Amós 2:1-16
2 “Péicha heʼi Jehová:
‘“Moab opuʼã rupi cherehe* heta vése,*+ che nakambiamoʼãi pe adesidi vaʼekue,pórke ohapy pe rréi de Edom kanguekue ojapo hag̃ua chugui kal.
2 Upévare amondóta tata Moábpe,ha ohapypaitéta Queriyot+ torrekuéra isegúro porãva.
Moab omanóta tuicha guyryry apytépe,ojesapukáita oñepyrũmaha pe gérra ha oñembopúta pe turu.+
3 Aipeʼáta ijapytégui pe igovernántepe,*
ha hendive ajukáta entéro umi prinsipekuérape”,+ heʼi Jehová’.
4 Péicha heʼi Jehová:
‘Judá opuʼã rupi cherehe* heta vése,*+ che nakambiamoʼãi pe adesidi vaʼekue,pórke haʼekuéra orrechasa Jehová léi,*
ha nokumplíri hikuái umi imandamientokuéra.+
Upéva rangue ombotavy avei chupekuéra umi japu osegi vaʼekue umi ituakuéra ypykue.+
5 Upévare amondóta tata Judápe,ha ohapypaitéta Jerusalén torrekuéra isegúro porãva’.+
6 Péicha heʼi Jehová:
‘Israel opuʼã rupi cherehe* heta vése,*+ che nakambiamoʼãi pe adesidi vaʼekue,pórke ovende hikuái plátare umi ihústovape,ha umi imboriahúvape katu mokõi sandáliare.+
7 Haʼekuéra opyrũ umi imboriahúva akãre ha omona chupekuéra yvýre,+ha omaltrata umi ivuénovape.+
Peteĩ túa ha itaʼýra oreko rrelasión sexuál el mísmo kuñándi,ha péicha omongyʼa hikuái che réra sagradoitéva.
8 Haʼekuéra oñeno kompletoite umi altár+ ykére umi hapicha ao ári, umíva ojagarra kuri hikuái de garantía hapichágui oipuruka haguére chupe pláta,*+
haʼekuéra ojogua víno umi interés okovra vaʼekuére ha hoʼu idioskuéra témplope’.*
9 ‘Péro che la ajuka vaʼekue umi amorréope che puévlo rehehápe,+umi amorreo ningo ijyvate vaʼekue umi sédroicha ha imbarete umi yvyramáta guasúicha,*
péro ahundi chugui umi hiʼa oĩva yvate ha pe hapo oĩ vaʼekue yvyguýpe.+
10 Che pogueru vaʼekue Egíptogui,+ha pomongorre pe desiértore 40 áño,+pejagarra hag̃ua penembaʼerã umi amorreo yvy.
11 Ha pende raʼykuéra apytégui algúnogui ajapo vaʼekue proféta,+ha unos kuánto mitãrusúgui ajapo vaʼekue nazareo.*+
¿Ndahaʼéipa hína upéicha Israel?’, heʼi Jehová.
12 ‘Péro peẽ pesegi peʼuka víno umi nazaréope,+ha pemanda umi pende profetakuérape: “Ani peprofetisa”.+
13 Upévare apyrũta penderehe ha pombochipéta upe lugár peikohápe,peteĩ karréta henyhẽtéva semíllagui ombochipeháicha umi mbaʼe opyrũvare ohóvo.
14 Pe iñakuãva ndorekomoʼãi lugár okañy hag̃ua,+ha pe imbaretéva ikangýta,ni peteĩ gerréro ndosalvamoʼãi hekove.*
15 Pe oipurúva árko ha flécha ndaipuʼakamoʼãi ikontráriore,pe iñakuãva ndojesalvamoʼãi,ha pe oikóva kavaju ári ndosalvamoʼãi hekove.*
16 Pe gerréro ipyʼaguasuvéva* jepeodiparáta opío lénto upe díape’,+ heʼi Jehová”.
Nóta
^ Hebréope: “3 ha 4 vése”.
^ Térã: “oporojuka rupi”.
^ Hebréope: “ihuéspe”.
^ Térã: “oporojuka rupi”.
^ Térã: “instruksión”.
^ Hebréope: “3 ha 4 vése”.
^ Térã: “oporojuka rupi”.
^ Hebréope: “3 ha 4 vése”.
^ Térã: “ao”.
^ Hebréope: “rógape”.
^ Hebréope: “rróvleicha”.
^ Térã: “hiʼálma”.
^ Térã: “hiʼálma”.
^ Térã: “imbaretéva ikorasõme”.
