3 Juan 1:1-14
1 Che ningo peteĩ kuimbaʼe ijedáva,* ha askrivi ko kárta Gáyope, che ermáno ahayhuetéva, che ningo añetehápe ahayhu chupe.
2 Che ermáno ahayhuetéva, che ñemboʼépe ajerure resegi hag̃ua reñakãrapuʼã ha neresãi, ha toho porã ndéve entéro mbaʼépe koʼag̃aguáicha.
3 Avyʼaiterei kuri umi ermáno oúrõ guare ha omombeʼu chéve mbaʼéichapa reñakarama hatã pe añeteguáre, ha resegiha reiko pe añetegua rapére.+
4 Chéngo avyʼaiterei* ahendu jave che raʼykuéra osegiha oiko pe añetegua rapére.+
5 Che ermáno ahayhuetéva, nde rehechauka ndefielha Ñandejárape umi mbaʼe rejapóvape umi ermáno rehehápe, ndereikuaáiramo jepe chupekuéra.+
6 Haʼekuéra omombeʼu pe kongregasión renondépe mbaʼeichaitépa nde reporohayhu. Ha ág̃a oho vove hikuái, ejapókena ikatumíva guive eipytyvõ hag̃ua chupekuéra Ñandejára oguerohoryháicha.*+
7 Pórke haʼekuéra osẽ kuri opredika Ñandejára réra rehehápe, ha ndojagarrái mbaʼeve+ umi hénte ótro tetãyguágui.
8 Ñande katu jareko pe ovligasión jarresivi porãvo umichaguápe,+ ikatu hag̃uáicha ñambaʼapo oñondivepa pe añetegua rehehápe.+
9 Che askrivi kuri peteĩ kárta pe kongregasiónpe, péro Diótrefes ndorrespetái mbaʼeve ore roʼéva,+ haʼe ningo oipota pe primer lugár pende apytépe.+
10 Upévare ág̃a aháramo pene rendápe, amombeʼúta la haʼe ojapóva: oikoha oñeʼẽ vai orerehe.+ Ha ndahaʼéi voi upévante, síno ndorrespetái umi ermánope ha ndorresiviséi chupekuéra,+ ha umi orresivisévape katu oñehaʼã ojoko ha omosẽse voi chupekuéra kongregasióngui.
11 Che ermáno ahayhuetéva, ani resegi umi mbaʼe vai apoha ehémplo, síno umi ojapóva mbaʼe porã ehémplo.+ Pe ojapóva iporãva ningo ou Ñandejáragui,+ pe ojapóva ivaíva katu ndoikuaái Ñandejárape.+
12 Enterove umi ermáno oñeʼẽ porã Demétriore ha upéva ojekuaa haʼe oiko rupi avei pe añetegua rapére. Añetehápe ore roñeʼẽ porã avei hese, ha nde reikuaa ore roʼéva siertoha.
13 Arekóramo jepe heta mbaʼe haʼeséva ndéve, ndaskriviséi peteĩ kártape.
14 Upéicharõ jepe, hiʼãite chéve koʼẽrõite rohecha ha ñañemongeta oñondive.
Aipotaite ndepyʼaguapy.
Umi ermáno oguerahaka ndéve salúdo. Emog̃uahẽmi che salúdo káda ermánope.
Nóta
^ Térã: “ansiáno”.
^ Ikatu avei: “Che aagradeseterei”.
^ Upéva oiméne heʼise omeʼẽtaha avei chupekuéra pláta iviaherã.
