Abdías 1:1-21
1 Kóva hína pe visión ohecha vaʼekue Abdías:*
Péicha heʼi Edom rehe Ñandejára Jehová ogovernáva opa mbaʼe:+
“Rohendu peteĩ mensáhe oúva Jehovágui,haʼe omondo peteĩ mensahéro umi tetãnguéra apytépe, ha heʼi:
‘Pepuʼã ha jajeprepara ñañorairõ hag̃ua ikóntrape’”.+
2 “Che ningo ajapo ndehegui peteĩ mbaʼe ndovaléiva mbaʼeverã umi nasionkuéra apytépe,umi hénte ndedespresia ipyʼaite guive.+
3 Reñemombaʼeguasu ne korasõme ha upéva nembotavy,+nde ningo reiko mombyryvehápe umi ita guasu ári,reiko yvate pe montáña ári ha ere nde pyʼapýpe:
‘¿Máva piko chemboguejýta yvýpe?’.
4 Rejaitypóramo jepe ijyvatevehápe* peteĩ ágilaicha,térã remoĩramo jepe nde raity umi estrélla paʼũme,che romboguejýta upégui”, heʼi Jehová.
5 “Ha oúramo jepe ndéve mondaha, umi mondaha oúva pyharekue,¿nomondamoʼãi guaʼu piko hikuái umi mbaʼe oipotávante?
Térã oúramo ndéve umi ombyatýva parrál,¿nomohembymoʼãi guaʼu piko hikuái parrál oñembyaty hag̃ua upe rire?+
¡Péro ndéve katu nerundietéta umi ne enemigokuéra!*
6 ¡Mbaʼeichaitépa ojepovyvy hikuái Esaúre!
Ojeporeka hikuái umi tesóro orekóvare kañyháme.
7 Ndegueraha hikuái pe frontérape.
Enterove umi ndeapojáva* nembotavy.
Umi kuimbaʼe oĩva pyʼaguapýpe nendive ipuʼaka nderehe.
Umi okarúva nendive omoĩta ndéve peteĩ ñuhã,péro nde nderepillamoʼãi.
8 Upe díape”, heʼi Jehová,“ahundíta umi iñarandúvape Edómgui,+ha ahundíta Esaú montañakuéragui umi ontendévape heta mbaʼe.
9 Temán,+ umi nde gerrerokuéra okyhyjetereíta,+pórke káda únope ojejukáta Esaú montañakuérape.+
10 Neviolénto haguére ne ermáno Jacob ndive,+ñemotĩ ndeahoʼíta,+ha reñehundíta pára siémpre.+
11 Upe día repytárõ guare reñemboʼy ha remañánte hína,upe día umi extráño oguerahárõ guare ijehérsitope prisionéroramo,+umi extranhéro oikérõ guare hokẽrupi ha ojapo sortéo+ orreparti hag̃ua umi mbaʼe ojesakea vaʼekue Jerusaléngui,nde avei rejapo vaʼekue umi mbaʼe haʼekuéra ojapóva.
12 Nde nderevyʼái vaʼerã kuri umi mbaʼe ojehúvare ne ermánope upe día ojere vaipárõ guare chupe,+nderevyʼái vaʼerã kuri oñehundi haguére Judá puévlope,+ha nereñemombaʼeguasúi vaʼerã kuri upe día haʼe ohasa asýrõ guare.
13 Nde ndereikéi vaʼerã kuri che puévlo siudápe upe oikoha díape hesekuéra sarambi,+nde nderevyʼái vaʼerã kuri umi mbaʼe vai oikóvare hesekuéra upe oikoha díape sarambi,ha nderejagarrái vaʼerã kuri umi rrikésa orekóva hikuái upe oikoha díape hesekuéra sarambi.+
14 Ha nereñemboʼýi vaʼerã kuri umi krúsepe rejuka hag̃ua umi odipara vaʼekuépe okañy hag̃ua,+ha nerentregái vaʼerã kuri iñenemigokuérape umi ojesalvávape upe ojehasa asyha díape.+
15 Pórke hiʼag̃uíma hína pe día Jehová outaha umi tetãnguéra kóntrape.+
Upe nde rejapo haguéicha, upéicha avei ojejapóta nderehe.+
Upe nde retrata haguéicha ótrope, upéicha avei rejetratáta.*
16 Peẽ peʼu haguéicha víno che montáña sagrádape,upéicha avei enterove umi tetãnguéra osegíta hoʼu vínoicha che pochykue.+
Haʼekuéra katuete hoʼúta ha hyg̃uatãta che pochykuépe,ha upépe haʼetéta ku ndoexistíri vaʼekue hikuái arakaʼeve.
17 Péro Sérro Siónpe oĩta umi okañy vaʼekue,+ha upe sérro sagrádota,+ha Jacob rogaygua orrekuperáta umi mbaʼe ojepeʼa vaʼekue chuguikuéra ha imbaʼekuérava voi.+
18 Jacob rogayguágui oikóta tata,José rogayguágui avei oikóta tata,ha Esaú rogayguágui oikóta kapiʼi pirukue,haʼekuéra ombojáta hese tata ha okaipaitéta,ha ni peteĩ Esaú rogaygua ndojesalvamoʼãi,+pórke Jehová voi heʼíma upéva.
19 Haʼekuéra ojagarráta pe Négueb ha Esaú montañakuéra,+ojagarráta pe Sefelá ha umi filisteo yvy,+ojagarráta hikuái Efraín ñu ha Samaria ñu,+ha Benjamín ojagarráta Galaad.
20 Pe puévlo de Israélpe, umi ojegueraha vaʼekuépe prisionéroramo ko lugár isegúro porãvagui,*+
oñemeʼẽta imbaʼerã umi cananeo yvy Sarepta+ peve.
Ha umi ojegueraha vaʼekue Jerusaléngui ha oĩva hína Sefarádpe, umíva ojagarráta imbaʼerã umi siuda oĩva pe Néguebpe.+
21 Umi salvadór ojupíta Sérro Siónpeohusga hag̃ua Esaú montañakuérape,+ha Jehová ogovernáta rréicha”.+
Nóta
^ Heʼiséva: “Jehová siérvo”.
^ Ikatu avei: “Revevéramo jepe yvate”.
^ Ikatu avei: “¡Hetaite mbaʼe ohundíta hikuái!”.
^ Térã: “umi ojapo vaʼekue nendive peteĩ kompromíso”.
^ Hebréope: “upéva ou jeýta ne akã ári”.
^ Térã: “rrámpagui”.