi héfe omoakãva* edomitakuérape.
Ha umi omanda guasúva Moábpe oryrýi osusũta okyhyjégui.+
Umi oikóva guive Canaánpe katu ikangypaitéta opytávo.+
16 Haʼekuéra okyhyjetereíta ha tuichaiterei oñemondýita.+
Itáicha okirirĩta ohechávo mbaʼeichaitépa nde ndepyapy mbarete,Jehová, péicha ningo haʼekuéra opytáta nde puévlo ohasapa peve iterritoriokuérarupi,ohasapa peve pe puévlo nde reiporavo vaʼekue.+
17 Nde regueraháta ha remoĩta chupekuéra ne montáñape,*+
upe lugár ningo ndete voi Jehová reprepara vaʼekue reiko hag̃ua,upe lugár sánto ningo nde, Jehová, nde porupiete rejapo vaʼekue.
18 Jehová ogovernáta opa árare, ogovernáta voi pára siémpre.+
19 Faraón soldadokuéra oĩva kavaju ári ha umi oĩva kárro de gérrape oikérõ guare pe márpe,+Jehová ombou hiʼarikuéra pe y.+
Péro umi israelita ohasa pe mar, yvy isekohárupi”.+
20 Upémarõ Míriam, Aarón ermána pe profetísa, ojagarra ombopu peteĩ panderéta,* ha umi ótro kuñanguéra osẽ avei ombopu ipanderéta ha ojeroky.
21 Ha Míriam opurahéi ha ombohovái umi kuimbaʼépe:
“Pepurahéi Jehovápe, pórke haʼe oñembotuicha+ oganávo iñenemigokuérape.
Haʼe ombojahoga pe márpe umi kavaju ha umi ohóvape hiʼári”.+
22 Upéi Moisés ogueraha umi israelítape pe Mar Rójogui, ha oho pe desiérto de Súrpe. Haʼekuéra oviaha 3 día pe desiértore, péro ndotopái la y.
23 Haʼekuéra og̃uahẽ pe lugár héravape Mará,*+ péro ndaikatúi hoʼu hikuái pe y upepegua pórke iro. Upéicha rupi haʼe ombohéra upe lugár Mará.
24 Upémarõ umi israelita oñepyrũ ojeplagea Moiséspe,+ ha heʼi: “¿Moõ piko ñakonsegíta la y?”.
25 Moisés ojerure asy Jehovápe oipytyvõ hag̃ua chupe,+ ha Jehová omondo Moiséspe ogueru hag̃ua peteĩ yvyramataʼi. Ha haʼe omombo upe yvyramataʼi pe ýpe, upéi pe y ndairovéima ha ikatúma hoʼu hikuái.
Upérõ Ñandejára oprova umi israelítape ohecha hag̃ua iñeʼẽrendútapa hikuái. Umi mbaʼe oiko vaʼekue ningo oservi chupekuéra de ehémplo ha opyta peteĩ léiramo.+
26 Upévare Ñandejára heʼi chupekuéra: “Che hína Jehová pende Jára, peẽ pehendu vaʼerã haʼéva peẽme, pejapo vaʼerã umi mbaʼe chéve g̃uarã oĩ porãva ha pekumpli vaʼerã umi léi ha mandamiénto ameʼẽva peẽme.+ Upéicha pejapóramo, namboumoʼãi peẽme umi mbaʼasy ambou vaʼekue umi egípciope,+ pórke che, Jehová, che hína upe penemongueráva”.+
27 Upe rire, haʼekuéra og̃uahẽ Elímpe, ha upépe oĩ 12 ykua yvu ha 70 palméra máta. Upémarõ opyta hikuái upe lugárpe.
Nóta
^ Hebréope: “Jah”. Péicha oñemombyky Jehová réra.
^ Hebréope: “nde po derécha ipoderosoiterei”.
^ Hebréope: “héke”. Umi héke haʼe vaʼekue umi kuimbaʼe omoakãva peteĩ trívu.
^ Hebréope: “ne erénsia montáñape”.
^ Peteĩ instruménto musikál ojoguáva tamborʼípe.
^ Heʼiséva: “Iróva”.
