2 Samuel 22:1-51
22 Jehová osalva Davídpe, Saúl ha iñenemigokuéragui,+ ha upe díape haʼe opurahéi+ Jehovápe ko músika.
2 Haʼe heʼi:
“Jehová ningo peteĩ lugár isegúro porãva, haʼete peteĩ kuéva tuicháva ikatuhápe ajeprotehe,+ haʼe siémpre chesalva.+
3 Che Jára ningo chéve g̃uarã haʼete peteĩ ita guasu,+ hendápe ikatu aha añemoʼã hag̃ua.
Haʼe hína che eskúdo+ ha che salvadór ipoderósova,* ha peteĩ lugár isegúrova.*+
Ñandejára, che ikatu adipara ne rendápe,+ nde ningo che salvadór,+ nde cheprotehe umi hénte iñañávagui.
4 Jehovápe ajerure ajúda ha haʼe chesalva che enemigokuéragui,Ñandejára añoite omerese adorasión.
5 Hetaiterei kuimbaʼe ndovaléiva mbaʼeverã ou chéve chemongyhyje peteĩ inundasióncha,+haʼete voi umi oláda guasu guasu oúva che ári chejuka hag̃ua.+
6 Pe Sepultúra* haʼete isãmbáva ha ou ojeliapa cherehe,+pe ñemano haʼete omoĩva peteĩ trámpa che renonderãme.+
7 Ahasa asýrõ guare ajerure Jehovápe chepytyvõ hag̃ua.+
Che Járape asegi ajerure asy ajúda.
Haʼe oĩ itémplope ha cherendu.
Haʼe ohendu la ajeruréva chupe.+
8 Upéi pe yvy oñepyrũ oryrýi,+pe yvága haʼete voi hoʼapátava,+oñepyrũ okachapa pórke Ñandejára ipochyeterei.+
9 Pe itĩ otimbopa,ijurúgui osẽ tatarendy ohundipáva oĩva guive haperãme,+ha tatapỹi osẽ chugui.
10 Haʼe oguejývo+ ogueru ipy guýpe umi arai hũ.+
Ha pe ára haʼete voi ojepepy ha hoʼapátava.
11 Ñandejára ojupi peteĩ keruvín*+ ári ha oveve oúvo,ojehecha ouha peteĩ ánhel+ pepo ári.*
12 Ñandejára oñemoʼã pytũmbýpe,ijerére iñypytũmba haʼete peteĩ técho guy, oĩ arai hũ oguerúva ama.+
13 Ijerére omimbipa ha oñepyrũ hendypa umi tatapỹi.
14 Jehová podér rupive osunu yvágape,+Ñandejára Ndaijojaháiva ñeʼẽ oñehendu hatãiterei opárupi.+
15 Haʼe opoi umi flécha+ ha ombodiparapa iñenemigokuérape,haʼe opoi umi rrájo ha sarambi ojapo hesekuéra.+
16 Pe mar hypa ha ojekuaapa pe mar rugua,+ko yvy simiénto jepe ojehechapa.
Pórke Jehová ipochyeterei, ha oipeju hatãiterei.*+
17 Yvága guive Ñandejára oipyso ipo,chejagarra ha cheguenohẽ pe y pypukúgui.+
18 Haʼe chesalva pe che enemígo+ ipoderosoitévagui.
Oĩ vaʼekue heta ndochaʼéiva cherehe ha haʼekuéra imbareteterei, péro Ñandejára chesalva chuguikuéra.
19 Ahasa asýrõ guare, haʼekuéra ou cheataka vaipaite,+péro Jehová oĩ kuri che ykére.
20 Haʼe chegueraha peteĩ lugár isegúro porãvape.+
Ñandejára cheguerohory, upévare chesalva.+
21 Jehová omeʼẽ chéve heta mbaʼe porã aiko rupi haʼe oipotaháicha.+
Ndajapói rupi mbaʼeve ivaíva,*+ haʼe chevendesi.
22 Che siémpre ajapo Jehová heʼíva,ha ndahejáiva che Járape, upéva ningo ivaietereíta voi.
23 Che siémpre areko enkuénta Ñandejára léi,+ha ni mbaʼevéicharõ namboykemoʼãi haʼe heʼíva.+
24 Che adesidíma ndajapomoʼãiha mbaʼeve ivaíva,+núnka ndahamoʼãi tape vaíre.+
25 Jehová tomeʼẽ chéve heta mbaʼe porã aiko rupi haʼe oipotaháicha,+ha ndajapói rupi mbaʼeve ivaíva henondépe.+
26 Ñandejára, nde núnka nderehejái umi nanderejáivape,+nde ndehústo umi ndojapóivandi mbaʼeve ivaíva.+
27 Umi persóna isinsérovandi nde nesinséro avei,+péro umi hovamokõivape remeʼẽta pe omereséva.+
28 Nde reipytyvõ umi iñumíldevape,+péro reñemoĩ umi oñemombaʼeguasúvare, ha rehejáta oñemotĩ chupekuéra.+
29 Jehová, nde ningo peteĩ lámpara chéve g̃uarã,+Jehová che Jára, nde rehesape anivéma hag̃ua aiko pytũmbýpe.+
30 Nde chepytyvõ rupi, ikatu añemoĩ umi soldádo oúvare osakea.
Ñandejára, nde chemombarete rupi umi murálla ári jepe ikatu ahasa.+
31 Ñandejára ojapóva guive siémpre iporã,+Jehová ñeʼẽ ipotĩ.*+
Haʼe ningo peteĩ eskúdo oprotehéva umi oñemoag̃uívape hese.+
32 Ndaipóri ni peteĩ dios ikatúva ñakompara Jehová rehe.+
Haʼe ningo ojogua peteĩ ita guasúpe, ¿máva piko ótro ikatu oñembojoja hese?+
33 Ñandejára hína peteĩ lugár imbarete porãva,+haʼe omopotĩta che rape aguata hag̃ua tape porãre.+
34 Haʼe chepytyvõ adipara hag̃ua umi guasúicha,aiko hag̃ua trankílo umi lugár ijyvatévarupi.+
35 Haʼe chentrena aha hag̃ua gerrahápe,umi che jyva ikatu omokarapã peteĩ árko de kóvre.
36 Nde reipuru nde eskúdo cheprotehe ha chesalva hag̃ua.
Neumílde rupi, nde chemombaʼe ha chembotuicha.+
37 Nde reipeʼa che rapégui umi mbaʼe ikatúva chereity,rejapo péicha pono añepysanga.+
38 Apersegíta che enemigokuérape ha ahundíta chupekuéra,ndapytuʼumoʼãi omanomba peve hikuái.
39 Ahundíta ha ambochipéta chupekuéra, ndaikatumoʼãvéima opuʼã hikuái,+haʼekuéra hoʼáta ha che apyrũta hesekuéra.
40 Nde chemombaretéta añorairõ hag̃ua,+nde reitýta che enemigokuérape che renondépe.+
41 Ñandejára, nde rembodiparapáta che enemigokuérape,+che ahundíta umi ndaijaʼéivape cherehe.+
42 Haʼekuéra ojerure asy ajúda péro avave ndosalvái chupekuéra,Jehovápe jepe ojerure sokórro, péro haʼe nopenái hesekuéra.+
43 Amonguʼíta chupekuéra ha opytáta hikuái yvytimbóicha,apyrũmbaitéta hesekuéra ojejapoháicha kállepe pe tujúre.
44 Che puévlo ojekeha ha oñemoĩ che kóntrape,+ péro nde chesalva chuguikuéra.
Nde chesalváta agoverna hag̃ua umi tetã.+
Peteĩ tetã che ndaikuaáiva cheservíta.+
45 Umi extranhéro oñakãitýta oúvo che renondépe,haʼekuéra ohendúta umi mbaʼe che ajapo vaʼekue ha upévare iñeʼẽrendúta chéve.
46 Umi extranhéro ipyʼajúta,haʼekuéra oryrýi osusũta oúvo umi lugár isegúro porãvagui.
47 Jehová ningo peteĩ Dios oikovéva. Toñembotuicha chupe, chéve g̃uarã haʼe peteĩ ita guasu.+
Toñemombaʼeguasu che Járape,+ haʼéva peteĩ ita guasu chesalváva.
48 Ñandejára oñevenga che enemigokuérare,+haʼe omoĩ umi puévlo che poguýpe.+
49 Haʼe cherreskata che enemigokuéragui.
Ñandejára, nde cherupi+ pono cherupyty umi cheatakáva,chesalva pe kuimbaʼe añágui.+
50 Upévare Jehová, che aagradeséta ndéve umi nasión renondépe,+ha rogueropurahéita ambotuicha hag̃ua nde réra.+
51 Ñandejára ojapo heta mbaʼe tuichaitereíva osalva hag̃ua pe rréipe.+
Haʼe ohayhueterei* pe oiporavo* vaʼekuépe,haʼe ohayhu David ha ifamiliarépe opa árare”.+
Nóta
^ Térã: “ijyvatéva”.
^ Térã: “yvytu pepo”.
^ Hebréope: “itĩ oipeju”.
^ Hebréope: “Chepotĩ rupi”.
^ Térã: “oñemopotĩ tatápe”.
